საქართველოსა და აზიის განვითარების ბანკს (ADB) შორის გაფორმებული „ურბანული მომსახურების გაუმჯობესების საინვესტიციო პროგრამის“ (პროექტები: 2, 3 და 4) ფარგლებში განსახორციელებელი ღონისძიებების შესახებ

საქართველოს მთავრობის

განკარგულება №432

2017 წლის 9 მარტი

ქ. თბილისი

საქართველოსა და აზიის განვითარების ბანკს (ADB) შორის გაფორმებული „ურბანული მომსახურების გაუმჯობესების საინვესტიციო პროგრამის“ (პროექტები: 2, 3 და 4) ფარგლებში განსახორციელებელი ღონისძიებების შესახებ

1. მიღებულ იქნეს ცნობად საქართველოს ფინანსთა სამინისტროს ინფორმაცია საქართველოსა და აზიის განვითარების ბანკს (ADB) შორის 2011 წლის 1 დეკემბერს გაფორმებული „ურბანული მომსახურების გაუმჯობესების საინვესტიციო პროგრამა-პროექტი 2“-ის, 2013 წლის 19 დეკემბერს გაფორმებული „ურბანული მომსახურების გაუმჯობესების საინვესტიციო პროგრამა-პროექტი 3“-ისა და 2015 წლის 5 თებერვალს გაფორმებული „ურბანული მომსახურების გაუმჯობესების საინვესტიციო პროგრამა-პროექტი 4“-ის სასესხო ხელშეკრულებებით გათვალისწინებული სესხების დახურვის თარიღების გადაწევის თაობაზე.

2. საქართველოს ფინანსთა სამინისტრომ მიმართოს აზიის განვითარების ბანკს საქართველოსა და აზიის განვითარების ბანკს (ADB) შორის 2011 წლის 1 დეკემბერს გაფორმებული „ურბანული მომსახურების გაუმჯობესების საინვესტიციო პროგრამა-პროექტი 2“-ის სასესხო ხელშეკრულებით გათვალისწინებული სესხის დახურვის თარიღის 2018 წლის 30 სექტემბრამდე გადაწევის, ასევე საქართველოსა და აზიის განვითარების ბანკს (ADB) შორის   2013 წლის 19 დეკემბერს გაფორმებული „ურბანული მომსახურების გაუმჯობესების საინვესტიციო პროგრამა-პროექტი 3“-ისა და 2015 წლის 5 თებერვალს გაფორმებული „ურბანული მომსახურების გაუმჯობესების საინვესტიციო პროგრამა-პროექტი 4“-ის სასესხო ხელშეკრულებებით გათვალისწინებული სესხების დახურვის თარიღების 2019 წლის 30 სექტემბრამდე გადაწევის თხოვნით .

პრემიერ-მინისტრი                                                            გიორგი კვირიკაშვილი