„საქართველოს მთავრობასა და გერმანიის ფედერაციული რესპუბლიკის მთავრობას შორის „ფინანსური თანამშრომლობის შესახებ (2015)“ 2016 წლის 20 აპრილს გაფორმებულ შეთანხმებაში“ ცვლილების შეტანის შესახებ შეთანხმების ხელმოწერის თაობაზე

საქართველოს მთავრობის

განკარგულება №84 0

2017 წლის 1 მაისი

ქ. თბილისი

„საქართველოს მთავრობასა და გერმანიის ფედერაციული რესპუბლიკის მთავრობას შორის „ფინანსური თანამშრომლობის შესახებ (2015)“ 2016 წლის 20 აპრილს გაფორმებულ შეთანხმებაში“ ცვლილების შეტანის შესახებ შეთანხმების“ საქართველოს პარლამენტში სარატიფიკაციოდ წარდგენისა და მომხსენებლებად გ. კაკაურიძისა და ლ. ხუციშვილის დანიშვნის თაობაზე

1. საქართველოს კონსტიტუციის 65-ე მუხლის 1¹ ნაწილისა და „საქართველოს საერთაშორისო ხელშეკრულებების შესახებ“ საქართველოს კანონის მე-15 მუხლის პირველი პუნქტის საფუძველზე, საქართველოს პარლამენტს რატიფიკაციის მიზნით წარედგინოს „საქართველოს მთავრობასა და გერმანიის ფედერაციული რესპუბლიკის მთავრობას შორის „ფინანსური თანამშრომლობის შესახებ (2015)“ 2016 წლის 20 აპრილს გაფორმებულ შეთანხმებაში“ ცვლილების შეტანის შესახებ“ შეთანხმება (შემდგომში − შეთანხმება).

2. „საპარლამენტო მდივნის შესახებ“ საქართველოს კანონის მე-4 მუხლის მე-6 პუნქტის საფუძველზე, საქართველოს პარლამენტში სარატიფიკაციოდ წარდგენილ ამ განკარგულების პირველ პუნქტში აღნიშნულ შეთანხმებაზე საქართველოს პარლამენტის საკომიტეტო და პლენარულ სხდომებზე მომხსენებლებად დაინიშნონ საქართველოს ფინანსთა მინისტრის მოადგილეები − გიორგი კაკაურიძე და ლაშა ხუციშვილი.

პრემიერ-მინისტრი                                                               გიორგი კვირიკაშვილი