სახელმწიფო ტყის ფონდის საზღვრის კორექტირების შესახებ

საქართველოს მთავრობის

განკარგულება №877

2017 წლის 4 მაისი

ქ. თბილისი

სახელმწიფო ტყის ფონდის საზღვრის კორექტირების შესახებ

„სახელმწიფო ტყის ფონდის საზღვრის დადგენის წესის შესახებ“ საქართველოს მთავრობის 2010 წლის 13 აგვისტოს №240 დადგენილებით დამტკიცებული წესის მე-4 მუხლის მე-5 პუნქტის „კ“ ქვეპუნქტის შესაბამისად, განხორციელდეს სახელმწიფო ტყის ფონდის საზღვრის კორექტირება და სახელმწიფო ტყის ფონდიდან ამოირიცხოს მესტიის მუნიციპალიტეტში, დაბა მესტიაში მდებარე 22691 კვ. მ არასასოფლო-სამეურნეო (სახელმწიფო ტყის ფონდი) დანიშნულების მიწის ნაკვეთი (მიწის (უძრავი ქონების) საკადასტრო კოდი: №42.06.41.124) და მესტიის მუნიციპალიტეტში, დაბა მესტიაში მდებარე 3442 კვ. მ არასასოფლო-სამეურნეო (სახელმწიფო ტყის ფონდი) დანიშნულების მიწის ნაკვეთი (მიწის (უძრავი ქონების) საკადასტრო კოდი: №42.06.41.125).

პრემიერ-მინისტრი გიორგი კვირიკაშვილი