დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ,,თიღვის მუნიციპალიტეტის სოციალური დახმარების პროგრამის დამტკიცების შესახებ“ თიღვის მუნიციპალიტეტის საკრებულოს 2016 წლის 21 დეკემბრის №9 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 2 |
| დოკუმენტის მიმღები | თიღვის მუნიციპალიტეტი |
| მიღების თარიღი | 06/02/2017 |
| დოკუმენტის ტიპი | მუნიციპალიტეტის საკრებულოს დადგენილება |
| გამოქვეყნების წყარო, თარიღი | ვებგვერდი, 09/02/2017 |
| ძალის დაკარგვის თარიღი | 09/01/2018 |
| სარეგისტრაციო კოდი | 010250000.35.145.016132 |
|
,,თიღვის მუნიციპალიტეტის სოციალური დახმარების პროგრამის დამტკიცების შესახებ“ თიღვის მუნიციპალიტეტის საკრებულოს 2016 წლის 21 დეკემბრის №9 დადგენილებაში ცვლილების შეტანის თაობაზე
|
საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-3 და მე-4 პუნქტების, აგრეთვე, „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, თიღვის მუნიციპალიტეტის საკრებულო ადგენს:
|
| მუხლი 1 |
,,თიღვის მუნიციპალიტეტის სოციალური დახმარების პროგრამის დამტკიცების შესახებ“ თიღვის მუნიციპალიტეტის საკრებულოს 2016 წლის 21 დეკემბრის №9 დადგენილებით (www.matsne.gov.ge, 21/12/2016; 010250000.35.145.016130) დამტკიცებული №1 და №4 დანართები შეიცვალოს ახალი №1 და №4 დანართებით და დაემატოს ახალი №5 დანართი.
|
| მუხლი 2 |
დადგენილება ამოქმედდეს გამოქვეყნებისთანავე.
|
|
„დანართი №1
|
გარდაცვლილ ვეტერანთა და დევნილთა დაკრძალვის პროგრამა
(ორგანიზაციული კოდი 06 01 01) |
მუხლი 1.
პროგრამის მიზანი
|
პროგრამის მიზანია იძულებით გადაადგილებულ პირთა – ვეტერანთა და დევნილთა გარდაცვალებისას დაკრძალვის ღონისძიებების განხორციელების უზრუნველყოფა.
|
მუხლი 2.
პროგრამის მოსარგებლეები
|
პროგრამის მოსარგებლეები არიან:
ა) ამ დანართის პირველი მუხლით გათვალისწინებული გარდაცვლილი პირის ოჯახის წევრი; ბ) ამ მუხლის „ა“ ქვეპუნქტით გათვალისწინებული პირის არარსებობის ან ქმედუუნარობის შემთხვევაში პირი (ოჯახის უფლებამოსილი წარმომადგენელი), რომელიც უზრუნველყოფს დაკრძალვის ორგანიზებას (მოცემულ პირზე ბენეფიტის გაცემის შესახებ სამუშაო ჯგუფი გადაწყვეტილებას იღებს მხოლოდ შესაბამისი ტერიტორიული ორგანოს/გამგეობის რწმუნებულის წერილობითი დასკვნის საფუძველზე). |
მუხლი 3.
დახმარების მოცულობა
|
დაკრძალვისათვის დახმარების მოცულობა შეადგენს 500 ლარს.
|
მუხლი 4.
დაფინანსების მეთოდოლოგია და ანაზღაურების წესი
|
პროგრამით გათვალისწინებული დახმარების მისაღებად დახმარების მიმღების მიერ წარმოდგენილ უნდა იქნეს შემდეგი დოკუმენტაცია:
ა) დაკრძალვის ხარჯის მიმღები პირის განცხადება გამგებლის სახელზე; ბ) განმცხადებლის პირადობის მოწმობის ასლი; გ) გარდაცვალების მოწმობის ასლი; დ) გარდაცვლილის პირადობის მოწმობის ასლი; ე) გარდაცვლილის დევნილობის დამადასტურებელი დოკუმენტის ასლი; ვ) განმცხადებლის საბანკო ანგარიშის რეკვიზიტები.". |
„დანართი №4
|
დევნილი ოჯახების სოციალური დახმარების პროგრამა
(პროგრამული კოდი 06 01 12) |
მუხლი 1.
პროგრამის მიზანი
|
პროგრამის მიზანია თიღვის მუნიციპალიტეტიდან დევნილი ოჯახების სოციალური პირობების გაუმჯობესება.
|
მუხლი 2.
დევნილი მოსახლეობისათვის სურსათის შესყიდვის პროგრამა
|
1. თიღვის მუნიციპალიტეტის ბიუჯეტიდან სასურსათო დახმარებას მიიღებენ დევნილთა ოჯახები, რომლებიც მუდმივად ცხოვრობდნენ თიღვის მუნიციპალიტეტში.
2. სასურსათო დახმარების უზრუნველსაყოფად თიღვის მუნიციპალიტეტის გამგებელს დაევალოს: ა) შექმნას სამუშაო ჯგუფი, რომელიც განსაზღვრავს თითოეული ოჯახისათვის გადასაცემი სასურსათო დახმარების მოცულობას (გადასაცემი სახმარების მოცულობა თითოეული ოჯახისათვის განისაზღვროს თანაბარი ოდენობით); ბ) დახმარება გაეწევათ სასურსათო კალათის ადგილზე მიტანით კომპაქტურად ჩასახლებულ დევნილ ოჯახებს, ხოლო არაკომპაქტურად ჩასახლებულ დევნილ ოჯახებს თიღვის მუნიციპალიტეტის გამგეობის მიერ სურსათის დასაწყობებულ ადგილას; გ) 2018 წლის 1 იანვრამდე უზრუნველყოფილ იქნეს ოჯახებისთვის სურსათის მიწოდება. 3. სურსათის შესყიდვა განხორციელდეს „სახელმწიფო შესყიდვების შესახებ“ საქართველოს კანონის მოთხოვნათა შესაბამისად. |
მუხლი 3.
დევნილი მოსახლეობისთვის გაზის გამათბობლების შესყიდვის პროგრამა
|
1. 2017 წელს სოფ. ახალსოფლის დევნილთა ჩასახლებაში, 100 ოჯახს დაუმონტაჟდება გაზის გამათბობლები.
2. გაზის გამათბობლების შესყიდვა განხორციელდეს „სახელმწიფო შესყიდვების შესახებ“ საქართველოს კანონის მოთხოვნათა შესაბამისად.
|
დანართი №5
|
ერთჯერადი ფულადი დახმარება კომპაქტურ დასახლებაში მცხოვრები დევნილთა ოჯახების ზამთრის სეზონისათვის სათბობი შეშის შესაძენად (პროგრამული კოდი 06 01 02)
|
მუხლი 1.
პროგრამის მიზანი
|
კომპაქტურ დასახლებებში მცხოვრებ დევნილთა ოჯახების ზამთრის სეზონისათვის სათბობი შეშის შესაძენად ერთჯერადი ფულადი დახმარების უზრუნველყოფა.
|
მუხლი 2.
პროგრამის ფარგლებში განსახორციელებელი ღონისძიებები
|
1. პროგრამა უზრუნველყოფს ზამთრის სეზონისათვის სათბობი შეშის შესაძენად ერთჯერად ფულად კომპენსაციას იმ კომპაქტურ დასახლებებში მცხოვრებ თიღვის მუნიციპალიტეტის მოსახლეობას, რომელი დასახლებებიც არ არიან უზრუნველყოფილნი ბუნებრივი აირის მიწოდებით, კერძოდ: ბებნისის მეურნეობის, სოფ. საქაშეთის, სოფ. დოღლაურის, ქ. გორის (მის: შპს „ტურისტი“, ი. სუხიშვილის ქ. №63), ვარიანის მეურნეობის და სოფ. წინამძღვრიანთკარის ტელევიზიის I–II კორპუსების იძულებით გადაადგილებულ პირთა კომპაქტური დასახლებები. ბენეფიციართა საერთო რაოდენობა შეადგენს 79 ოჯახს.
2. იძულებით გადაადგილებულ პირთა – დევნილთა ოჯახების ზამთრის სეზონისათვის სათბობი შეშის შესაძენად ერთჯერადი ფულადი დახმარების მიზნით, თიღვის მუნიციპალიტეტის 2017 წლის ბიუჯეტიდან გამოყოფილი, შესაბამისი სახსრების განკარგვის უზრუნველსაყოფად, თიღვის მუნიციპალიტეტის გამგებელს დაევალოს: ა) 2017 წლის 15 სექტემბრამდე შექმნას სამუშაო ჯგუფი, რომელიც განსაზღვრავს თითოეული ოჯახისათვის გასაცემ ფულადი დახმარების მოცულობას (ფულადი თანხის მოცულობა ყველა ოჯახისათვის განისაზღვროს თანაბარი ოდენობით); ბ) 2017 წლის 30 ნოემბრამდე უზრუნველყოფილ იქნეს იძულებით გადაადგილებულ პირთა – დევნილთა ოჯახებისათვის სათბობი შეშის შესაძენი თანხის გაცემა. |
მუხლი 3.
დახმარების მოცულობა
|
დახმარების მოცულობა შეადგენს ოჯახზე –
200 ლარს.
". |
დოკუმენტის კომენტარები