საჯარო სამართლის იურიდიული პირის - აჭარის ავტონომიური რესპუბლიკის დასაქმების სააგენტოს სტრუქტურული ერთეულების დებულების დამტკიცების შესახებ” აჭარის ავტონომიური რესპუბლიკის ჯანმრთელობისა და სოციალური დაცვის მინისტრის 2014 წლის 02 ივნისის №2/ნ ბრძანებაში ცვლილების შეტანის თაობაზე

შეტანილ იქნეს შემდეგი სახის ცვლილება:

ა) დებულების მე-6 მუხლის „1“ პუნქტს დაემატოს შემდეგი შინაარსის „ა¹“ ქვეპუნქტი:

„ა¹) სამუშაოს მაძიებელ პირთა პერსონალური მონაცემების დამუშავება, ამ პირთა შესახებ  მონაცემთა ბაზის შექმნა და მისი მუდმივი განახლება;“.

ბ) დებულების მე-6 მუხლის „1“ პუნქტს დაემატოს შემდეგი შინაარსის „ბ¹“ და „ბ²“ ქვეპუნქტები:

,,ბ¹) სააგენტოს სერვისებით მოსარგებლეთა კონსულტირება და ხელშეწყობა/ინფორმირებულობა შრომის უსაფრთხოების საკითხებთან დაკავშირებით;

„ბ²) ქვეყნის ფარგლებს გარეთ შრომითი მოწყობის მიზნით სამუშაოს მაძიებელთა კონსულტირება და ინფორმირებულობა/ხელშეწყობა;“.

გ) დებულების მე-6 მუხლის „1“ პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) სააგენტოს მიერ გაწეული მომსახურების შედეგად დასაქმებულთა აღრიცხვა და მონაცემთა ბაზის  შევსება/განახლება;“.

დ) დებულების მე-6 მუხლის „1“ პუნქტს დაემატოს შემდეგი შინაარსის „გ¹“ ქვეპუნქტი:

,,გ¹) სააგენტოს ერთიანი მონაცემთა ბაზის შესაბამასად გაწეული სერვისების შესახებ  უტყუარი სტატისტიკური მონაცემების წარმოება;“.

ე) დებულების მე-6 მუხლის „1“ პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) საჯარო და კერძო სექტორში მოქმედი ორგანიზაციების კონსულტირება სააგენტოს სერვისებით სარგებლობის შესახებ/საჯარო და კერძო სექტორთან მჭიდრო თანამშრომლობა;“.

ვ) დებულების მე-6 მუხლის „1“ პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) საჯარო და კერძო სექტორში არსებული ვაკანსიების შესახებ ინფორმაციის გავრცელების ხელშეწყობა;“.

ზ) დებულების მე-6  მუხლის „1“ პუნქტს დაემატოს შემდეგი შინაარსის ,,ე¹“  ქვეპუნქტი:   

,,ე¹) ფორმალური და არაფორმალური განათლების შესახებ ინფორმაციის გავრცელების ხელშეწყობა;“.