დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
,,ქალაქ ზუგდიდის მუნიციპალიტეტის 2017 წლის ბიუჯეტის დამტკიცების შესახებ“ ქალაქ ზუგდიდის მუნიციპალიტეტის საკრებულოს 2016 წლის 23 დეკემბრის №62 დადგენილებაში ცვლილების შეტანის თაობაზე | |
---|---|
დოკუმენტის ნომერი | 14 |
დოკუმენტის მიმღები | ქალაქ ზუგდიდის მუნიციპალიტეტი |
მიღების თარიღი | 28/03/2017 |
დოკუმენტის ტიპი | მუნიციპალიტეტის საკრებულოს დადგენილება |
გამოქვეყნების წყარო, თარიღი | ვებგვერდი, 03/04/2017 |
ძალის დაკარგვის თარიღი | 01/01/2018 |
სარეგისტრაციო კოდი | 190020020.35.170.016236 |
|
,,ქალაქ ზუგდიდის მუნიციპალიტეტის 2017 წლის ბიუჯეტის დამტკიცების შესახებ“ ქალაქ ზუგდიდის მუნიციპალიტეტის საკრებულოს 2016 წლის 23 დეკემბრის №62 დადგენილებაში ცვლილების შეტანის თაობაზე
|
საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის 1-ლი პუნქტის ,,დ.ა“ ქვეპუნქტის, საქართველოს კანონის „საქართველოს საბიუჯეტო კოდექსი“ 78-ე მუხლის, ,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად და საქართველოს მთავრობის 2017 წლის 21 თებერვლის №290 და 2017 წლის 24 მარტის №569 განკარგულებების საფუძველზე, ქალაქ ზუგდიდის მუნიციპალიტეტის საკრებულო ადგენს:
|
მუხლი 1 |
ქალაქ ზუგდიდის მუნიციპალიტეტის 2017 წლის ბიუჯეტის დამტკიცების შესახებ“ ქალაქ ზუგდიდის მუნიციპალიტეტის საკრებულოს 2016 წლის 23 დეკემბრის №62 დადგენილებაში (www.matsne.gov.ge, 30/12/2016, სარეგისტრაციო კოდი 190020020.35.170.016222) შეტანილი იქნეს შემდეგი ცვლილება:
ა) დადგენილების სარეზოლუციო ნაწილის პირველი მუხლის ,,ა“ პუნქტის ,,ა.ა“-,,ა.გ“ ქვეპუნქტები ჩამოყალიბდეს შემდეგი რედაქციით: ,,ა.ა) შემოსულობები 23 622,5 ათასი ლარით; ა.ბ) გადასახდელები 24 011,3 ათასი ლარით; ა.გ) სახელმწიფო ბიუჯეტიდან გადმოსაცემი ტრანსფერი 15 112,5 ათასი ლარი, აქედან:“; ბ) დადგენილების სარეზოლუციო ნაწილის პირველი მუხლის „ა.გ.ბ“ ქვეპუნქტის შემდეგ დაემატოს „ა.გ.გ.“ ქვეპუნქტი და ჩამოყალიბდეს შემდეგი რედაქციით: „ა.გ.გ) ფონდებიდან გამოყოფილი ტრანსფერი 4580,3 ათასი ლარი.“; გ) დადგენილებით დამტკიცებული დანართის: გ.ა) პირველი, მე-2 და მე-3 მუხლები ჩამოყალიბდეს შემდეგი რედაქციით: „მუხლი 1. ქალაქ ზუგდიდის მუნიციპალიტეტის ბიუჯეტის ბალანსი განისაზღვროს ქალაქ ზუგდიდის მუნიციპალიტეტის ბიუჯეტის ბალანსი თანდართული რედაქციით:
მუხლი 2. ქალაქ ზუგდიდის მუნიციპალიტეტის ბიუჯეტის შემოსულობები, გადასახდელები და ნაშთის ცვლილება
მუხლი 3. ქალაქ ზუგდიდის მუნიციპალიტეტის ბიუჯეტის შემოსავლები განისაზღვროს ქალაქ ზუგდიდის მუნიციპალიტეტის ბიუჯეტის შემოსავლები 23322,5 ათ.ლარის ოდენობით თანდართული რედაქციით:
გ.ბ) მე-5 მუხლი ჩამოყალიბდეს შემდეგი რედაქციით: „მუხლი 5. ქალაქ ზუგდიდის ბიუჯეტის გრანტები განისაზღვროს ქალაქ ზუგდიდის ბიუჯეტის გრანტები 15112,5 ათ.ლარის ოდენობით, თანდართული რედაქციით:
“; გ.გ) მე-7, მე-8 და მე-9 მუხლები ჩამოყალიბდეს შემდეგი რედაქციით: ,,მუხლი 7. ქალაქ ზუგდიდის მუნიციპალიტეტის ბიუჯეტის ხარჯები განისაზღვროს ქალაქ ზუგდიდის მუნიციპალიტეტის ბიუჯეტის ხარჯები 13536,8 ათ. ლარის ოდენობით თანდართული რედაქციით:
მუხლი 8. ქალაქ ზუგდიდის მუნიციპალიტეტის ბიუჯეტის არაფინანსური აქტივების ცვლილება განისაზღვროს ქალაქ ზუგდიდის მუნიციპალიტეტის ბიუჯეტის არაფინანსური აქტივების ზრდა 9865,6 ათ. ლარის ოდენობით, თანდართული რედაქციით:
მუხლი 9. ქალაქ ზუგდიდის მუნიციპალიტეტის ბიუჯეტის ხარჯებისა და არაფინანსური აქტივების ზრდის კლასიფიკაცია
გ.დ) მე-10 მუხლის ,,1.0“ პუნქტი ჩამოყალიბდეს შემდეგი რედაქციით: ,,1.0. 12216,4 ათასი ლარი – ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი 03 00) ქალაქ ზუგდიდის მუნიციპალიტეტის ინფრასტრუქტურის სწრაფი განვითარება და მისი მყარი ბაზის შექმნა მთავარი პრიორიტეტია. ეს მიმართულება ბიუჯეტის ხარჯების სტრუქტურაში დაიკავებს გამორჩეულად დიდ ხვედრით წილს. აღნიშნული პრიორიტეტის ფარგლებში გაგრძელდება ახალი გზების მშენებლობა, ქალაქის მრავალბინიანი საცხოვრებელი კორპუსების ფასადების, ეზოებისა და სახურავების, ბოტანიკური ბაღის, პარკებისა და სკვერების რეაბილიტაცია, ტროტუარების კეთილმოწყობა, შეიქმნება სატრანსპორტო და საზოგადოებრივი სერვისების (პარკინგი, საგზაო ნიშნები, შუქნიშნები და ა.შ.) ახალი ინფრასტრუქტურა. ამასთან, ქალაქის კომუნალური ინფრასტრუქტურის ერთ-ერთი პრიორიტეტი იქნება ქალაქის ქუჩების გარე განათების მთლიანად დასრულება 2017 წლის ბოლოსათვის და არსებული ქსელის ეფექტიანი მოვლა-პატრონობა, სანიაღვრე და წყალარინების სისტემების მოდერნიზაცია და რეაბილიტაცია. მუნიციპალური ინფრასტრუქტურის მშენებლობისა და რეაბილიტაციის გარდა, პრიორიტეტის ფარგლებში განხორციელდება მისი შენახვისა და მოვლისთვის საჭირო ხარჯების რაციონალურად დაფინანსება. ინფრასტრუქტურის განვითარებისთვის ფულადი ასიგნებები გამოიყოფა სახელმწიფო ბიუჯეტიდან და ადგილობრივი თვითმმართველი ერთეულის ბიუჯეტიდან. პროგრამის მიზანია ადგილობრივი მნიშვნელობის საავტომობილო გზების და ხიდების ინფრასტრუქტურის რეაბილიტაცია, მოვლა-შენახვა, მოდერნიზაცია და განვითარება. პროგრამის ფარგლებში განხორციელდება ადგილობრივი მნიშვნელობის საავტომობილო გზებისა და საგზაო კომუნიკაციების რეაბილიტაცია-განვითარება, მშენებლობა და მოვლა-შენახვა. ხიდებისა და სხვა ხელოვნური ნაგებობების მშენებლობა-რეაბილიტაცია. პროგრამის ფარგლებში ასევე დაფინანსდება საფეხმავლო ბილიკებისა და ტროტუარების მიმდინარე და კაპიტალური შეკეთება. მოსალოდნელი საბოლოო შედეგები: მუნიციპალური მყარი ინფრასტრუქტურული ბაზის შექმნა. გაუმჯობესებული საგზაო ინფრასტრუქტურა, მეტი რეაბილიტირებული გზა და ხიდი. მგზავრთა შეუფერხებელი, კომფორტული და უსაფრთხო გადაადგილება. ბაზრებისადმი ხელმისაწვდომობის გაუმჯობესება. ტურიზმის ობიექტებთან მარტივად დაკავშირება. შედეგების შეფასების ინდიკატორები: რეაბილიტირებული და ახალი გზებისა და ხიდების რაოდენობრივი ზრდის მაჩვენებელი.“; გ.ე) მე-10 მუხლის ,,1.1.“ პუნქტი ჩამოყალიბდეს შემდეგი რედაქციით: ,,1.1. 480,7 ათასი ლარი – გზების მშენებლობა, რეაბილიტაცია და მოვლა-შენახვა (პროგრამული კოდი 03 01 01) ქვეპროგრამის მიზანია საგზაო ინფრასტრუქტურის დაზიანებული და ავარიული მონაკვეთების შეკეთება. ქვეპროგრამის ფარგლებში განხორციელდება მუნიციპალიტეტის შიდა გზების მშენებლობა, გზების არსებული საფარის მიმდინარე და კაპიტალური შეკეთების სამუშაოები. მათ შორის: გზების მიმდინარე (ორმული) შეკეთება, არაასფალტირებული გზების ხრეშოვანი საფარის რეაბილიტაცია, ავტო-სამანქანო გზების პრობლემურ ქანობიან მონაკვეთებზე რკინა-ბეტონის მონოლითური საფარის მოწყობა. ასფალტო/ბეტონის საფარის ორმული შეკეთება: თამარ მეფის ქუჩა; ჯანაშიას ქუჩა; ესებუას ქუჩა; დემეტრე თავდადებულის ქუჩა; ხელაიას ქუჩა; შარტავას ქუჩა; ფაზისის ქუჩა; ქუთაისის ქუჩა; მესხიას ქუჩა; პუშკინის ქუჩა; მოსკოვის ქუჩა; კოსტავას ქუჩა; ბაკურიანის ქუჩა; ნიკოლაძის ქუჩა; დარასელის ქუჩა; ლევან II დადიანის ქუჩა; გრ. ქობალიას ქუჩა; მარჯვენა სანაპიროს ქუჩა; ილ. ჭავჭავაძის ქუჩა; გოროზიას ქუჩა; ყურწუას ქუჩა; გორკის ქუჩა; მაცხოვრის კარის ქუჩა; ცისკარიშვილის ქუჩა; ნინოშვილის ქუჩა; ყაზბეგის ქუჩა; თბილისის ქუჩა; ქირიას ქუჩა; ლაზის ქუჩა; ლერმონტოვის ქუჩა; თავისუფლების ქუჩა; დოჩიას ქუჩა; ბარამიას ქუჩა; 8 მარტის ქუჩა; გორის ქუჩა; კედიას ქუჩა; ზვიად გამსახურდიას ქუჩა; კ. გამსახურდიას ქუჩა; მეუნარგიას ქუჩა; კიკალიშვილის ქუჩა. ხრეშოვანი საფარის რეაბილიტაცია: კავკასიონის ქუჩა; ტექსელის ქუჩა; 25 დეკემბრის ქუჩა; ბუქარესტის ქუჩა; ბაგრატიონის ქუჩა; ჟვანიას ქუჩა; წერეთლის ქუჩის მეორე შესახვევი; ხერგიანის ქუჩა; ლერმონტოვის ქუჩის შესახვევები და ბოლო ნაწილი; ცაბაძის ქუჩის შესახვევი; ლაღიძის ქუჩა; ლაღიძის ქუჩის შესახვევი (დევნილთა ახალი დასახლება); თაბუკაშვილის ქუჩა; სოხუმის ქუჩის მეორე შესახვევის ბოლო მონაკვეთი; ფირცხალავას ქუჩა; კრილოვის ქუჩა; თათარიშვილის ქუჩა; ჩიქობავას ქუჩა. მოსალოდნელი შუალედური შედეგები: ნაწილობრივ გაუმჯობესებული საგზაო ინფრასტრუქტურა. მგზავრთა შეუფერხებელი, კომფორტული და უსაფრთხო გადაადგილება. შედეგების შეფასების ინდიკატორები: რეაბილიტირებული გზების რაოდენობრივი მაჩვენებელი. წლის განმავლობაში ასფალტირებული გზების ორმული შეკეთების საერთო ფართობი 5000 კვ.მ. წლის განმავლობაში არაასფალტირებული გზების მოხრეშვა-მოშანდაკების საერთო სიგრძე 12 კმ. ქვეპროგრამის განმახორციელებელია ქალაქ ზუგდიდის მუნიციპალიტეტის მერია.“; გ.ვ) მე-10 მუხლის ,,1.2.“ პუნქტი ჩამოყალიბდეს შემდეგი რედაქციით: ,,1.2. 3435,3 ათასი ლარი – კომუნალური ინფრასტრუქტურის მშენებლობა-რეაბილიტაცია და ექსპლოატაცია (პროგრამული კოდი 03 02) პროგრამის აღწერა პროგრამის მიზანია ეფექტიანი კომუნალური სისტემის შექმნა, ერთიანი ენერგოეფექტური გარე განათების სისტემის ჩამოყალიბება, მუნიციპალური სერვისების განვითარება. პროგრამის ფარგლებში განხორციელდება გარე განათების ქსელის გაფართოება, არსებული ქსელის რეაბილიტაცია. უზრუნველყოფილი იქნება ქალაქის დასუფთავება, მაწანწალა ცხოველებისაგან ქალაქის დასაცავად გატარდება შესაბამისი ღონისძიებები, შეკეთდება ქალაქში არსებული შენობა-ნაგებობების ფასადები და სახურავები. ამავე პროგრამით განხორციელდება ბინათმესაკუთრეთა ამხანაგობების განვითარების ხელშეწყობა. მოსალოდნელი საბოლოო შედეგები: კეთილმოწყობილი და განათებული ქალაქი; მოსახლეობის საცხოვრებელი პირობების გაუმჯობესება; ქალაქის ინფრასტრუქტურული იერსახის გაუმჯობესება; ქალაქის დასუფთავებული ქუჩები, პარკები და სკვერები. შედეგების შეფასების ინდიკატორები: განათებული ქუჩების რაოდენობრივი ზრდის მაჩვენებელი; რეაბილიტირებული შენობა-ნაგებობების რაოდენობრივი ზრდა.“; გ.ზ) მე-10 მუხლის ,,1.2.1.“ პუნქტი ჩამოყალიბდეს შემდეგი რედაქციით: ,,1.2.1. 1405,3 ათასი ლარი – გარე განათების მოწყობა, რეაბილიტაცია და ექსპლოატაცია (პროგრამული კოდი 03 02 01) ქვეპროგრამის აღწერა ქვეპროგრამის მიზანია გარე განათების ქსელის შემდგომი გაფართოება და მისი გამართული ფუნქციონირების უზრუნველყოფა. ქვეპროგრამის ფარგლებში დაფინანსდება გარე განათების ახალი ქსელის მოწყობა, მოხმარებული ელექტროენერგიის საფასურის გადახდა, გარე განათების ქსელის ცენტრალიზებული მართვის სისტემის სრულყოფა. ასევე ზოგიერთ ქუჩაზე შეიცვლება კუსტარულად, ელ. გაყვანილობის ბოძებზე დამონტაჟებული, ამორტიზებული სანათები. გარე განათება მოეწყობა შემდეგ ქუჩებზე: თეატრის ქუჩა; ყურწუას ქუჩა; ვეკუას ქუჩა; ვეკუას ქუჩის შესახვევი და ჩიხი; ვაჩნაძის ქუჩა; ენგურის ქუჩა; კოლხიდის ქუჩა; სვერდლოვსკის ქუჩა; წაღვერის ქუჩა; ვარშავას ქუჩა; სანკტ-პეტერბურგის ქუჩა; თეთრი გიორგის ქუჩის შესახვევი; ლეონიძის ქუჩა; მესხიას ქუჩის ჩიხი; ზაქარაიას ქუჩა და ჩიხი; კედიას ქუჩის ჩიხი; რაფავას ქუჩა; ფაზისის ქუჩა; ბუდაპეშტის ქუჩა; ჭავჭავაძის ქუჩის მეორე შესახვევი; დუტუ მეგრელის ქუჩის შესახვევი; ფერდინანდის ქუჩა; დემურიას ქუჩა; გორის ქუჩის ჩიხი; ხუბულავას ქუჩის შესახვევი; წმინდა ნინოს ქუჩის ჩიხი; კლდიაშვილის ქუჩა; ბენდელიანის ქუჩის ჩიხი; ზვიად გამსახურდიას ქუჩის შესახვევი. გარე განათების ახალი ქსელის მოწყობა – 300,0 ათასი ლარი. მოხმარებული ელექტროენერგიის საფასურის გადახდა – 900,0 ათასი ლარი. მოსალოდნელი შუალედური შედეგები: მუნიციპალიტეტის გარე განათების ქსელის გამართული მუშაობა. შედეგების შეფასების ინდიკატორები: განათებული ქუჩების და უბნების რაოდენობის ზრდა. ელექტრო ენერგიაზე გაწეული ხარჯების დაზოგვა. განათებული ქუჩების საერთო სიგრძე 9900 გრძ/მ. დამონტაჟებული 330 ცალი გარე განათების ბოძი და 375 ცალი ენერგოეფექტური სანათი. ქვეპროგრამის განმახორციელებელია ქალაქ ზუგდიდის მუნიციპალიტეტის მერია.“; გ.თ) მე-10 მუხლის ,,1.3.“ პუნქტი ჩამოყალიბდეს შემდეგი რედაქციით: ,,1.3. 1315,9 ათასი ლარი – მუნიციპალიტეტის კეთილმოწყობის ღონისძიებები (პროგრამული კოდი 03 03) პროგრამის მიზანია ქალაქის იერსახის გაუმჯობესება. პროგრამა ითვალისწინებს ქალაქის არსებული ინფრასტრუქტურის მოვლა–შენახვას, გარე განათების ქსელის შეუფერხებელი და გამართული ფუნქციონირებისათვის სათანადო სამუშაოების ჩატარებას, ქალაქის პარკების, სკვერების, გაზონების გამწვანების კეთილმოწყობას, მრავალბინიანი სახლების მიმდებარე ეზოების კეთილმოწყობას,სანიაღვრე არხების მიმდინარე მოვლითი და სარეკონსტრუქციო სამუშაოების ჩატარებას, ავარიული და გამხმარი ხეების გადაბელვას და ახლის დარგვას, შადრევნების გამართული მუშაობის უზრუნველყოფას. მოსალოდნელი შუალედური შედეგები: კეთილმოწყობილი ქალაქი და მისი გალამაზებული იერსახე; გაუმჯობესებული საცხოვრებელი და ეკოლოგიური გარემო; ქალაქის გაუმჯობესებული ინფრასტრუქტურა. შედეგების შეფასების ინდიკატორები: კეთილმოწყობილი ტერიტორიების ზრდა ქალაქის ტერიტორიაზე; შადრევნების გამართული ფუნქციონირება; გამწვანებული და მოვლილი ტერიტორიების ზრდის მაჩვენებელი; ჭარბი ნალექებისაგან მოსახლეობის უვნებლობის და რისკების შემცირების მაჩვენებელი. ქვეპროგრამის განმახორციელებელია ქალაქ ზუგდიდის მუნიციპალიტეტის მერია.“; გ.ი) მე-10 მუხლის ,,1.7.“ პუნქტი ჩამოყალიბდეს შემდეგი რედაქციით: ,,1.7. 160.0 ათასი ლარი – მუნიციპალიტეტის საკუთრებაში არსებული აქტივების კეთილმოწყობის ღონისძიებანი (პროგრამული კოდი 03 08) პროგრამის აღწერა პროგრამის მიზანია მუნიციპალიტეტის საკუთრებაში არსებული შენობების რეაბილიტაცია. აღნიშნულ შენობებში შშმ პირთათვის ადვილად შეღწევადობის უზრუნველსაყოფად შესაბამისი სამუშაოების ჩატარება. პროგრამის ფარგლებში დაგეგმილია ქ. ზუგდიდში, კოსტავას ქუჩა N58-ში განთავსებული ქალაქ ზუგდიდის მუნიციპალიტეტის ცენტრალური ბიბლიოთეკის შენობის შესასვლელის ფოიეს, კიბის უჯრედის და საბავშვო განყოფილების წიგნსაცავი ოთახების რეაბილიტაცია და ქალაქ ზუგდიდის მოსწავლე-ახალგაზრდობის სასახლის შენობის არარეაბილიტირებული ნაწილის (უკანა ფლიგელი) რემონტი. მოსალოდნელი საბოლოო შედეგები: საგანმანათლებლო და კულტურის ობიექტების ინფრასტრუქტურის მოწესრიგება. შედეგების შეფასების ინდიკატორები: რეაბილიტირებული განათლებისა და კულტურის 2 დაწესებულება. ქვეპროგრამის განმახორციელებელია ქალაქ ზუგდიდის მუნიციპალიტეტის მერია.“; გ.კ) მე-10 მუხლის ,,2.0.“ პუნქტი ჩამოყალიბდეს შემდეგი რედაქციით: ,,2.0. 3042,7 ათასი ლარი – განათლება (პროგრამული კოდი 04 00) პროგრამა ითვალისწინებს მოსწავლე ახალგაზრდობის, ,,ადრეული და სკოლამდელი აღზრდისა და განათლების შესახებ“ საქართველოს კანონით განსაზღვრული სტანდარტების შესაბამისად ნორჩი თაობის აღმზრდელობით-საგანმანათლებლო ღონისძიებების ეტაპობრივად განხორციელებას. სკოლამდელ დაწესებულებათა ფუნქციონირებაში საკუთარი უფლებამოსილებების სრულად განხორციელებას, სკოლისგარეშე დაწესებულებათა თანადაფინანსებას და ზოგადი განათლების ფინანსურ მხარდაჭერას.“; გ.ლ) მე-12 მუხლი ჩამოყალიბდეს შემდეგი რედაქციით: ,,მუხლი 12. სარეზერვო ფონდი 2017 წლის ქალაქ ზუგდიდის მუნიციპალიტეტის ბიუჯეტის სარეზერვო ფონდის მოცულობა განისაზღვროს 100,0 ათასი ლარის ოდენობით და მისი ხარჯვა განხორციელდეს ,,საბიუჯეტო კოდექსით“ დადგენილი წესით, ქალაქ ზუგდიდის მუნიციპალიტეტის მერის ინდივიდუალურ-სამართლებრივი აქტის-ბრძანების საფუძველზე.“; გ.მ) მე-14 მუხლი ჩამოყალიბდეს შემდეგი რედაქციით: „მუხლი 14. განისაზღვროს ქალაქ ზუგდიდის მუნიციპალიტეტის ბიუჯეტის ასიგნებები 19042,0 ათ.ლარის ოდენობით თანდართული რედაქციით:
". |
მუხლი 2 |
დადგენილება ძალაშია გამოქვეყნებისთანავე.
|
|
დოკუმენტის კომენტარები