,,სენაკის მუნიციპალიტეტის გამგეობის სამსახურების რეორგანიზაციის გეგმის დამტკიცების შესახებ” სენაკის მუნიციპალიტეტის საკრებულოს 2017 წლის 23 იანვრის №1 დადგენილებაში ცვლილებების შეტანის თაობაზე

ა) დადგენილების  პრეამბულა ჩამოყალიბდეს  შემდეგი რედაქციით:

,,საქართველოს ორგანული კანონის ,,ადგილობრივი თვითმმართველობის კოდექსი“ 24-ე მუხლის მე-2 პუნქტის, ,,სენაკის მუნიციპალიტეტის გამგეობის დებულების დამტკიცების შესახებ“ სენაკის მუნიციპალიტეტის საკრებულოს 2014 წლის 28 ივლისის №25 დადგენილების  დანართის  38-ე მუხლის შესაბამისად“;

ბ) დადგენილების  მე-2 მუხლის პირველი პუნქტი ჩამოყალიბდეს შემდეგი რედაქციით: 

,,მუხლი 2. სარეორგანიზაციო სამსახურები

1. რეორგანიზაცია შეეხება სენაკის მუნიციპალიტეტის გამგეობის შემდეგ სტრუქტურულ ერთეულებს – სამსახურებს:

ა) ადმინისტრაციული სამსახური;

ბ) შიდა აუდიტის სამსახური;

გ) საფინანსო-საბიუჯეტო სამსახური;

დ) ეკონომიკური განვითარების, სტატისტიკისა და ქონების მართვის სამსახური;

ე) სივრცითი მოწყობის, არქიტექტურის, მშენებლობის, ინფრასტრუქტურის, კეთილმოწყობისა და საზოგადოებრივი მომსახურების სამსახური;

ვ) ჯანმრთელობისა და სოციალური დაცვის სამსახური;

ზ) განათლების, კულტურის და ძეგლთა დაცვის სამსახური;

თ) სპორტის და ახალგაზრდობის სამსახური;

ი) სამხედრო აღრიცხვის, გაწვევისა და მობილიზაციის სამსახური.“;

გ)   დანართის მე-2 მუხლის მე-2 პუნქტი ჩამოყალიბდეს  შემდეგი რედაქციით:

,,2. რეორგანიზაციის მიზანია გამგეობის სამსახურების სტრუქტურული ქვედანაყოფების ოპტიმიზაცია და მოსამსახურეთა რანგირება, რომელსაც შეიძლება თან ახლდეს სტრუქტურული ცვლილებები, შტატების შემცირებით ან/და გადაადგილებით.“.