საქართველოს შრომის, ჯანმრთელობისა და სოციალური დაცვის სამინისტროს სარგებლობაში არსებული სახელმწიფო ქონების ა(ა)იპ − საზოგადოება ბილიკისთვის უსასყიდლო უზუფრუქტის უფლებით გადაცემაზე თანხმობის მიცემის შესახებ

საქართველოს მთავრობის

განკარგულება №161

2017 წლის 2 თებერვალი

ქ. თბილისი

საქართველოს შრომის, ჯანმრთელობისა და სოციალური დაცვის სამინისტროს სარგებლობაში არსებული სახელმწიფო ქონების ა(ა)იპ − საზოგადოება ბილიკისთვის უსასყიდლო უზუფრუქტის უფლებით გადაცემაზე თანხმობის მიცემის შესახებ

1. „სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, მიეცეს თანხმობა საქართველოს შრომის, ჯანმრთელობისა და სოციალური დაცვის სამინისტროს (შემდგომში − სამინისტრო), რომ ა(ა)იპ − საზოგადოება ბილიკს (ს/კ: 217889300 ) შესაბამისი ხელშეკრულების გაფორმებიდან 5 (ხუთი) წლის ვადით, უსასყიდლო უზუფრუქტით, გადასცეს ქალაქ ხაშურში, იმერეთის ქ. №20-ში მდებარე უძრავი ქონება (საკადასტრო კოდი: №69.08.60.078 შენობა-ნაგებობა №1, შენობა №2, შენობა №3 და შესაბამისი მიწის ნაკვეთი − 505.00 კვ. მ).

2. ამ განკარგულების პირველ პუნქტში მითითებულ ქონებაში ა(ა)იპ − საზოგადოება ბილიკმა უზრუნველყოს დედათა და ბავშვთა თავშესაფრის მომსახურების შექმნა და ფუნქციონირება, ამ განკარგულების საფუძველზე გაფორმებული ხელშეკრულების შესაბამისად.

3. სამინისტრომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიების განხორციელება.

პრემიერ-მინისტრი                                                              გიორგი კვირიკაშვილი