„სახელმწიფო პროექტის ფარგლებში მიწის ნაკვეთებზე უფლებათა სისტემური და სპორადული რეგისტრაციის სპეციალური წესისა და საკადასტრო მონაცემების სრულყოფის შესახებ“ საქართველოს კანონის მიზნებისათვის, ზოგიერთი განსაკუთრებული სახელმწიფოებრივი და საზოგადოებრივი მნიშვნელობის პროექტისა და მათი განმახორციელებლის განსაზღვრის თაობაზე

საქართველოს მთავრობის

განკარგულება №230

2017 წლის 9 თებერვალი

ქ. თბილისი

„სახელმწიფო პროექტის ფარგლებში მიწის ნაკვეთებზე უფლებათა სისტემური და სპორადული რეგისტრაციის სპეციალური წესისა და საკადასტრო მონაცემების სრულყოფის შესახებ“ საქართველოს კანონის მიზნებისათვის, ზოგიერთი განსაკუთრებული სახელმწიფოებრივი და საზოგადოებრივი მნიშვნელობის პროექტისა და მათი განმახორციელებლის განსაზღვრის თაობაზე

1. „სახელმწიფო პროექტის ფარგლებში მიწის ნაკვეთებზე უფლებათა სისტემური და სპორადული რეგისტრაციის სპეციალური წესისა და საკადასტრო მონაცემების სრულყოფის შესახებ“ საქართველოს კანონის მე-3 მუხლის პირველი პუნქტის „ბ¹ “ და „ბ² “ ქვეპუნქტების საფუძველზე და ამავე კანონის მიზნებისათვის, დანართის შესაბამისად, განისაზღვროს განსაკუთრებული სახელმწიფოებრივი და საზოგადოებრივი მნიშვნელობის პროექტები და მათი განმახორციელებელი.

2. საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებულმა სახელმწიფო საქვეუწყებო დაწესებულებამ − საქართველოს საავტომობილო გზების დეპარტამენტმა უზრუნველყოს ამ განკარგულების დანართით გათვალისწინებული განსაკუთრებული სახელმწიფოებრივი და საზოგადოებრივი მნიშვნელობის პროექტების კოორდინატებისა და მათი განხორციელებისათვის საჭირო საავტომობილო გზების განთვისების ზოლის შესახებ ინფორმაციის საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის − საჯარო რეესტრის ეროვნული სააგენტოსათვის მიწოდება.

3. განკარგულება ძალაშია 2017 წლის 28 იანვრიდან.

პრემიერ-მინისტრი                                                   გიორგი კვირიკაშვილი