„სსიპ – შოთა რუსთაველის ეროვნული სამეცნიერო ფონდისა და ოქსფორდის უნივერსიტეტის „საქართველოს შემსწავლელი მეცნიერებების“ ერთობლივი კვლევითი პროგრამის საგრანტო კონკურსის დებულების დამტკიცების შესახებ“ საქართველოს განათლებისა და მეცნიერების მინისტრის 2015 წლის 26 ნოემბრის №156/ნ ბრძანებაში ცვლილების შეტანის თაობაზე

1.  მე-3 მუხლის მე-2 პუნქტი ჩამოყალიბდეს შემდეგი შინაარსით:

„2. საგრანტო კონკურსის ფარგლებში დაფინანსდება პროექტები უნივერსიტეტის  ქვეყანათმცოდნეობის ინტერდისციპლინური კვლევების სკოლის, რუსეთისა და აღმოსავლეთ ევროპის კვლევების განყოფილების ყველა სამეცნიერო მიმართულებაში, რომელიც ეხება საქართველოს: ანთროპოლოგია, სოციოლოგია, ეკონომიკა, პოლიტიკა, საერთაშორისო ურთიერთობები, ისტორია, ხელოვნება, რელიგია, საზოგადოება და კულტურა, ასევე, ბოდლის ბიბლიოთეკაში (Bodleian Library, University of Oxford) ოლივერ და მარჯორი უორდროპების კოლექციის კვლევას.“

2. მე-4 მუხლის „ბ“ და „გ“ ქვეპუნქტები ჩამოყალიბდეს შემდეგი რედაქციით:

„ბ)  მიწვეული მკვლევარი – საქართველოს მოქალაქე, დოქტორის ან მასთან გათანაბრებული აკადემიური ხარისხის მქონე ფიზიკური პირი;

 გ) მასპინძელი დაწესებულება – უნივერისიტეტის ქვეყანათმცოდნეობის ინტერდისციპლინური კვლევის სკოლა, რუსეთისა და აღმოსავლეთ ევროპის კვლევების განყოფილება და ბოდლის ბიბლიოთეკა, რომელთა ბაზაზეც მიწვეული მკვლევარები განახორციელებენ კვლევით  საქმიანობას;“

3. მე-6 მუხლის პირველი პუნქტი ჩამოყალიბდეს შემდეგი რედაქციით:

„1. სოციალური და ჰუმანიტარული კვლევების მიმართულებით, კონკურსის ფარგლებში დაფინანსება შეიძლება მოიპოვოს საქართველოს მოქალაქე ფიზიკურმა პირმა, რომელსაც დოქტორის  ან მასთან გათანაბრებული აკადემიური ხარისხი მიენიჭა პროექტის განხორციელების დაწყებამდე ბოლო 7 წლის განმავლობაში, ხოლო ოლივერ და მარჯორი უორდროპების კოლექციის კვლევების მიმართულებით კონკურსის ფარგლებში დაფინანსება შეიძლება მოიპოვოს საქართველოს მოქალაქე ფიზიკურმა პირმა, რომელსაც აქვს დოქტორის  ან მასთან გათანაბრებული აკადემიური ხარისხი.“