დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებაში ცვლილების შეტანის შესახებ | |
|---|---|
| დოკუმენტის ნომერი | 127 |
| დოკუმენტის მიმღები | საქართველოს ფინანსთა მინისტრი |
| მიღების თარიღი | 12/04/2017 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 18/04/2017 |
| სარეგისტრაციო კოდი | 200090000.22.033.016962 |
|
„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებაში ცვლილების შეტანის შესახებ
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:
|
| მუხლი 1 |
„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებით (სსმ, ვებგვერდი, 060111, 3.01.2011წ., სარეგისტრაციო კოდი: 200090000.22.033.016112) დამტკიცებული ინსტრუქციის: |
1.
72-ე მუხლის: |
ა)
მე-2 პუნქტის: |
ა.ა)
„ე“ ქვეპუნქტი ამოღებულ იქნეს; |
ა.ბ)
„ე“ ქვეპუნქტის შემდეგ დაემატოს შემდეგი შინაარსის „ვ“ და „ზ“ ქვეპუნქტები:
„ვ) საგადასახადო ორგანოს გადაწყვეტილების საფუძველზე საქონლის იმპორტთან ან/და საქონლის დროებით შემოტანასთან დაკავშირებით დარიცხული დღგ-ის გადასახადის გადამხდელის მიერ ბიუჯეტში გადახდის დამადასტურებელ დოკუმენტზე; ზ) საქართველოს საგადასახადო კოდექსის 1761 მუხლის შესაბამისად საქონლის შეძენის დამადასტურებელ შესაბამის დოკუმენტზე.“; |
ბ)
მე-6 პუნქტის შემდეგ დაემატოს შემდეგი შინაარსის მე-7 პუნქტი:
„7. დღგ-ის გადამხდელს უფლება აქვს უკუდაბეგვრის შემთხვევაში დარიცხული და დღგ-ის დეკლარაციაში ასახული დღგ-ის თანხა ჩაითვალოს იმავე დეკლარაციით, საქართველოს საგადასახადო კოდექსის 174-ე მუხლის მე-5-მე-11 ნაწილების გათვალისწინებით.“. |
2.
№III-25 დანართის (დამატებული ღირებულების გადასახადის დეკლარაცია) III ნაწილის დანართი „ბ“-ს დაემატოს IV-VII ნაწილები თანდართული რედაქციით. |
3.
75-ე მუხლის მე-7 პუნქტის შემდეგ დაემატოს შემდეგი შინაარსის 71-74 პუნქტები:
„71. დეკლარაციის „ბ“ დანართის IV ნაწილში მიეთითება საქართველოს საგადასახადო კოდექსის 1761 მუხლის შესაბამისად სამეურვეო ქონების აუქციონის, პირდაპირი მიყიდვის ან სხვა წესით შესყიდვისას შესყიდვის დამადასტურებელი დოკუმენტის ნომერი, რეალიზაციის განმახორციელებელი უფლებამოსილი პირის საიდენტიფიკაციო ნომერი და დასახელება, საქონლის/სამეურვეო ქონების მესაკუთრის საიდენტიფიკაციო ნომერი და დასახელება, საქონლის/სამეურვეო ქონების შესყიდვის თარიღი და დღგ-ის თანხა. 72. დეკლარაციის „ბ“ დანართის V ნაწილი ივსება მაშინ, როცა დღგ-ის გადამხდელებს შორის განხორციელდა საქონლის/მომსახურების გაცვლის (ბარტერული) ოპერაცია და გადამხდელმა მიიღო სანაცვლო საქონელი/მომსახურება. დეკლარაციის „ბ“ დანართის V ნაწილში მიეთითება იმ დეკლარაციის ნომერი, რომლითაც გადამხდელმა დაადეკლარირა ბარტერული ოპერაცის ფარგლებში მის მიერ მიწოდებულ საქონელზე/მომსახურებაზე გადასახადელი დღგ-ის თანხა. ასევე მიეთითება მომწოდებლის საიდენტიფიკაციო ნომერი და დასახელება, სანაცვლო საქონლის მიღების საანგარიშო პერიოდი (თვე და წელი) და დღგ-ის თანხა. 73. დეკლარაციის „ბ“ დანართის VI ნაწილში მიეთითება გადასახადის გადამხდელის იმ საბანკო ანგარიშის ნომერი, რომლითაც განხორციელდა საქართველოს მთავრობის დადგენილებით განსაზღვრული საჯარო სამართლის იურიდიული პირების მიერ გაწეული მომსახურების საფასურის გადახდა, გადახდის თარიღი, საჯარო სამართლის იურიდიული პირის საიდენტიფიკაციო ნომერი, საჯარო სამართლის იურიდიული პირის დასახელება და დღგ-ის თანხა. 74. დეკლარაციის „ბ“ დანართის VII ნაწილში მიეთითება საგადასახადო ორგანოს იმ გადაწყვეტილების ნომერი და თარიღი, რომლის საფუძველზეც განხორციელდა საქონლის იმპორტთან ან/და საქონლის დროებით შემოტანასთან დაკავშირებით დღგ-ის დარიცხვა, ასევე მიეთითება საგადასახადო ორგანოს ამ გადაწყვეტილების შესაბამისად დარიცხული და ბიუჯეტში გადახდილი დღგ-ის თანხა.“. |
| მუხლი 2 |
ეს ბრძანება ამოქმედდეს გამოქვეყნებისთანავე. |
|
„ნაწილი IV
ნაწილი V
ნაწილი VI
ნაწილი VII
“. | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
დოკუმენტის კომენტარები