დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის N996 ბრძანებაში ცვლილების შეტანის თაობაზე | |
---|---|
დოკუმენტის ნომერი | 184 |
დოკუმენტის მიმღები | საქართველოს ფინანსთა მინისტრი |
მიღების თარიღი | 05/06/2017 |
დოკუმენტის ტიპი | საქართველოს მინისტრის ბრძანება |
გამოქვეყნების წყარო, თარიღი | ვებგვერდი, 07/06/2017 |
სარეგისტრაციო კოდი | 200090000.22.033.016982 |
|
„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:
|
მუხლი 1 |
„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებით (სსმ, ვებგვერდი, 060111, 03/01/2011, 2000900000.22.033.016112) დამტკიცებული ინსტრუქციის 112-ე მუხლის 22-ე პუნქტის შემდეგ დაემატოს შემდეგი შინაარსის 23-ე და 24-ე პუნქტები:
„23. იმ შემთვევაში, თუ ევროპის რეკონსტრუქციისა და განვითარების ბანკის სასარგებლოდ გადახდილი და „ევროპის რეკონსტრუქციისა და განვითარების ბანკის დამფუძნებელი შეთანხმების“ საფუძველზე დაბეგვრისაგან გათავისუფლებული დივიდენდი დაიბეგრა გადახდის წყაროსთან, დაკავებული გადასახადის თანხა ექვემდებარება დაბრუნებას, ევროპის რეკონსტრუქციისა და განვითარების ბანკის განცხადებისა და საგადასახადო აგენტის დასტურის საფუძველზე. 24. თანხის დაბრუნება განხორციელდეს ევროპის რეკონსტრუქციისა და განვითარების ბანკის განცხადებაში მითითებულ საბანკო ანგარიშზე განცხადების წარმოდგენიდან 1 თვის ვადაში, საგადასახადო კანონმდებლობით დადგენილი ხანდაზმულობის ვადის გათვალისწინებით.“. |
მუხლი 2 |
ეს ბრძანება ამოქმედდეს გამოქვეყნებისთანავე.
|
|
დოკუმენტის კომენტარები