წყალტუბოს მუნიციპალიტეტის მიერ განსახორციელებელი ღონისძიებების შესახებ

საქართველოს მთავრობის

განკარგულება №5 48

2017 წლის 23 მარტი

ქ. თბილისი

წყალტუბოს მუნიციპალიტეტის მიერ განსახორციელებელი ღონისძიებების შესახებ

მიეცეს უფლება წყალტუბოს მუნიციპალიტეტს, „სოფლის მხარდაჭერის პროგრამის ფარგლებში საქართველოს სახელმწიფო ბიუჯეტიდან ადგილობრივი თვითმმართველი ერთეულებისათვის თანხის გამოყოფის შესახებ“ საქართველოს მთავრობის 2014 წლის 20 მარტის №471 განკარგულების საფუძველზე გამოყოფილი თანხიდან დარჩენილი 3 776 (სამი ათას შვიდას სამოცდათექვსმეტი) ლარი, „სოფლის მხარდაჭერის პროგრამის ფარგლებში, საქართველოს სახელმწიფო ბიუჯეტიდან ადგილობრივი თვითმმართველი ერთეულებისათვის თანხის გამოყოფის შესახებ“ საქართველოს მთავრობის 2015 წლის 12 მარტის №506 განკარგულების საფუძველზე გამოყოფილი თანხიდან დარჩენილი 8 019 (რვა ათას ცხრამეტი) ლარი, „სოფლის მხარდაჭერის პროგრამის ფარგლებში საქართველოს სახელმწიფო ბიუჯეტიდან ადგილობრივი თვითმმართველი ერთეულებისათვის თანხის გამოყოფის შესახებ“ საქართველოს მთავრობის 2016 წლის 19 თებერვლის №265 განკარგულების საფუძველზე გამოყოფილი თანხიდან დარჩენილი 8 853 (რვა ათას რვაას ორმოცდაცამეტი) ლარი, ჯამში − 20 648 (ოცი ათას ექვსას ორმოცდარვა) ლარი მიმართოს ადგილობრივი მნიშვნელობის საავტომობილო გზების რეაბილიტაციისათვის საჭირო მზა ბეტონის შესყიდვის განსახორციელებლად.

პრემიერ - მინისტრი                                           გიორგი კვირიკაშვილი