„ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებაში ცვლილების შეტანის თაობაზე

1. პირველი მუხლის მე-2 პუნქტს დაემატოს შემდეგი შინაარსის „ლ“  ქვეპუნქტი:

„ლ) ახმეტის მუნიციპალიტეტის გამგეობის მიერ თუშეთის დაცული ლანდშაფტის ტერიტორიიდან მიმდებარედ მცხოვრები ადგილობრივი მოსახლეობის მიერ თუშეთის დაცულ ლანდშაფტში ხე-ტყის დამზადებისას ერთი კუბური მეტრი მერქნის მოპოვებისათვის გაწეული მომსახურების საფასურის ოდენობა.“.

2. მე-4 მუხლს დაემატოს შემდეგი შინაარსის მე-5 პუნქტი:

„5. ახმეტის მუნიციპალიტეტის გამგეობა ამ მუხლის პირველი პუნქტის „ა“ ქვეპუნქტით განსაზღვრულ მომსახურებას ახორ­ციელებს საქართველოს კანონმდებლობით დადგენილი წე­სით, ამ დადგე­ნი­ლებით განსაზღვრული საფასურის გადახდის და­მა­დასტურებელი დოკუმენტის წარდგენის საფუძველზე.“.

3. მე-5 მუხლს:

ა) დაემატოს შემდეგი შინაარსის 1²  პუნქტი:

„1². ამ წესის №4 დანართის 5.1 პუნქტით განსაზღვრული მომსახურების საფასური აგრეთვე ვრცელდება ახმეტის მუნიციპალიტეტის გამგეობის მიერ თუშეთის დაცული ლანდშაფტის ტერიტორიაზე გაწეულ მომსახურებაზე.“;

ბ) დაემატოს შემდეგი შინაარსის მე-7 პუნქტი:

„7. ამ მუხლის 1² პუნქტით განსაზღვრული საფასური გადაირიცხება ახმეტის მუნიციპალიტეტის გამგეობის ანგარიშზე.“.