ონის მუნიციპალიტეტის მიერ განსახორციელებელი ღონისძიებების შესახებ

საქართველოს მთავრობის

განკარგულება №389

2017 წლის 2 მარტი

ქ. თბილისი

ონის მუნიციპალიტეტის მიერ განსახორციელებელი ღონისძიებების შესახებ

მიეცეს უფლება ონის მუნიციპალიტეტს, „საქართველოს რეგიონებში განსახორციელებელი პროექტების ფონდიდან ადგილობრივი თვითმმართველი ერთეულებისათვის თანხის გამოყოფის შესახებ“ საქართველოს მთავრობის 2015 წლის 20 იანვრის №39 განკარგულების საფუძველზე („საქართველოს რეგიონებში განსახორციელებელი პროექტების ფონდიდან ადგილობრივი თვითმმართველი ერთეულებისათვის თანხის გამოყოფის შესახებ“ საქართველოს მთავრობის 2015 წლის 20 იანვრის №39 განკარგულებაში ცვლილების შეტანის თაობაზე“ საქართველოს მთავრობის 2015 წლის 25 დეკემბრის №2797 განკარგულების გათვალისწინებით),  დარჩენილი 20 488 (ოცი ათას ოთხას ოთხმოცდარვა) ლარი, „სოფლის მხარდაჭერის პროგრამის ფარგლებში საქართველოს სახელმწიფო ბიუჯეტიდან ადგილობრივი თვითმმართველი ერთეულებისათვის თანხის გამოყოფის შესახებ“ საქართველოს მთავრობის 2016 წლის 19 თებერვლის №265 განკარგულების საფუძველზე დარჩენილი 44 425 (ორმოცდაოთხი ათას ოთხას ოცდახუთი) ლარი და „სტიქიის შედეგების სალიკვიდაციო ღონისძიებების განხორციელების თაობაზე“ საქართველოს მთავრობის 2016 წლის 7 ივლისის №1340 განკარგულების საფუძველზე დარჩენილი 78 492 (სამოცდათვრამეტი ათას ოთხას ოთხმოცდათორმეტი) ლარი, ჯამში - 143 405 (ას ორმოცდასამი ათას ოთხას ხუთი) ლარი მიმართოს შემდეგი ინფრასტრუქტურული პროექტების განხორციელებისათვის საჭირო საპროექტო და საექსპერტო მომსახურებების სახელმწიფო შესყიდვების განსახორციელებლად:

ა) სოფელ ცხმორში მისასვლელი გზის რეაბილიტაცია;

ბ) სოფელ გლოლაში წყალსადენის ქსელის მოწყობა;

გ) ქალაქ ონში მდინარე რიონის მარცხენა სანაპიროზე ნაპირსამაგრი სამუშაოების განხორციელება.

პრემიერ-მინისტრი                                                                                           გიორგი კვირიკაშვილი