„ქალაქ ფოთის მუნიციპალიტეტისათვის დროებითი ფინანსური დახმარების გამოყოფის შესახებ“ საქართველოს მთავრობის 2017 წლის 9 თებერვლის №200 განკარგულებაში ცვლილების შეტანის თაობაზე

საქართველოს მთავრობის

განკარგულება №860

2017 წლის 4 მაისი

ქ. თბილისი

„ქალაქ ფოთის მუნიციპალიტეტისათვის დროებითი ფინანსური დახმარების გამოყოფის შესახებ“ საქართველოს მთავრობის 2017 წლის 9 თებერვლის №200 განკარგულებაში ცვლილების შეტანის თაობაზე

 საქართველოს ზოგადი ადმინისტრაციული კოდექსის 63-ე მუხლის შესაბამისად, „ქალაქ ფოთის მუნიციპალიტეტისათვის დროებითი ფინანსური დახმარების გამოყოფის შესახებ“ საქართველოს მთავრობის 2017 წლის 9 თებერვლის №200 განკარგულებაში შეტანილ იქნეს ცვლილება და:

1. პირველი პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) „ქალაქ ფოთის მუნიციპალიტეტის მერისათვის სესხის აღების თაობაზე თანხმობის მიცემის და გასატარებელი ღონისძიებების შესახებ“ ქ. ფოთის მუნიციპალიტეტის საკრებულოს 2017 წლის 26 იანვრის №3/4 და 21 აპრილის №11/27 განკარგულებებით, ქ. ფოთის მუნიციპალიტეტის მერს მიეცა თანხმობა, დააყენოს საკითხი საქართველოს მთავრობის წინაშე 3 800 000 (სამი მილიონ რვაასი ათასი) ლარის უპროცენტო სესხის აღების თაობაზე.“.

2. მე-3 პუნქტი ჩამოყალიბდეს შემდეგი რედაქციით:

„3. ქალაქ ფოთის მუნიციპალიტეტის მიერ 2017 წლის ბიუჯეტით გათვალისწინებული ღონისძიებების შეუფერხებელი დაფინანსების მიზნით, საქართველოს ფინანსთა სამინისტრომ „საქართველოს 2017 წლის სახელმწიფო ბიუჯეტის შესახებ“ საქართველოს კანონის მე-16 მუხლის მე-5 პუნქტის შესაბამისად, ქალაქ ფოთის მუნიციპალიტეტს სესხის სახით გამოუყოს 3 800 000 (სამი მილიონ რვაასი ათასი) ლარი, შემდეგი პირობებით:

ა) სესხი გაიცეს სესხის მოთხოვნის უზრუნველყოფის საშუალების გარეშე;

ბ) სესხით სარგებლობის წლიური განაკვეთი განისაზღვროს ნული პროცენტით;

გ) 2 300 000 (ორი მილიონ სამასი ათასი) ლარის ოდენობის სესხით სარგებლობის ვადა განისაზღვროს არაუგვიანეს 2017 წლის 1 აგვისტოთი;

დ) 1 500 000 (ერთი მილიონ ხუთასი ათასი) ლარის ოდენობის სესხით სარგებლობის ვადა განისაზღვროს არაუგვიანეს 2017 წლის 1 დეკემბრით.“.

პრემიერ-მინისტრი        გიორგი კვირიკაშვილი