საქართველოს მთავრობასა და შპს „ჰიდრო დეველოპმენტ კომპანის“ შორის 2012 წლის 23 იანვარს დადებული ურთიერთგაგების მემორანდუმის ფარგლებში გასატარებელი ღონისძიებების შესახებ

საქართველოს მთავრობის

განკარგულება №227

2017 წლის 9 თებერვალი

ქ. თბილისი

საქართველოს მთავრობასა და შპს „ჰიდრო დეველოპმენტ კომპანის“ შორის  2012 წლის 23 იანვარს დადებული ურთიერთგაგების მემორანდუმის ფარგლებში გასატარებელი ღონისძიებების შესახებ

1. ცნობად იქნეს მიღებული საქართველოს ენერგეტიკის სამინისტროს ინფორმაცია, საქართველოს მთავრობასა და შპს „ჰიდრო დეველოპმენტ კომპანის“ შორის 2012 წლის 23 იანვარს  დადებული ურთიერთგაგების მემორანდუმით განსაზღვრული ელექტროსადგურის ექსპლუატაციაში მიღების ვადის შპს „ჰიდრო დეველოპმენტ კომპანის“ მიერ  დარღვევის შესახებ.

2. დაევალოს საქართველოს ენერგეტიკის სამინისტროს, შპს „ჰიდრო დეველოპმენტ კომპანისთან“ ამ განკარგულების პირველ პუნქტში მითითებული ურთიერთგაგების მემორანდუმით განსაზღვრული ელექტროსადგურის ექსპლუატაციაში მიღების ვადის გაგრძელების მიზნით,  მოლაპარაკების წარმოება და შეთანხმების მიღწევის შემთხვევაში, შესაბამისი შეთანხმების პროექტის საქართველოს მთავრობისთვის წარდგენა, შემდგომი განხილვის მიზნით.

პრემიერ-მინისტრი                                                          გიორგი კვირიკაშვილი