დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საქართველოს ეროვნული უშიშროების საბჭოს აპარატის დებულების დამტკიცების შესახებ“ საქართველოს პრეზიდენტის 2014 წლის 25 მარტის №114 ბრძანებულებაში ცვლილების შეტანის თაობაზე | |
---|---|
დოკუმენტის ნომერი | 59 |
დოკუმენტის მიმღები | საქართველოს პრეზიდენტი |
მიღების თარიღი | 14/03/2017 |
დოკუმენტის ტიპი | საქართველოს პრეზიდენტის ბრძანებულება |
გამოქვეყნების წყარო, თარიღი | ვებგვერდი, 14/03/2017 |
ძალაში შესვლის თარიღი | 14/03/2017 |
სარეგისტრაციო კოდი | 010210050.08.002.017016 |
|
„საქართველოს ეროვნული უშიშროების საბჭოს აპარატის დებულების დამტკიცების შესახებ“ საქართველოს პრეზიდენტის 2014 წლის 25 მარტის №114 ბრძანებულებაში ცვლილების შეტანის თაობაზე
|
მუხლი 1 |
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „საქართველოს ეროვნული უშიშროების საბჭოს აპარატის დებულების დამტკიცების შესახებ“ საქართველოს პრეზიდენტის 2014 წლის 25 მარტის №114 ბრძანებულებაში (www.matsne.gov.ge, 27.03.2014, 010210050.08.002.016919) შეტანილ იქნეს ცვლილება და ბრძანებულებით დამტკიცებული დებულების მე-4 მუხლი ჩამოყალიბდეს შემდეგი რედაქციით:
„მუხლი 4. აპარატის სტრუქტურული ქვედანაყოფები და მათი ძირითადი ამოცანები 1. აპარატის სტრუქტურული ქვედანაყოფებია: ა) უშიშროებისა და ანალიტიკის დეპარტამენტი; ბ) თავდაცვისა და სამხედრო აღმშენებლობის საკითხთა დეპარტამენტი; გ) საერთაშორისო ურთიერთობების დეპარტამენტი; დ) საზოგადოებასთან ურთიერთობისა და კომუნიკაციების დეპარტამენტი; ე) ადმინისტრაციული დეპარტამენტი; ვ) საფინანსო-სამეურნეო დეპარტამენტი. 2. აპარატის სტრუქტურული ქვედანაყოფების ფუნქციები და ამოცანები: ა) უშიშროებისა და ანალიტიკის დეპარტამენტის ფუნქციები და ამოცანებია: ა.ა) ქვეყნის ეროვნულ უშიშროებასთან დაკავშირებული სტრატეგიული საკითხების განსაზღვრა და ანალიზი; ა.ბ) კომპეტენციის ფარგლებში საფრთხეების შეფასება და პროგნოზირება; ა.გ) ქვეყნის ეროვნული უსაფრთხოების სტრატეგიული დოკუმენტების შემუშავებაში მონაწილეობის მიღება; ა.დ) ქვეყნის უშიშროებასთან დაკავშირებული სტრატეგიული საკითხების შესახებ ინფორმაციულ-ანალიტიკური მოხსენებების მომზადება პრეზიდენტისა და საბჭოსათვის წარსადგენად; ა.ე) საბჭოს ინფორმაციულ-ანალიტიკური უზრუნველყოფა როგორც მშვიდობიან, ისე ომიანობისა და საგანგებო ვითარების დროს; ა.ვ) კომპეტენციის ფარგლებში პრეზიდენტის საჯარო მოხსენებების ინფორმაციულ-ანალიტიკური უზრუნველყოფა; ა.ზ) საბჭოს სხდომაზე განსახილველი საკითხების შესახებ წინადადებებისა და რეკომენდაციების შემუშავება პრეზიდენტისათვის წარსადგენად; ა.თ) საბჭოს მდივნის ცალკეული დავალებების შესრულება; ბ) თავდაცვისა და სამხედრო აღმშენებლობის საკითხთა დეპარტამენტის ფუნქციები და ამოცანებია: ბ.ა) თავდაცვისა და სამხედრო აღმშენებლობის სფეროში მიმდინარე მოვლენების ანალიზი და რეკომენდაციების შემუშავება; ბ.ბ) თავდაცვის კუთხით საქართველოს ეროვნული უსაფრთხოების კონცეფციისა და სხვა სტრატეგიული დოკუმენტების შემუშავებაში მონაწილეობა, თავდაცვის პოლიტიკის განმსაზღვრელი დოკუმენტების განხილვა, რეკომენდაციების შემუშავება; ბ.გ) პრეზიდენტის მიერ გამოსაცემი იმ ნორმატიული აქტების პროექტების ანალიზი, მომზადება და საბჭოსათვის განსახილველად წარდგენა, რომლებიც ეხება სამხედრო აღმშენებლობისა და ქვეყნის თავდაცვის საკითხებს; ბ.დ) შესაბამის უწყებებთან კოორდინირებით სამხედრო აღმშენებლობისა და თავდაცვის სფეროში დაგეგმილი პროექტების განხილვა; ბ.ე) პრეზიდენტის მიერ კანონმდებლობით განსაზღვრულ სამხედრო თანამდებობებზე დანიშვნისა და თანამდებობიდან გათავისუფლების, უმაღლესი სპეციალური და სამხედრო წოდებების მინიჭების შესახებ რეკომენდაციების შემუშავება; ბ.ვ) საქართველოს თავდაცვის სამინისტროსთან ინფორმაციის გაცვლის ინსტიტუციური უზრუნველყოფა; ბ.ზ) ქვეყნის საზღვრებს გარეთ უსაფრთხოების უზრუნველყოფის ღონისძიებებში საქართველოს მონაწილეობის საკითხის საბჭოსათვის განსახილველად წარდგენა; ბ.თ) საქართველოს მიერ დადებული ან აღიარებული საერთაშორისო ხელშეკრულებებისა და შეთანხმებების შესაბამისად, ქვეყნის საზღვრების გარეთ უსაფრთხოების უზრუნველყოფის ღონისძიებებში საქართველოს მონაწილეობის საკითხის საბჭოსათვის განსახილველად წარდგენა; ბ.ი) საქართველოს შეიარაღებული ძალების გენერალური შტაბისა და საქართველოს თავდაცვის სამინისტროს მიმართვებისა და წერილების განხილვა პრეზიდენტისათვის წარსადგენად; ბ.კ) საბჭოს კომპეტენციის სფეროში არსებული სამართლებრივი აქტების პროექტების ექსპერტიზა; ბ.ლ) საქართველოს პარლამენტსა და ადმინისტრაციულ ორგანოებთან ურთიერთობა ქვეყნის ეროვნული უშიშროებისა და სამხედრო აღმშენებლობის მიმდინარე პროცესებთან დაკავშირებით; ბ.მ) აპარატში NATO-ს კლასიფიცირებული ინფორმაციის ქვერეგისტრის ფუნქციონირების წარმართვა და აღნიშნული ინფორმაციის დაცვის უზრუნველყოფა საქართველოს კანონმდებლობისა და NATO-ს უსაფრთხოების პოლიტიკით (NATO Security Policy) განსაზღვრული მოთხოვნებისა და პროცედურების შესაბამისად; NATO-ს კრიპტოგრაფიული საკომუნიკაციო და ინფორმაციული სისტემების გამოყენების უზრუნველყოფა; ბ.ნ) საბჭოს მდივნის ცალკეული დავალებების შესრულება; გ) საერთაშორისო ურთიერთობების დეპარტამენტის ფუნქციები და ამოცანებია: გ.ა) კომპეტენციის ფარგლებში საქართველოში აკრედიტებულ დიპლომატიურ კორპუსთან, უცხოელ პარტნიორებთან, საერთაშორისო ორგანიზაციებთან ურთიერთობა; გ.ბ) ქვეყნისა და საერთაშორისო უსაფრთხოების სფეროში არსებულ საკითხებზე საზღვარგარეთ ოფიციალური შეხვედრების/ვიზიტების მომზადება და შესაბამისი დოკუმენტაციის წარმოება; გ.გ) სხვა ქვეყნების ანალოგიური ფუნქციის მქონე უწყებებთან ურთიერთობის წარმართვა; გ.დ) საბჭოს მდივნის ცალკეული დავალებების შესრულება; დ) საზოგადოებასთან ურთიერთობისა და კომუნიკაციების დეპარტამენტის ფუნქციები და ამოცანებია: დ.ა) ქვეყნის უსაფრთხოების, თავდაცვისა და სამხედრო აღმშენებლობის სფეროში არსებული პროექტების შესახებ ინფორმაციის მიწოდების მიზნით ადგილობრივ არასამთავრობო ორგანიზაციებსა და აკადემიურ წრეებთან ურთიერთობა; დ.ბ) ადგილობრივ და საერთაშორისო მედიასაშუალებებთან კომუნიკაცია და მათ მიერ გავრცელებული ინფორმაციის მონიტორინგი; დ.გ) პრესრელიზების, ანონსების გავრცელება, პრესკონფერენციებისა და საინფორმაციო ბრიფინგების ორგანიზების უზრუნველყოფა; დ.დ) ეროვნული უშიშროების საბჭოს ოფიციალური ვებგვერდისა და სოციალურ ქსელებში საბჭოს ოფიციალური გვერდების მართვა და ინფორმაციის სისტემატური განახლება; დ.ე) ქვეყნის უსაფრთხოების, თავდაცვისა და სამხედრო აღმშენებლობის სფეროში მიმდინარე მოვლენების შესახებ მასობრივი ინფორმაციის საშუალებებით გავრცელებული ინფორმაციის ანალიზი, საპასუხო მასალების მომზადება და გავრცელების საკომუნიკაციო არხების შერჩევა; დ.ვ) საბჭოს მდივნის ცალკეული დავალებების შესრულება; ე) ადმინისტრაციული დეპარტამენტის ფუნქციები და ამოცანებია: ე.ა) აპარატში ორგანიზაციული კულტურის განვითარების ხელშეწყობა; ე.ბ) აპარატის ადამიანური რესურსების ეფექტიანად მართვის მიზნით რეკომენდაციების შემუშავება; ე.გ) ადამიანური რესურსების მართვის პროცედურებისა და წესების შემუშავება და მათი დანერგვის კოორდინაცია; ე.დ) თანამდებობაზე დანიშვნის, სამსახურებრივი გადაადგილების (გადაყვანის), გათავისუფლების, წახალისების, დისციპლინური პასუხისმგებლობის, შვებულებისა და მივლინების შესახებ ბრძანებების პროექტების მომზადება; ე.ე) თანამშრომელთა პირადი საქმეების წარმოება და შენახვა; ე.ვ) ადამიანური რესურსების შესახებ მონაცემთა ელექტრონული ბაზის შექმნა და ადმინისტრირება; ე.ზ) საბჭოს კომპეტენციის ფარგლებში შესაბამისი საიდუმლო გრიფის მქონე დოკუმენტების რეგისტრაცია, დადგენილი წესით გამრავლება და საჭიროების მიხედვით დაგზავნა; ე.თ) აპარატში სახელმწიფო საიდუმლოების საქმისწარმოების ორგანიზება; ე.ი) აპარატში საქმისწარმოების უზრუნველყოფა; ე.კ) აპარატში მომზადებული დოკუმენტების, მათ შორის, სახელმწიფო შესყიდვების შესახებ ხელშეკრულებების, სამართლებრივი ექსპერტიზა; ე.ლ) დავის შემთხვევაში, სასამართლოსა და ადმინისტრაციულ ორგანოებში საბჭოსა და აპარატის წარმომადგენლობის უზრუნველყოფა; ე.მ) საჯარო ინფორმაციის გაცემის უზრუნველყოფა; ე.ნ) საბჭოს სხდომის მასალებით ტექნიკური უზრუნველყოფა; ე.ო) საბჭოს მდივნის ცალკეული დავალებების შესრულება; ვ) საფინანსო-სამეურნეო დეპარტამენტის ფუნქციები და ამოცანებია: ვ.ა) აპარატის საბუღალტრო აღრიცხვისა და ფინანსური ანგარიშგების უზრუნველყოფა; ვ.ბ) აპარატის ყოველწლიური ბიუჯეტის პროექტის მომზადების უზრუნველყოფა; ვ.გ) აპარატის მატერიალურ-ტექნიკური უზრუნველყოფა; ვ.დ) აპარატის ბალანსზე რიცხული აქტივების კანონმდებლობით დადგენილი წესით აღრიცხვა, მართვა და ინვენტარიზაციის ჩატარების უზრუნველყოფა კანონმდებლობით დადგენილი წესით; ვ.ე) აპარატის ბალანსზე რიცხული ავტოტრანსპორტის მართვა და ტექნიკური გამართულობის უზრუნველყოფა; ვ.ვ) სახელმწიფო შესყიდვების განხორციელების უზრუნველყოფა; ვ.ზ) აპარატის კომპიუტერული ქსელის ადმინისტრირება; ვ.თ) საინფორმაციო რესურსების მიწოდების უწყვეტობისა და მონაცემთა უსაფრთხოების უზრუნველყოფა, არასანქცირებული წვდომისაგან მონაცემთა ბაზების დაცვის მეთოდებისა და ტექნოლოგიების დანერგვა და განახლება; ვ.ი) საბჭოს მდივნის ცალკეული დავალებების შესრულება. 3. აპარატის სტრუქტურულ ქვედანაყოფს ხელმძღვანელობს დეპარტამენტის დირექტორი. 4. აპარატის სტრუქტურაში იქმნება საორგანიზაციო განყოფილება, რომელსაც ხელმძღვანელობს განყოფილების უფროსი. 5. საორგანიზაციო განყოფილების ფუნქციები და ამოცანებია: ა) აპარატში მიმდინარე დავალებების შესრულების კოორდინაცია და შესრულების პროცესის შესახებ რეგულარული ანგარიშების მომზადება; ბ) აპარატში მიმდინარე დავალებების შესრულებისას წარმოშობილი ხარვეზების აღმოფხვრის ხელშეწყობა; გ) ეროვნული უშიშროების საბჭოს სხდომების ორგანიზება; დ) აპარატის თანამდებობის პირთა ოფიციალური შეხვედრებისა და ღონისძიებების დაგეგმვა, საპროტოკოლო უზრუნველყოფა; ე) აპარატის თანამშრომლების მივლინების ორგანიზება; ვ) საქართველოს სახელისუფლებო ორგანოების პროტოკოლის სამსახურებთან ურთიერთობა; ზ) საბჭოს მდივნის ცალკეული დავალებების შესრულება.“. |
მუხლი 2 |
ეს ბრძანებულება ამოქმედდეს 2017 წლის 14 მარტიდან.
|
|
დოკუმენტის კომენტარები