დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | “საქართველოს შინაგან საქმეთა სამინისტროს სისტემაში გასატარებელი ზოგიერთი ღონისძიებების შესახებ” | |
|---|---|
| დოკუმენტის ნომერი | 636 |
| დოკუმენტის მიმღები | საქართველოს პრეზიდენტი. |
| მიღების თარიღი | 31/12/2004 |
| დოკუმენტის ტიპი | საქართველოს პრეზიდენტის ბრძანებულება |
| გამოქვეყნების წყარო, თარიღი | სსმ, 156, 31/12/2004 |
| სარეგისტრაციო კოდი | 140.010.000.08.002.003 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (31/12/2004 - 04/04/2005)
სახელმწიფო სარეგისტრაციო კოდი 140.010.000.08.002.003
საქართველოს პრეზიდენტის
ბრძანებულება №636
2004 წლის 31 დეკემბერი
ქ. თბილისი
საქართველოს შინაგან საქმეთა სამინისტროს სისტემაში გასატარებელი ზოგიერთი ღონისძიების შესახებ
საქართველოს შინაგან საქმეთა სამინისტროში მიმდინარე რეფორმისა და „საქართველოს სამხედრო ძალებში გასატარებელი ღონიძიებების შესახებ“ საქართველოს პრეზიდენტის 2004 წლის 12 ნოემბრის №505 ბრძანებულების მოთხოვნების შესაბამისად:
1. საქართველოს თავდაცვის სამინისტროს გადაეცეს:
ა) საქართველოს შინაგან საქმეთა სამინისტროს გენერალ გია გულუას სახელობის პოლიციის სპეციალური დანიშნულების სამმართველოს საშტატო რიცხოვნობა ბალანსზე რიცხული საშტატო ქონებით, მათ შორის ინფრასტრუქტურით, შეიარაღებითა და მატერიალურ-ტექნიკური ბაზით;
ბ) საქართველოს შინაგან საქმეთა სამინისტროს შინაგანი ჯარების ბალანსზე რიცხული ვერტმფრენები შესაბამისი სათადარიგო მარაგნაწილებით:
- მი-8 მტვ – 2 ერთეული
- მი-8 ამტ – 1 ერთეული
- მი-8 ტ – 9 ერთეული.
გ) საქართველოს შინაგან საქმეთა სამინისტროს სახელმწიფო საქვეუწყებო დაწესებულების – სახელმწიფო საზღვრის დაცვის დეპარტამენტის ბალანსზე რიცხული ვერტმფრენი:
- მი-8 მტვ – 1 ერთეული.
2. საქართველოს თავდაცვის სამინისტრომ (ირ. ოქრუაშვილი) განიხილოს საქართველოს შინაგან საქმეთა სამინისტროს გენერალ გია გულუას სახელობის პოლიციის სპეციალური დანიშნულების სამმართველოს პირადი შემადგენლობისა და გადაცემული ვერტმფრენების ეკიპაჟის სამხედრო სამსახურში მიღების საკითხი მოქმედი კანონმდებლობის მოთხოვნათა გათვალისწინებით.
3. საქართველოს შინაგან საქმეთა სამინისტრომ (ივ. მერაბიშვილი), თავდაცვის სამინისტრომ, ეკონომიკური განვითარების სამინისტრომ (ალ. ალექსიშვილი) და ფინანსთა სამინისტრომ (ზ. ნოღაიდელი) ამ ბრძანებულების პირველი პუნქტის შესრულების მიზნით უზრუნველყონ კანონმდებლობით გათვალისწინებული ღონისძიებების განხორციელება.
მ. სააკაშვილი
დოკუმენტის კომენტარები