ბორჯომის მუნიციპალიტეტში მცხოვრები სოციალურად დაუცველი პირების II ხარისხის (საშეშე) ხე-ტყით უზრუნველყოფის ღონისძიებების შესახებ

საქართველოს მთავრობის

განკარგულება №298

2017 წლის 21 თებერვალი

ქ. თბილისი

ბორჯომის მუნიციპალიტეტში მცხოვრები სოციალურად დაუცველი პირების II ხარისხის (საშეშე) ხე-ტყით უზრუნველყოფის ღონისძიებების შესახებ

1. „ტყის ფონდის მართვის შესახებ“ საქართველოს კანონის მე-6 მუხლის „ნ“ ქვეპუნქტის შესაბამისად, განკარგულების დანართში მითითებულ, ბორჯომის მუნიციპალიტეტში მცხოვრებ სოციალურად დაუცველ პირებს (181 პირი), II ხარისხის (საშეშე) ხე-ტყით უზრუნველყოფის მიზნით, გადაეცეთ ბორჯომის სატყეოს (ბორჯომის პლატო) ტერიტორიაზე სანიტარიული ჭრებით მიღებული და ბორჯომის მუნიციპალიტეტის სოფელ სადგერის ტერიტორიაზე დასაწყობებული 588,25 მ³ წიწვოვანი (მ/შ, ნაძვი − 565,5 მ³; ფიჭვი − 22,75 მ³) II ხარისხის (საშეშე) ხე-ტყე.

2. ეთხოვოს ბორჯომის მუნიციპალიტეტის გამგეობას, აღნიშნული რესურსის სოციალურად დაუცველ პირებზე განაწილების მიზნით, უზრუნველყოს კანონმდებლობით გათვალისწინებული შესაბამისი ღონისძიებების გატარება.

პრემიერ-მინისტრი                                                   გიორგი კვირიკაშვილი