„ბრალდებულთა/მსჯავრდებულთა რეესტრებისა და პირადი საქმის წარმოების წესის დამტკიცების შესახებ“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2011 წლის 10 მაისის №82 ბრძანებაში ცვლილების შეტანის თაობაზე

1. მე-5 მუხლის მე-5 პუნქტს  „დ“ ქვეპუნქტის შემდეგ დაემატოს შემდეგი შინარსის „ე“ და „ვ“ ქვეპუნქტები:  

„ე) ბრალდებულის/მსჯავრდებულის ფსიქოლოგიური შეფასების ფორმას (დანართი №19¹);

ვ) ფსიქოლოგის კონსულტაციის ჩანაწერის ფორმას (დანართი №19²).“.

2. წესს მე-7 მუხლის შემდეგ დაემატოს შემდეგი შინაარსის 7¹ მუხლი:

„მუხლი 7¹. დაწესებულების სოციალური განყოფილების/სექტორის ფსიქოლოგის მიერ ფსიქოლოგის კონსულტაციის ჩანაწერისა და ბრალდებულის/მსჯავრდებულის ფსიქოლოგიური შეფასების ფორმის წარმოების წესი

1. ფსიქოლოგის კონსულტაციის ჩანაწერისა და ბრალდებულის/მსჯავრდებულის ფსიქოლოგიური შეფასების ფორმას აწარმოებს პენიტენციური დაწესებულების სოციალური განყოფილების/სექტორის ფსიქოლოგი (შემდგომში – ფსიქოლოგი).

2. ფსიქოლოგის კონსულტაციის ჩანაწერისა და ბრალდებულის/მსჯავრდებულის ფსიქოლოგიური შეფასების ფორმის წარმოებისას ფსიქოლოგი ხელმძღვანელობს პროფესიული ეთიკით და მოქმედებს საკუთარი კომპეტენციის ფარგლებში.

3. ფსიქოლოგის კონსულტაციის ჩანაწერის წარმოება სავალდებულოა ფსიქოლოგის  ბრალდებულთან/მსჯავრდებულთან ყოველი შეხვედრის შემდგომ.

4. ბრალდებულის/მსჯავრდებულის ფსიქოლოგიური შეფასების ფორმის შევსება სავალდებულოა, ბრალდებულის/მსჯავრდებულის ფსიქიკური ჯანმრთელობის საჭიროებებიდან გამომდინარე.

5. ბრალდებულის/მსჯავრდებულის ფსიქოლოგიური შეფასების ფორმას ავსებს ფსიქოლოგი. აღნიშნული ფორმის შევსება სავალდებულოა, როცა ბრალდებულის/მსჯავრდებულის ფსიქიკური ჯანმრთელობის საჭიროებებიდან გამომდინარე ხდება მისი რეფერირება ფსიქოლოგიურ სერვისში. ბრალდებულის/მსჯავრდებულის ფსიქოლოგიური შეფასების  ფორმა უნდა შეივსოს ბრალდებულის/მსჯავრდებულის ფსიქოლოგიური შეფასების  ბრალდებულთან/მსჯავრდებულთან ჩატარებული პირველი  სესიის შემდეგ, ინდივიდუალური (კონკრეტული ბენეფიციარის) საჭიროებიდან გამომდინარე.

6. ფსიქოლოგის კონსულტაციის ჩანაწერისა და ბრალდებულის/მსჯავრდებულის ფსიქოლოგიური შეფასების ფორმა არ წარმოადგენს პირად საქმეში შესატან დოკუმენტაციას.

7. ფსიქოლოგის კონსულტაციის ჩანაწერისა და ბრალდებულის/მსჯავრდებულის ფსიქოლოგიური შეფასების ფორმა პირად საქმეს დაერთვის მხოლოდ ბრალდებულის/მსჯავრდებულის სხვა დაწესებულებაში გადაყვანის ან პირადი საქმის დაარქივების შემთხვევაში.

8. სამინისტროს ადმინისტრაციული დეპარტამენტის არქივის სამმართველოში ან სხვა  დაწესებულებაში გადასაგზავნი ფსიქოლოგის კონსულტაციის ჩანაწერისა და ბრალდებულის/მსჯავრდებულის ფსიქოლოგიური შეფასების ფორმა პირად საქმეს დაერთვის დალუქულ მდგომარეობაში.

9. ფსიქოლოგის კონსულტაციის ჩანაწერისა და ბრალდებულის/მსჯავრდებულის ფსიქოლოგიური შეფასების ფორმა ინახება  დაწესებულების სოციალური განყოფილების/სექტორის  ოთახში სათანადოდ დალუქულ რკინის კარადაში და მისი გაცნობისა და შესაბამისი ამონაწერის გაკეთების უფლება აქვთ ამ ბრძანებით დამტკიცებული წესის დანართი №22¹-ით განსაზღვრულ პირებს.“.

3. წესს  დანართი №19-ის   შემდეგ დაემატოს დანართი №19¹ და დანართი №19² თანდართული რედაქციით.

4. წესს დანართი №22- ის  შემდეგ დაემატოს დანართი №22¹ თანდართული რედაქციით.