„საჯარო სამართლის იურიდიული პირის – ვალერიან მელქაძის სახელობის სოციალურ-ეკონომიკური და რეგიონული პრობლემების სამეცნიერო-კვლევითი ინსტიტუტის შექმნის შესახებ“ საქართველოს პრეზიდენტის 2002 წლის 18 ნოემბრის №483 ბრძანებულებაში ცვლილებებისა და დამატების შეტანის თაობაზე“

საქართველოს პრეზიდენტის

ბრძანებულება №429

2004 წლის 30 სექტემბერი

ქ. თბილისი

„საჯარო სამართლის იურიდიული პირის – ვალერიან მელქაძის სახელობის სოციალურ-ეკონომიკური და რეგიონული პრობლემების სამეცნიერო-კვლევითი ინსტიტუტის შექმნის შესახებ“ საქართველოს პრზიდენტის 2002 წლის 18 ნოემბრის  №483 ბრძანებულებაში ცვლილებებისა და დამატების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლის შესაბამისად:

1. საჯარო სამართლის იურიდიულ პირს – ვალერიან მელქაძის სახელობის სოციალურ-ეკონომიკური და რეგიონული პრობლემების სამეცნიერო-კვლევით ინსტიტუტს შეეცვალოს სახელწოდება და ეწოდოს საჯარო სამართლის იურიდიული პირი – ეკონომიკის კვლევითი ინსტიტუტი.

2. „საჯარო სამართლის იურიდიული პირის – ვალერიან მელქაძის სახელობის სოციალურ-ეკონომიკური და რეგიონული პრობლემების სამეცნიერო-კვლევითი ინსტიტუტის შექმნის შესახებ“ საქართველოს პრეზიდენტის 2002 წლის 18 ნოემბრის №483 ბრძანებულებაში (სსმ III, 18.11.02, №116, მუხ. 1010) შეტანილ იქნეს შემდეგი ცვლილებები და დამატება:

ა) მე-3 პუნქტი ჩამოყალიბდეს შემდეგი რედაქციით:

„3. საჯარო სამართლის იურიდიული პირის – ეკონომიკის კვლევითი ინსტიტუტის საქმიანობის სახელმწიფო კონტროლი განახორციელოს საქართველოს ეკონომიკური განვითარების სამინისტრომ.“;

ბ) ბრძანებულებას დაემატოს შემდეგი შინაარსის მე-5 პუნქტი:

„5. საქართველოს ეკონომიკური განვითარების სამინისტრომ ერთ თვეში უზრუნველყოს საჯარო სამართლის იურიდიული პირის – ეკონომიკის კვლევითი ინსტიტუტის დებულების დამტკიცება კანონმდებლობით დადგენილი წესით.“;

გ) ძალადაკარგულად გამოცხადდეს ბრძანებულების მე-2 პუნქტით დამტკიცებული საჯარო სამართლის იურიდიული პირის – ვალერიან მელქაძის სახელობის სოციალურ-ეკონომიკური და რეგიონული პრობლემების სამეცნიერო-კვლევითი ინსტიტუტის წესდება.

3. ამ ბრძანებულების მე-2 პუნქტის „გ“ ქვეპუნქტი ამოქმედდეს საჯარო სამართლის იურიდიული პირის – ეკონომიკის კვლევითი ინსტიტუტის დებულების დამტკიცებისთანავე.

მ. სააკაშვილი