შპს „მარცვლეულის ლოგისტიკის კომპანიის“ სახელმწიფო საკუთრებაში არსებული 100%-იანი წილის პირდაპირი მიყიდვის ფორმით პრივატიზების შესახებ

 საქართველოს მთავრობის

განკარგულება №820

2017 წლის 25 აპრილი

ქ. თბილისი

შპს „მარცვლეულის ლოგისტიკის კომპანიის“ სახელმწიფო საკუთრებაში არსებული 100%-იანი წილის პირდაპირი მიყიდვის ფორმით პრივატიზების შესახებ

1. „სახელმწიფო ქონების შესახებ“ საქართველოს კანონის 42-ე მუხლის მე-2 პუნქტის შესაბამისად, შპს „მარცვლეულის ლოგისტიკის კომპანიის“ (ს/ნ: №404904458) სახელმწიფო საკუთრებაში არსებული 100%-იანი წილი პირდაპირი მიყიდვის ფორმით, სიმბოლურ ფასად − 1 (ერთი) ლარად, საკუთრებაში გადაეცეს ა(ა)იპ − სოფლის მეურნეობის პროექტების მართვის სააგენტოს (ს/კ: №404923785).

 2. საპრივატიზებო პირობად განისაზღვროს საპრივატიზებო თანხის გადახდა შესაბამისი ხელშეკრულების გაფორმებიდან 30 (ოცდაათი) დღეში.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა − სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიების განხორციელება.

პრემიერ-მინისტრი                                                             გიორგი კვირიკაშვილი