„საქართველოს ეკონომიკისა და მდგრადი განვითარების სამინისტროსა და მის სისტემაში შემავალ საჯარო სამართლის იურიდიულ პირებზე „საქართველოს 2017 წლის სახელმწიფო ბიუჯეტის შესახებ“ საქართველოს კანონით გათვალისწინებულ შეზღუდვებზე გამონაკლისების დაშვების თაობაზე“ საქართველოს მთავრობის 2017 წლის 21 მარტის №505 განკარგულებაში ცვლილების შეტანის შესახებ

საქართველოს მთავრობის

განკარგულება №848

2017 წლის 4 მაისი

ქ. თბილისი

„საქართველოს ეკონომიკისა და მდგრადი განვითარების სამინისტროსა და მის სისტემაში შემავალ საჯარო სამართლის იურიდიულ პირებზე „საქართველოს 2017 წლის სახელმწიფო ბიუჯეტის შესახებ“ საქართველოს კანონით გათვალისწინებულ შეზღუდვებზე გამონაკლისების დაშვების თაობაზე“ საქართველოს მთავრობის 2017 წლის 21 მარტის №505 განკარგულებაში ცვლილების შეტანის შესახებ

1. საქართველოს ზოგადი ადმინისტრაციული კოდექსის 63-ე მუხლისა და „საქართველოს 2017 წლის სახელმწიფო ბიუჯეტის შესახებ“ საქართველოს კანონის 22-ე მუხლის მე-7 პუნქტის შესაბამისად, „საქართველოს ეკონომიკისა და მდგრადი განვითარების სამინისტროსა და მის სისტემაში შემავალ საჯარო სამართლის იურიდიულ პირებზე „საქართველოს 2017 წლის სახელმწიფო ბიუჯეტის შესახებ“ საქართველოს კანონით გათვალისწინებულ შეზღუდვებზე გამონაკლისების დაშვების თაობაზე“ საქართველოს მთავრობის 2017 წლის 21 მარტის №505 განკარგულებაში შეტანილ იქნეს ცვლილება და განკარგულების პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:

   „ბ) საჯარო სამართლის იურიდიულ პირზე – აწარმოე საქართველოში არ გავრცელდეს „საქართველოს 2017 წლის სახელმწიფო ბიუჯეტის შესახებ“ საქართველოს კანონის 22-ე მუხლის პირველი, მე-3 და მე-4 პუნქტებით გათვალისწინებული შეზღუდვები და მიეცეს თანხმობა, რომ:

ბ.ა) შტატგარეშე მომუშავეთა რაოდენობა განისაზღვროს არაუმეტეს 47 (ორმოცდაშვიდი) ერთეულით;

ბ.ბ) საჯარო სამართლის იურიდიული პირის – აწარმოე საქართველოში დირექტორის თანამდებობრივი სარგო განისაზღვროს არა უმეტეს 3500 (სამი ათას ხუთასი) ლარით;

ბ.გ) შტატით გათვალისწინებულ თანამდებობებზე ფაქტობრივად დასაქმებული თანამშრომლების საშუალო თანამდებობრივი სარგო არ აღემატებოდეს 2200 (ორი ათას ორასი) ლარს;“.

2. განკარგულება ძალაშია 2017 წლის 1 მაისიდან.

პრემიერ-მინისტრი                                                                            გიორგი კვირიკაშვილი