პროექტის - „საქართველოს ენერგეტიკისა და ჰიდროტექნიკის სამეცნიერო კვლევითი ინსტიტუტი“ დაფინანსებისათვის საქართველოსა და UniCredit Bank Austria AG-ს შორის საკრედიტო ხელშეკრულების დადების მიზნით საქართველოს ფინანსთა სამინისტროსთვის თანხმობის მიცემის შესახებ

საქართველოს მთავრობის

განკარგულება №696

2017 წლის 6 აპრილი

ქ. თბილისი

პროექტის − „საქართველოს ენერგეტიკისა და ჰიდროტექნიკის სამეცნიერო კვლევითი ინსტიტუტი“ დაფინანსებისათვის საქართველოსა და UniCredit Bank Austria AG-ს შორის საკრედიტო ხელშეკრულების დადების მიზნით საქართველოს ფინანსთა სამინისტროსთვის თანხმობის მიცემის შესახებ

„სახელმწიფო ვალის შესახებ“ საქართველოს კანონის მე-2 მუხლის 2² პუნქტის შესაბამისად, მიეცეს თანხმობა საქართველოს ფინანსთა სამინისტროს, პროექტის − „საქართველოს ენერგეტიკისა და ჰიდროტექნიკის სამეცნიერო კვლევითი ინსტიტუტი“ დაფინანსებისათვის საქართველოს  სახელით დადოს  საქართველოსა და UniCredit Bank Austria AG-ს შორის საკრედიტო ხელშეკრულება (7,000,000 ევრო) შემდეგი ფინანსური პირობებით:

სესხის მოცულობა: 7 მილიონი ევრო;

სესხის ხანგრძლივობა: 17 წელი, მათ შორის, 4 წელი შეღავათიანი პერიოდი;

წლიური საპროცენტო განაკვეთი: 0%;

ვალდებულების გადასახდელი: 0.5% (სესხის აუთვისებელ ნაწილზე);

ადმინისტრირების გადასახდელი:  0.5% (სესხის ოდენობის, ერთჯერადი გადასახდელი, სესხის თანხიდან გადახდა არ ხდება);

OeKB-ის საგარანტიო პრემია: წინასწარი გადასახდელი დაახლოებით 22 ათასი ევრო და ათვისებული და დაუფარავი სესხის ოდენობის 1% ყოველწლიურად (სესხის თანხიდან გადახდა არ ხდება);

OeKB-ის მომსახურების გადასახადი: 1,440 ევრო (ერთჯერადი გადასახდელი, სესხის თანხიდან გადახდა არ ხდება).

პრემიერ - მინისტრი                                            გიორგი კვირიკაშვილი