საქართველოსა და აზიის განვითარების ბანკს (ADB) შორის გაფორმებული „მდგრადი ურბანული ტრანსპორტის საინვესტიციო პროგრამის“ (პროექტები 1, 2 და 3) ფარგლებში განსახორციელებელი ღონისძიებების შესახებ

საქართველოს მთავრობის

განკარგულება №888

2017 წლის 5 მაისი

ქ. თბილისი

საქართველოსა და აზიის განვითარების ბანკს (ADB) შორის გაფორმებული „მდგრადი ურბანული ტრანსპორტის საინვესტიციო პროგრამის“ (პროექტები 1, 2 და 3) ფარგლებში განსახორციელებელი ღონისძიებების შესახებ

1.    მიღებულ იქნეს ცნობად საქართველოს ფინანსთა სამინისტროს ინფორმაცია საქართველოსა და აზიის განვითარების ბანკს (ADB) შორის 2010 წლის 5 აგვისტოს გაფორმებული „მდგრადი ურბანული ტრანსპორტის საინვესტიციო პროგრამა – პროექტი 1“, 2012 წლის 24 ივლისს გაფორმებული „მდგრადი ურბანული ტრანსპორტის საინვესტიციო  პროგრამა   –  პროექტი  2“   და  2013   წლის  19  დეკემბერს  გაფორმებული  „მდგრადი  ურბანული  ტრანსპორტის საინვესტიციო პროგრამა – პროექტი 3“ სასესხო ხელშეკრულებებით გათვალისწინებული სესხების დახურვის თარიღების გადაწევის თაობაზე .

2.    საქართველოს ფინანსთა სამინისტრომ მიმართოს აზიის განვითარების ბანკს საქართველოსა და აზიის განვითარების ბანკს (ADB) შორის 2010 წლის 5 აგვისტოს გაფორმებული „მდგრადი ურბანული ტრანსპორტის საინვესტიციო პროგრამა – პროექტი 1“, 2012 წლის 24 ივლისს გაფორმებული „მდგრადი ურბანული ტრანსპორტის საინვესტიციო პროგრამა – პროექტი 2“ და 2013 წლის 19 დეკემბერს გაფორმებული „მდგრადი ურბანული ტრანსპორტის საინვესტიციო პროგრამა – პროექტი 3“ სასესხო ხელშეკრულებებით გათვალისწინებული სესხის დახურვის თარიღის 2020 წლის 18 ივლისამდე გადაწევის თხოვნით.

პრემიერ-მინისტრი                               გიორგი კვირიკაშვილი