საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ - სახელმწიფო ქონების ეროვნული სააგენტოსათვის ქონების გაცვლაზე თანხმობის მიცემის თაობაზე

 საქართველოს მთავრობის

განკარგულება №817

2017 წლის 25 აპრილი

ქ. თბილისი

საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ − სახელმწიფო ქონების ეროვნული სააგენტოსათვის ქონების გაცვლაზე თანხმობის მიცემის თაობაზე

 1.  „სახელმწიფო ქონების შესახებ“ საქართველოს კანონის მე-3 მუხლის მე-5 პუნქტის შესაბამისად, საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ − სახელმწიფო ქონების ეროვნულ სააგენტოს მიეცეს თანხმობა, რომ შპს „თერჯოლა-კარიერს“ (ს/კ: №204546811) საკუთრებაში გადასცეს სახელმწიფო საკუთრებაში არსებული, ამ განკარგულების №1 დანართით  განსაზღვრული უძრავი ქონება შპს „თერჯოლა-კარიერის“ საკუთრებაში არსებული, ამ განკარგულების №2 დანართით გათვალისწინებული უძრავი ქონების სახელმწიფო საკუთრებაში უფლებრივად უნაკლო მდგომარეობაში გადაცემის სანაცვლოდ.

2. ამ განკარგულების პირველი პუნქტით გათვალისწინებული უძრავი ქონების გაცვლის პირობებად განისაზღვროს:

ა) შესაბამისი ხელშეკრულების გაფორმებიდან 1 (ერთი) თვის ვადაში, სსიპ − ლევან სამხარაულის სახელობის სასამართლო ექსპერტიზის ეროვნული ბიუროს დასკვნებით დადგენილი, ამ განკარგულების პირველი პუნქტით გათვალისწინებული უძრავი ქონების საბაზრო ღირებულებებს შორის არსებული სხვაობის − 27732.6 (ოცდაშვიდი ათას შვიდას ოცდათორმეტი ლარი და სამოცი თეთრი) ლარის გადახდა;

ბ) შესაბამისი ხელშეკრულების გაფორმებიდან 1 (ერთი) თვის ვადაში, №67.01.49.084 და №67.08.34.049 (მიწის (უძრავი ქონების)) საკადასტრო კოდებით რეგისტრირებულ მიწის ნაკვეთებზე არსებული გამოუყენებელი სასარგებლო წიაღისეულის საკომპენსაციო თანხის გადახდის უზრუნველყოფა.

3. ამ განკარგულების მე-2 პუნქტით გათვალისწინებულ პირობებზე დამატებით, №67.08.34.048 და №67.08.34.049 (მიწის (უძრავი ქონების))  საკადასტრო კოდებით რეგისტრირებული მიწის ნაკვეთების გაცვლის პირობად განისაზღვროს ამავე მიწის ნაკვეთებზე წიაღით სარგებლობის შესაძლებლობის უზრუნველყოფა.

4. საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ − სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიების განხორციელება.

პრემიერ-მინისტრი                                                                          გიორგი კვირიკაშვილი