შპს„საქართველოს გაერთიანებული წყალმომარაგების კომპანიის“ მიერ განსახორციელებელი ღონისძიებების შესახებ

  • Word
შპს„საქართველოს გაერთიანებული წყალმომარაგების კომპანიის“ მიერ განსახორციელებელი ღონისძიებების შესახებ
დოკუმენტის ნომერი 712
დოკუმენტის მიმღები საქართველოს მთავრობა
მიღების თარიღი 06/04/2017
დოკუმენტის ტიპი საქართველოს მთავრობის განკარგულება
გამოქვეყნების წყარო, თარიღი ვებგვერდი, 20/04/2017
სარეგისტრაციო კოდი 000000000.00.003.023507
  • Word
712
06/04/2017
ვებგვერდი, 20/04/2017
000000000.00.003.023507
შპს„საქართველოს გაერთიანებული წყალმომარაგების კომპანიის“ მიერ განსახორციელებელი ღონისძიებების შესახებ
საქართველოს მთავრობა

საქართველოს მთავრობის

განკარგულება №712

2017 წლის 6 აპრილი

ქ. თბილისი

შპს „საქართველოს გაერთიანებული წყალმომარაგების კომპანიის“ მიერ განსახორციელებელი ღონისძიებების შესახებ

1. „სახელმწიფო შესყიდვების შესახებ“ საქართველოს კანონის 101 მუხლის 31 პუნქტის შესაბამისად, შპს „საქართველოს გაერთიანებული წყალმომარაგების კომპანიამ“ (შემდგომში − კომპანია) ადიგენის მუნიციპალიტეტის დაბა აბასთუმანში წყალარინების სისტემის სარეაბილიტაციო და გამწმენდი ნაგებობის სამშენებლო სამუშაოების, ადიგენის მუნიციპალიტეტის დაბა ადიგენში წყალმომარაგების სისტემის სარეაბილიტაციო სამუშაოების, ქარელის მუნიციპალიტეტის დაბა აგარაში წყალმომარაგების სისტემის სარეაბილიტაციო სამუშაოების, დუშეთის მუნიციპალიტეტის ქალაქ დუშეთსა და დაბა ჟინვალში წყალარინების სისტემის სარეაბილიტაციო და გამწმენდი ნაგებობის სამშენებლო სამუშაოების განსახორციელებლად საჭირო საპროექტო მომსახურების სახელმწიფო შესყიდვა 1 246 560 (ერთი მილიონ ორას ორმოცდაექვსი ათას ხუთას სამოცი) ლარის ფარგლებში განახორციელოს გამარტივებული ელექტრონული ტენდერის მეშვეობით.

2. საქართველოს რეგიონული განვითარებისა და ინფრასტრუქტურის სამინისტრომ (შემდგომში − სამინისტრო) უზრუნველყოს:

ა) „საქართველოს 2017 წლის სახელმწიფო ბიუჯეტის შესახებ“ საქართველოს კანონის საფუძველზე, სამინისტროსათვის განსაზღვრული „რეგიონებში ინფრასტრუქტურული პროექტების მხარდაჭერის ღონისძიებები“ ქვეპროგრამით (პროგრამული კოდი: 25 04 06) გათვალისწინებული ასიგნებებიდან ამ განკარგულების პირველი პუნქტით გათვალისწინებული საპროექტო მომსახურებისათვის საჭირო თანხის კომპანიისათვის გადარიცხვა;

ბ) კომპანიის კაპიტალის გაზრდა გადარიცხული თანხის ოდენობით.

3. კომპანიამ უზრუნველყოს სამინისტროსათვის ინფორმაციის მიწოდება ამ განკარგულების მე-2 პუნქტის „ა“ ქვეპუნქტის საფუძველზე გადარიცხული თანხის ხარჯვის თაობაზე ან სამინისტროს მოთხოვნის შესაბამისად.

 

 

პრემიერ -მინისტრი                                            გიორგი კვირიკაშვილი