სსიპ – საქართველოს მუნიციპალური განვითარების ფონდისათვის „საქართველოს 2017 წლის სახელმწიფო ბიუჯეტის შესახებ“ საქართველოს კანონის 22-ე მუხლით გათვალისწინებულ შეზღუდვებზე გამონაკლისის დაშვებისა და სსიპ − საქართველოს მუნიციპალური განვითარების ფონდის 2017 წლის ბიუჯეტის, საშტატო ნუსხისა და სახელფასო ფონდის საქართველოს მთავრობასთან შეთანხმების შესახებ

საქართველოს მთავრობის

განკარგულება №731

2017 წლის 10 აპრილი

ქ. თბილისი

სსიპ – საქართველოს მუნიციპალური განვითარების ფონდისათვის „საქართველოს 2017 წლის სახელმწიფო ბიუჯეტის შესახებ“ საქართველოს კანონის 22-ე მუხლით გათვალისწინებულ შეზღუდვებზე გამონაკლისის დაშვებისა და სსიპ − საქართველოს მუნიციპალური განვითარების ფონდის 2017 წლის ბიუჯეტის, საშტატო ნუსხისა და სახელფასო ფონდის საქართველოს მთავრობასთან შეთანხმების შესახებ

1. „საქართველოს 2017 წლის სახელმწიფო ბიუჯეტის შესახებ“ საქართველოს კანონის 22-ე მუხლის მე-7 პუნქტის შესაბამისად, სსიპ − საქართველოს მუნიციპალური განვითარების ფონდზე (შემდგომში − ფონდი) არ გავრცელდეს „საქართველოს 2017 წლის სახელმწიფო ბიუჯეტის შესახებ“ საქართველოს კანონის 22-ე მუხლის პირველი, მე-3 და მე-4 პუნქტებით გათვალისწინებული შეზღუდვები და ფონდს მიეცეს თანხმობა, რომ:

ა) ფონდის შტატგარეშე მომუშავეთა რაოდენობა განსაზღვროს არაუმეტეს 23 (ოცდასამი) ერთეულით;

ბ) ფონდის აღმასრულებელი დირექტორის თანამდებობრივი სარგო განსაზღვროს არაუმეტეს 6 000 (ექვსი ათასი) ლარით;

გ) ფონდში შტატით გათვალისწინებულ თანამდებობებზე ფაქტობრივად დასაქმებულ თანამშრომელთა საშუალო თანამდებობრივი სარგო განსაზღვროს არაუმეტეს 2 860 (ორი ათას რვაას სამოცი) ლარით.

2. „საჯარო სამართლის იურიდიული პირის შესახებ“ საქართველოს კანონის მე-12 მუხლის მე-4 პუნქტისა და „ზოგიერთი საჯარო სამართლის იურიდიული პირის ბიუჯეტის, საშტატო ნუსხისა და სახელფასო ფონდის შეთანხმების მიზნით გასატარებელი ღონისძიებების თაობაზე“ საქართველოს მთავრობის 2014 წლის 26 დეკემბრის №726 დადგენილების საფუძველზე, მიეცეს თანხმობა საჯარო სამართლის იურიდიულ პირს − საქართველოს მუნიციპალური განვითარების ფონდს, რომ ფონდის 2017 წლის ბიუჯეტი, საშტატო ნუსხა და სახელფასო ფონდი განსაზღვროს დანართის შესაბამისად.

3. საქართველოს ზოგადი ადმინისტრაციული კოდექსის 61-ე მუხლის შესაბამისად, ძალადაკარგულად გამოცხადდეს „სსიპ – საქართველოს მუნიციპალური განვითარების ფონდისათვის „საქართველოს 2016 წლის სახელმწიფო ბიუჯეტის შესახებ“ საქართველოს კანონის 22-ე მუხლით გათვალისწინებულ შეზღუდვებზე გამონაკლისის დაშვების თაობაზე“ საქართველოს მთავრობის 2015 წლის 30 დეკემბრის №2858 განკარგულება.

პრემიერ - მინისტრი                                                                           გიორგი კვირიკაშვილი