ქ.თბილისში, სამგორის რაიონში, ჭირნახულის ქუჩის II ჩიხის მონაკვეთისთვის, მასთან არსებული ჩიხისთვის და ოთხი შესახვევისთვის არქეოლოგის როსტომ აბრამიშვილის სახელის მინიჭების შესახებ

ქალაქ თბილისის მუნიციპალიტეტის საკრებულოს

განკარგულება №148

2017 წლის 28 აპრილი

ქ.თბილისი

ქ. თბილისში, სამგორის რაიონში, ჭირნახულის ქუჩის II ჩიხის მონაკვეთისთვის, მასთან არსებული ჩიხისთვის და ოთხი შესახვევისთვის არქეოლოგის როსტომ აბრამიშვილის სახელის მინიჭების შესახებ

1. საქართველოს ორგანული კანონის „ადგილობრივი თვითმმართველობის კოდექსი” 68-ე მუხლის პირველი პუნქტის „გ“ ქვეპუნქტის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“, საქართველოს მთავრობის 2015 წლის 1 ივნისის №239 დადგენილებისა და „ქ.თბილისის მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“, ქ.თბილისის მუნიციპალიტეტის საკრებულოს 2015 წლის 16 ივნისის №14-59 დადგენილების თანახმად, ქ.თბილისის მუნიციპალიტეტის საკრებულომ დაადგინა:

ა) სამგორის რაიონში, ჭირნახულის ქუჩის II ჩიხის მონაკვეთს (II ჩიხის მონაკვეთი ჩამოყალიბდა დამოუკიდებელ ქუჩად), მასთან არსებულ ჩიხს და ოთხ შესახვევს მიენიჭოს არქეოლოგის როსტომ აბრამიშვილის სახელი, თანდართული რუკის თანახმად;

ბ) ქ.თბილისის მუნიციპალიტეტის მერიამ, ოთხი თვის ვადაში, უზრუნველყოს ამ განკარგულების შესასრულებლად საჭირო ღონისძიებების განხორციელება.

2. განკარგულება ერთი თვის ვადაში შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კმ, №6).

საკრებულოს თავმჯდომარე                                                  გიორგი ალიბეგაშვილი