სსიპ − საგანმანათლებლო და სამეცნიერო ინფრასტრუქტურის განვითარების სააგენტოს მიერ განსახორციელებელი ზოგიერთი ღონისძიების შესახებ

საქართველოს მთავრობის

განკარგულება №959

2017 წლის 18 მაისი

ქ. თბილისი

სსიპ − საგანმანათლებლო და სამეცნიერო ინფრასტრუქტურის განვითარების სააგენტოს მიერ განსახორციელებელი ზოგიერთი ღონისძიების შესახებ

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „კ“ და „ლ“ ქვეპუნქტების საფუძველზე, სსიპ – ათასწლეულის გამოწვევის ფონდ – საქართველოსა და სსიპ – საგანმანათლებლო და სამეცნიერო ინფრასტრუქტურის განვითარების სააგენტოს შორის 2014 წლის 11 ნოემბერს გაფორმებული შეთანხმების სრულყოფილად განხორციელების მიზნით, სსიპ – საგანმანათლებლო და სამეცნიერო ინფრასტრუქტურის განვითარების სააგენტოს მიეცეს თანხმობა, განახორციელოს სსიპ –ათასწლეულის გამოწვევის ფონდ – საქართველოს მიერ რეაბილიტირებული სკოლებისათვის ხაზობრივი ნაგებობების მოსაწესრიგებელი სამუშაოები  და, საჭიროების შემთხვევაში, აღნიშნული სამუშაოები შეასრულოს სკოლის წითელი ხაზების ფარგლებს გარეთ (დაერთების წერტილების ადგილმდებარეობის გათვალისწინებით).

პრემიერ-მინისტრი                                                                                   გიორგი კვირიკაშვილი