თერჯოლის მუნიციპალიტეტის სიმბოლოების (გერბის და დროშის) დამტკიცების შესახებ

საქართველოს ორგანული კანონის „ადგილობრივი თვითმმართველობის კოდექსი“ მე-8 მუხლის,  24-ე მუხლის პირველი პუნქტის „ა.გ.“ ქვეპუნქტის, 61-ე მუხლის პირველი და მეორე პუნქტების შესაბამისად, თერჯოლის მუნიციპალიტეტის საკრებულო ადგენს:

დამტკიცდეს თერჯოლის მუნიციპალიტეტის გერბი და გერბის აღწერილობა, დანართი №1-ის შესაბამისად.

დამტკიცდეს თერჯოლის მუნიციპალიტეტის დროშა და დროშის აღწერილობა, დანართი №2-ის შესაბამისად.

დადგენილება ამოქმედდეს გამოქვეყნებისთანავე.

გერბის ფარი გაკვეთილია და ქონგურისებრად გადაკვეთილია ოთხ ნაწილად (ველად). პირველ ზურმუხტის ველზე გამოსახულია ოქროს საყდარი. მეორე და მესამე ვერცხლის ველზე, ცენტრში, გამოსახულია ზურმუხტის მტევანი, ვაზის ორი ზურმუხტის ფოთლით. მეოთხე, ზურმუხტოვან ველზე ზედა ნაწილში გამოსახულია ოქროსთაღოვანი ხიდი, ქვედა ნაწილში კი ოქროს სამი შემცირებული ტალღოვანი სარტყელი. ფარს ქვემოთ მოთავსებულია გერბის დევიზის ვერცხლ-ზურმუხტოვანი ბაფთა, რომლის ვერცხლის ველზე შავად ჩაწერილია დევიზი "თერჯოლა".

დროშა ქონგურისებურად გადაკვეთილია ორ ნაწილად: ზურმუხტის 1:3 და ვერცხლის 2:3 ველებად. ზურმუხტის ველზე გამოსახულია ოქროს ჰერალდიკური ჯვარი. დროშის პროპორცია არის 2:3.