დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
სესხის ნომერი -3418-GEO(SF) სასესხო შეთანხმება (სპეციალური ოპერაციები) (შიდა რესურსების მობილიზაციის გაუმჯობესება ინკლუზიური ზრდის პროგრამისათვის - ქვეპროგრამა 3)საქართველოსა და აზიის განვითარების ბანკს შორის (1 სექტემბერი GEO 48044) | |
---|---|
დოკუმენტის ნომერი | 1029 |
დოკუმენტის მიმღები | საქართველოს საგარეო საქმეთა მინისტრი |
მიღების თარიღი | 01/09/2016 |
დოკუმენტის ტიპი | საქართველოს საერთაშორისო ხელშეკრულება და შეთანხმება |
გამოქვეყნების წყარო, თარიღი | ვებგვერდი, 24/01/2017 |
ძალაში შესვლის თარიღი | 06/12/2016 |
სარეგისტრაციო კოდი | 480610000.03.030.016446 |
|
სესხის ნომერი - -GEO(SF)
სასესხო შეთანხმება (სპეციალური ოპერაციები) (შიდა რესურსების მობილიზაციის გაუმჯობესება ინკლუზიური ზრდის პროგრამისათვის - ქვეპროგრამა 3) საქართველოსა და აზიის განვითარების ბანკს შორის თარიღი 1 სექტემბერი GEO 48044 |
სასესხო შეთანხმება
(სპეციალური ოპერაციები) სასესხო შეთანხმება, დათარიღებული 2016 წლის 1 სექტემბერს, საქართველოს („მსესხებელს“ და აზიის განვითარების ბანკს („ბანკს“) შორის. სადაც (ა) ბანკმა მიიღო მსესხებლისგან 6 ივლისით დათარიღებული განვითარების პოლიტიკასთან დაკავშირებული წერილი („პოლიტიკის წერილი“), რომელშიც ჩამოყალიბებულია კონკრეტული მიზნები, პოლიტიკა და ქმედებები, რაც წინამდებარე სესხის შეთანხმების განრიგში 1 არის აღწერილი და მიზნად ისახავს მსესხებლის ფინანსური სექტორის განვითარებას („პროგრამა“); (ბ) პროგრამა შედგება პროგრამული მიდგომის მესამე ქვეპროგრამისაგან, როგორც ეს აღწერილია წინამდებარე სესხის შეთანხმების 1 განრიგის 1 პარაგრაფში („პროგრამული მიდგომა“) და მსესხებელმა მიმართა ბანკს (i) სესხისათვის ბანკის ჩვეულებრივი კაპიტალური რესურსებიდან და (ii) სესხისთვის ბანკის სპეციალური რესურსების ფონდიდან, ორივე შემთხვევაში პროგრამის განხორციელების მიზნით; (გ) მსესხებელსა და ბანკს შორის ამ თარიღისათვის მიღწეული შეთანხმებით („ჩვეულებრივი ოპერაციის სასესხო შეთანხმება“), ბანკი დათანხმდა აღნიშნული პროგრამის განსახორციელებლად სესხად გასცეს მსესხებელზე ორმოცდაათი მილიონი აშშ დოლარი ($50,000,000) ბანკის ჩვეულებრივი კაპიტალური რესურსებიდან; და (დ) ბანკი დათანხმდა სესხი გასცეს მსესხებელზე ბანკის სპეციალური რესურსების ფონდიდან ქვემოთ მოცემული ვადების და პირობების შესაბამისად; ამდენად მხარეები თანხმდებიან შემდეგზე: |
მუხლი 1
სესხის რეგულაციები, განმარტებები პუნქტი 1.01. ბანკის მიერ სესხის გაცემის მარეგულირებელი სპეციალური ოპერაციები, დათარიღებული 2006 წლის 1 იანვრით („სესხის რეგულაციები“) სრულად ვრცელდება წინამდებარე სასესხო შეთანხმებაზე ისეთივე ძალით და შედეგებით, როგორც მისი შემადგენელი ნაწილი, ამასთანავე, ექვემდებარება შემდეგ ცვლილებას: (ა) პუნქტი 2.01(24) ამოღებულია და ჩანაცვლებულია შემდეგით: 24. ტერმინი „პროგრამა“ ნიშნავს პროგრამას, რომლისთვისაც ბანკი დათანხმდა სესხის გამოყოფას, როგორც ეს არის აღწერილი სასესხო შეთანხმებაში და რომლის აღწერილობა შესაძლოა დროდადრო ჩასწორდეს ბანკის და მსესხებლის შეთანხმების საფუძველზე. (ბ) ტერმინი „პროექტი“, სადაც გვხვდება სესხის რეგულაციებში, უნდა იქნეს ჩანაცვლებული ტერმინით „პროგრამა“. (გ) პუნქტი 2.01(26) ამოღებულია და ჩანაცვლებულია შემდეგით: 26. ტერმინი „პროგრამის განმახორციელებელი სააგენტო“ ნიშნავს ორგანიზაციას ან ორგანიზაციებს, რომლებიც პასუხისმგებელნი არიან პროგრამის განხორციელებაზე, როგორც ეს არის აღწერილი სასესხო შეთანხმებაში. (დ)ტერმინი „პროექტის განმახორციელებელი სააგენტო“, სადაც გვხვდება სესხის რეგულაციებში, უნდა ჩანაცვლდეს ტერმინით „პროგრამის განმახორციელებელი სააგენტო“. პუნქტი 1.02. წინამდებარე სასესხო შეთანხმებაში გამოყენებულ, სესხის რეგულაციებში განმარტებულ რამდენიმე ტერმინს აქვთ სპეციფიკური მნიშვნელობა, თუ არ მოხდა მათი მოდიფიკაცია ან მათი სხვაგვარი ინტერპრეტაცია კონტექსტიდან გამომდინარე. წინამდებარე სასესხო შეთანხმებაში გამოყენებულ დამატებით ტერმინებს აქვთ შემდეგი მნიშვნელობა: (ა) „თანამონაწილეობის თანხები“ ნიშნავს ეროვნულ ვალუტას, რომელიც მიღებულია პროგრამის ფარგლებში სესხის თანხებიდან და რომელიც აღნიშნულია წინამდებარე სესხის შეთანხმების მე-4 განრიგის მე-6 პარაგრაფში; (ბ) „სადეპოზიტო ანგარიში“ ნიშნავს ანგარიშს მითითებულს წინამდებარე სესხის შეთანხმების მე-3 განრიგის მე-3 პარაგრაფში; (გ) „სესხის ჩამორიცხვის სახელმძღვანელო“ ნიშნავს აზიის განვითარების ბანკის სესხის ჩამორიცხვის სახელმძღვანელოს (2015, როგორც შეიცვალა დროთა განმავლობაში); (დ) “MOESD” ნიშნავს მსესხებლის ეკონომიკისა და მდგრადი განვითარების სამინისტროს ან მის შესაძლო სამართალმემკვიდრეს; (ე) “MOF” ნიშნავს მსესხებლის ფინანსთა სამინისტროს ან მის შესაძლო სამართალმემკვიდრეს; (ვ) “NBG” ნიშნავს საქართველოს ეროვნულ ბანკს ან მის შესაძლო სამართალმემკვიდრეს; (ზ) „პოლიტიკის მატრიცა“ ნიშნავს პოლიტიკურ ქმედებათა გრაფიკულ აღწერილობას მსესხებლის და ბანკის შეთანხმების შესაბამისად და წარმოდგენილია ამ შეთანხმების მე-3 განრიგის მე-2 დანართში, რომელიც აყალიბებს განსახორციელებელ ქმედებებს, რომლებიც განხორციელდა ან უნდა განხორციელდეს მსესხებლის მიერ პროგრამული მიდგომის შესაბამისად; და (თ) „პროგრამის განმახორციელებელი სააგენტო“ სესხის გაცემის რეგულაციების თანახმად და მათი განხორციელების მიზნით ნიშნავს ფინანსთა სამინისტროს ან მის ნებისმიერ სამართალმემკვიდრეს, რომელიც მისაღებია ბანკისათვის და რომელიც არის პასუხისმგებელი პროგრამის განხორციელებაზე. მუხლი II სესხი პუნქტი 2.01. ბანკი დათანხმდა სესხი გასცეს მსესხებელზე ბანკის სპეციალური რესურსების ფონდიდან სხვადასხვა ვალუტაში, რომელიც ეკვივალენტურია ოცდათხუთმეტი მილიონ რვაას თვრამეტი ათასი ნასესხობის სპეციალური უფლების (SDR 35 818 000). პუნქტი 2.02. (ა) მსესხებელმა უნდა გადაუხადოს ბანკს წლიურად 2% შეღავათიანი პერიოდის განმავლობაში და მის შემდგომ, სესხის ანგარიშიდან პერიოდულად ჩამორიცხულ და გადაუხდელ სესხის თანხებზე. (ბ) ტერმინი „შეღავათიანი პერიოდი“, როგორც არის გამოყენებული ამ პუნქტის (ა) პარაგრაფში ნიშნავს პირველი ძირითადი გადახდის თარიღის წინა პერიოდს წინამდებარე სესხის შეთანხმების მე-2 განრიგის ამორტიზაციის გრაფიკის შესაბამისად. პუნქტი 2.03. მოგებიდან დარიცხული პროცენტი და ამ სესხის ნებისმიერი სხვა დარიცხვა უნდა იყოს გადახდილი ნახევარ წელიწადში ერთხელ ყოველი წლის 1 თებერვალი და 1 აგვისტო. პუნქტი 2.04 მსესხებელმა უნდა გადაიხადოს სესხის ძირითადი თანხა, რომელიც გაიტანა სესხის ანგარიშიდან წინამდებარე სესხის შეთანხმების მე-2 განრიგში მოცემული ამორტიზაციის გრაფიკის შესაბამისად. პუნქტი 2.05. სესხის ძირითადი თანხის გადახდის ვალუტა და სესხის პროცენტის გადახდის ვალუტა სესხის რეგულაციების 4.03(ა) და 4.04 პუნქტების მიზნებიდან გამომდინარე უნდა იყოს დოლარი. მუხლი III სესხის თანხების გამოყენება პუნქტი 3.01. მსესხებელმა უნდა გამოიყენოს სესხის თანხები პროგრამის ხარჯების დასაფარად წინამდებარე სესხის შეთანხმების დებულებების შესაბამისად. პუნქტი 3.02. სესხის თანხების გატანა უნდა მოხდეს წინამდებარე სესხის შეთანხმების მე-3 განრიგის შესაბამისად, რამდენადაც ასეთი განრიგი შესაძლოა შეიცვალოს დროდადრო მსესხებელსა და ბანკს შორის მიღწეული შეთანხმების შედეგად. პუნქტი 3.04. სესხის დახურვის თარიღად სასესხო რეგულაციების პუნქტი 8.02-ით გათვალისწინებული მიზნებისთვის მიღებული უნდა იქნეს 2016 წლის 31 დეკემბერი, ან სხვა რომელიმე თარიღი, რომელიც დროდადრო შეთანხმდება მსესხებელს და ბანკს შორის. მუხლი IV კონკრეტული შეთანხმებები პუნქტი 4.01. პროგრამის განხორციელებისას მსესხებელმა უნდა შეასრულოს წინამდებარე სესხის შეთანხმების მე-4 განრიგში ჩამოთვლილი ყველა ვალდებულება. პუნქტი 4.02. როგორც სესხის გაცემის რეგულაციების 6.05 პუნქტში გათვალისწინებული დოკუმენტაციის და ინფორმაციის ნაწილი, მსესხებელმა ბანკს უნდა წარუდგინოს ან უზრუნველყოს ყველა ისეთი ანგარიშის ან ინფორმაციის წარდგენა, რასაც ბანკი მოითხოვს პროგრამის განხორციელების პროგრესის დასადასტურებლად, მათ შორის მიზანთა შესრულების და პოლიტიკის განმსაზღვრელ წერილში აღნიშნული ქმედებების განხორციელების შესახებ. მუხლი V ეფექტურობა პუნქტი 5.01. ქვემოთ მოცემული განსაზღვრულია როგორც დამატებითი პირობა ეფექტურობისა ამ სასესხო შეთანხმების სასესხო რეგულაციების პუნქტი 9.01(ვ) მიზნებისთვის: სასესხო შეთანხმების ჩვეულებრივი ოპერაციები სათანადოდ უნდა იქნეს შესრულებული მსესხებლის მიერ და ეფექტურობის ყველა წინაპირობა (გარდა იმ პირობისა, რომელიც ითხოვს წინამდებარე სასესხო შეთანხმების ეფექტურობას) უნდა იყოს დასრულებული. პუნქტი 5.02. ქვემოთ მოცემული განსაზღვრულია როგორც დამატებითი საკითხი სასესხო რეგულაციების პუნქტი 9.02(დ) მიზნებისთვის, რომელიც მოიცავს მოსაზრებას ან მოსაზრებებს, რომელიც უნდა წარედგინოს ADB-ს: რომ სასესხო შეთანხმების ჩვეულებრივი ოპერაციები სათანადოდ იქნეს დამტკიცებული ან რატიფიცირებული, შესრულებული და მიწოდებული მსესხებლის სახელით და მასში მოცემული პირობების შესაბამისად სამართლებრივად იყოს მსესხებლისთვის სავალდებულო. პუნქტი 5.03. სასესხო შეთანხმების ეფექტურობისთვის განსაზღვრულია წინამდებარე სასესხო შეთანხმებიდან 90 დღე, სესხის რეგულაციების პუნქტის 9.04 მიზნებისათვის. მუხლი VI სხვადასხვა პუნქტი 6.01. მსესხებლის ფინანსთა მინისტრი დასახელდა მსესხებლის წარმომადგენლად სესხის რეგულაციის პუნქტის 11.02 მიზნებისათვის. პუნქტი 6.02. დაკონკრეტდა შემდეგი მისამართი სესხის რეგულაციების პუნქტის 11.01 მიზნებისათვის: მსესხებლისთვის: ფინანსთა სამინისტრო ვ. გორგასლის ქუჩა 16, 0114 თბილისი, საქართველო ფაქსი: (99532) 2262423
აზიის განვითარების ბანკისთვის: აზიის განვითარების ბანკი აზიის განვითარების ბანკის გამზირი 6 ქალაქი მანდალუიონგი 1550 მეტრო მანილა ფილიპინები ფაქსი: (632) 636-2444 (632) 636-2424.
რის დასტურადაც მხარეები, რომლებიც მოქმედებენ მათი უფლებამოსილი წარმომადგენლების მეშვეობით, ხელს აწერენ წინამდებარე შეთანხმებას ზემოთ მოცემული თარიღით. შეთანხმების წარდგენა უნდა მოხდეს აზიის განვითარების ბანკის სათავო ოფისში. საქართველოს მხრიდან საქართველოს ფინანსთა მინისტრი ნოდარ ხადური
აზიის განვითარების ბანკის მხრიდან საქართველოში აზიის განვითარების ბანკის მუდმივი წარმომადგენლობის დირექტორo იეშიმ ელჰან-კაიალარმა. განრიგი 1 პროგრამის აღწერა 1. პროგრამული მიდგომის ძირითადი მიზანია სახელმწიფო და კერძო ინვესტიციების გაზრდის მიზნით შიდა რესურსების უფრო ეფექტური მობილიზაცია. პროგრამული მიდგომა შედგება სამი ქვეპროგრამისაგან და პროგრამა მისი მესამე ქვეპროგრამაა. პროგრამა უფრო დეტალურადაა აღწერილი პოლიტიკის წერილში და პოლიტიკის მატრიცაში. 2. პროგრამა დასრულდა 2016 წლის 6 ივლისი. განრიგი 2 ამორტიზაციის გრაფიკი (შიდა რესურსების მობილიზაციის გაუმჯობესება ინკლუზიური ზრდის პროგრამისათვის - ქვეპროგრამა 3)
*გადახდის პროცედურა ექვემდებარება სესხის რეგულაციების პუნქტებს 3.04 და 4.03.
განრიგი 3 სესხის თანხების გამოტანა 1. გარდა იმ შემთხვევებისა, თუ ADB სხვაგვარად გადაწყვეტს, სასესხო ანგარიშიდან სესხის თანხების ათვისებისთვის გამოყენებულ იქნეს სესხის ათვისების სახელმძღვანელოს (იმ მოთხოვნის გარდა, რომლის მიხედვითაც მსესხებელი აზიის განვითარების ბანკს 11.14 სექციის ფორმულასთან შესაბამისობაში არსებობის დამადასტურებელ სერტიფიკატს წარუდგენს) და წინამდებარე განრიგით გათვალისწინებული პროცედურები. 2. სასესხო ანგარიშიდან თანხის გატანის მოთხოვნა მსესხებლის მიერ უნდა გაეგზავნოს ბანკს და უნდა იყოს ბანკისათვის მისაღები ფორმით. 3. (ა) სესხის ანგარიშიდან ბანკისათვის პირველი განაცხადის გაგზავნამდე მსესხებელმა საქართველოს ეროვნულ ბანკში უნდა გამოყოს სახელმწიფო ხაზინის სავალუტო ანგარიშის ქვეანგარიში (სადეპოზიტო ანგარიში), სადაც მოხდება სესხის ანგარიშიდან გამოტანილი მთელი თანხის დეპონირება. სადეპოზიტო ანგარიში უნდა შეიქმნას, იმართოს და გაუქმდეს ბანკისთვის მისაღები პირობების და ვადების დაცვით. (ბ) სადეპოზიტო ანგარიშის განცალკევებული ანგარიშები და ჩანაწერები უნდა შენარჩუნდეს ბანკისთვის მისაღები ხარჯთაღრიცხვის პრინციპების შესაბამისად. ბანკის მოთხოვნის საფუძველზე მსესხებელს უნდა ხელთ ჰქონდეს სადეპოზიტო ანგარიშის ფინანსური ანგარიშები, შემოწმებული დამოუკიდებელი აუდიტების მიერ, რომელთა კვალიფიკაცია, გამოცდილება და სამუშაოს აღწერილობა მისაღებია ბანკისათვის, არის აუდიტის საერთაშორისო პრინციპებთან ან ეროვნულ დონეზე არსებული აღნიშნულის ეკვივალენტური და ბანკისთვის მისაღები პრინციპების შესაბამისი. მათი შემუშავების შემდეგ დაუყოვნებლივ, მაგრამ ნებისმიერ შემთხვევაში არაუგვიანეს ბანკის მიერ მოთხოვნიდან 6 თვისა, მსგავსი ფინანსური ანგარიშების აუდიტის შედეგთა და მათზე აუდიტორთა მოსაზრებების ასლები ინგლისურ ენაზე უნდა მიეწოდოს ბანკს. 4. სესხის ფარგლებში გამოთხოვილი თანხით არ უნდა დაფინანსდეს ისეთი ნივთები, რომლებიც მოცემულია ამ განრიგის დანართ 1-ში. 5. მსესხებელს შეუძლია სესხის გამოტანა სესხის შეთანხმების ეფექტიანობის შესაბამისად.
განრიგი 3-ის დანართი 1 უარყოფითი სია
თანხის გატანა არ მოხდება შემდეგი იმპორტისათვის: (i) ხარჯები იმ საქონლისათვის, რომელიც შედის გაეროს სტანდარტული საერთაშორისო ვაჭრობის კლასიფიკაციის, შესწორებული ვერსია 3 (SITC, Rev. 3) შემდეგ ჯგუფებსა თუ ქვე-ჯგუფებში ან მომავალში შევა SITC-ის შესწორებული ვერსიების შესაბამის ჯგუფებსა და ქვე-ჯგუფებში, რომლის შესახებაც ბანკი აცნობებს მსესხებელს: ცხრილი: დაუშვებელი ერთეულები თავი სათაური ერთეულთა აღწერილობა 112 ალკოჰოლური სასმელები; 121 თამბაქო, გადაუმუშავებელი; თამბაქოს ნარჩენები; 122 თამბაქო, გადამუშავებული (შეიცავს თუ არ შეიცავს თამბაქოს შემცვლელს); 525 რადიაქტიური და მასთან დაკავშირებული მასალები 667 მარგალიტები, ძვირფასი და ნახევრად ძვირფასი მასალები, დამუშავებული და დაუმუშავებელი 718 718.7 ბირთვული რეაქტორები და ნაწილები, საწვავის ელემენტები (კატრიჯები), არარადიაციული ბირთვული რეაქტორებისათვის 728 728.43 თამბაქოს გადამამუშავებელი დანადგარები 897 897.3 ოქროს, ვერცხლის ან პლატინის ჯგუფის მეტალები (გარდა საათებისა და საათის ქეისებისა) და გოლდსმისის ან სილვერსმისის ნაწარმები (ძვირფასეულობის ჩათვლით) 971 ოქრო, არამონეტარული (გარდა ოქროს საბადოებისა და კონცენტრატების) წყარო: გაერთიანებული ერების ორგანიზაცია (ii) ხარჯები მსესხებელის ვალუტაში ან საქონლისათვის, რომლის მიწოდებაც მსესხებლის ტერიტორიიდან ხდება; (iii) ხარჯები კონტრაქტის ფარგლებში უზრუნველყოფილი საქონლის მიწოდებისთვის, რომელიც დაფინანსდება ნებისმიერი ეროვნული ან საერთაშორისო დამფინანსებელი ინსტიტუტის ან ორგანიზაციის მიერ ან მოხდა შეთანხმება ამგვარ დაფინანსებაზე, ADB-ს ნებისმიერი სესხიდან ან გრანტიდან ფინანსების კონტრაქტის ჩათვლით; (iv) ხარჯები საქონლისათვის, რომელიც გამიზნულია სამხედრო ან ნახევრად სამხედრო მიზნებისათვის ან ფუფუნების მოხმარებისათვის; (v) ხარჯები ნარკოტიკებისათვის; (vi) ხარჯები საქონლისათვის, რომელიც ზიანს აყენებს გარემოს, რომელთა წარმოება, გამოყენება ან იმპორტი აკრძალულია მსესხებლის კანონების ან იმ საერთაშორისო შეთანხმებების მიხედვით, რომელთა მხარესაც მსესხებელი წარმოადგენს; და (vii) ხარჯები ნებისმიერი გადახდის ანგარიშზე, რომელიც მსესხებლის მიერაა აკრძალული გაეროს წესდების VII თავის მიხედვით მიღებული გაეროს უშიშროების საბჭოს გადაწყვეტილების შესაბამისად.
განრიგი 3-ის დანართი 2 პოლიტიკის მატრიცა
BSTDB=შავი ზღვის ვაჭრობისა და განვითარების ბანკი, EBRD= ევროპის რეკონსტრუქციისა და განვითარების ბანკი, EDA= მეწარმეობის განვითარების სააგენტო EU = ევროკავშირი, GDP = მთლიანი შიდა პროდუქტი, GEL= ქართული ლარი, GITA= საქართველოს ინოვაციისა და ტექნოლოგიების სააგენტო, GRS = საქართველოს შემოსავლების სამსახური, IFI = საერთაშორისო საფინანსო ინსტიტუტი, LEPL = საჯარო სამართლის იუდიული პირი, LSG = ადგილობრივი თვითმმართველობა, MOESD = ეკონომიკისა და მდგრადი განვითარების სამინისტრო, MOF = ფინანსთა სამინისტრო, MOLHSA= შრომის, ჯანმრთელობისა და სოციალური დაცვის სამინისტრო, NBG = საქართველოს ეროვნულ ბანკი, PFMS = საჯარო ფინანსების მართვის საინფორმაციო სისტემა, PDEFD = სახელმწიფო ვალისა და საგარეო დაფინანსების დეპარტამენტი, PPP = სახელმწიფო და კერძო თანამშრომლობა, SMEs = მცირე და საშუალო საწარმო, SOEs = სახელმწიფო მფლობელობაში არსებული საწარმოები, TSA = ხაზინის ერთიანი ანგარიში * გამუქებული ტექსტი აჩვენებს დამატებით ან გადამეტებულ მიზნებს.
განრიგი 4 პროგრამის განხორციელება და სხვა საკითხები განხორციელების ღონისძიებები 1. ფინანსთა სამინისტრო წარმოადგენს პროგრამის განმახორციელებელ ორგანიზაციას და პასუხისმგებელია საერთო პროგრამული მიდგომის განხორციელებაზე, მათ შორის, პოლიტიკის ყველა საქმიანობის, თანხის ჩამორიცხვის და ჩანაწერების წარმოებაზე. ფინანსთა სამინისტრო და ეკონომიკისა და მდგრადი განვითარების სამინისტრო წარმოადგენს პროგრამული მიდგომის განმახორციელებელ ორგანიზაციებს. პოლიტიკის საქმიანობები და დიალოგი 2. მსესხებელი უზრუნველყოფს პროგრამის ფარგლებში მიღებული პოლიტიკის ყველა საქმიანობის, როგორც ეს პოლიტიკის წერილსა და პოლიტიკის მატრიცაშია ჩამოყალიბებული, მოქმედების ვადას პროგრამული მიდგომის ხანგძლივობის განმავლობაში. 3. მსესხებელი უზრუნველყოფს ბანკის ინფორმირებულობას მრავალმხრივ და ორმხრივ დახმარების ორგანიზაციებთან პოლიტიკის განხილვების შესახებ, რომლებმაც შესაძლოა გავლენა მოახდინონ პროგრამულ მიდგომაზე და მისცემს ბანკს შესაძლებლობას კომენტარი გააკეთოს აქედან გამომდინარე პოლიტიკის ნებისმიერ წინადადებაზე. მსესხებელმა მხედველობაში უნდა მიიღოს ბანკის მოსაზრებები ამგვარი ნებისმიერი წინადადების დასრულებამდე და განხორციელებამდე. თანამშრომლობის ფონდების გამოყენება 4. მსესხებელი უზრუნველყოფს თანამშრომლობის ფონდების პროგრამული მიდგომის ამოცანების გარკვეული პროგრამებისა და საქმიანობების განხორციელების დაფინანსების შესაბამისი მხარდაჭერისათვის გამოყენებას. მმართველობა და ანტი-კორუფციული პოლიტიკა 5. მსესხებელი, ფინანსთა სამინისტრო და ეკონომიკისა და მდგრადი განვითარების სამინისტრო: ა) ასრულებს ბანკის ანტიკორუფციულ პოლიტიკას (1998 წელს მიღებული დოკუმენტის ბოლო ვერსია) და აღიარებს, რომ ბანკი იტოვებს უფლებას პირდაპირ ან მისი აგენტების მეშვეობით გამოიძიოს პროგრამასთან დაკავშირებული ნებისმიერი კორუფციული, თაღლითური, საიდუმლო შეთანხმების ან იძულებითი პრაქტიკა; და (ბ) ითანამშრომლოს ნებისმიერ მსგავს გამოძიებასთან და გაუწიოს ყველა სახის საჭირო დახმარება ამგვარი გამოძიების დამაკმაყოფილებლად დასასრულებლად. შეფასება 6. მსესხებელი ახორციელებს პროგრამის შეფასებას ბანკის მონაწილეობით პროგრამული უზრუნველყოფის დარჩენილი ქვეპროგრამების დაგეგმისათვის. შემფასებელი მხედველობაში იღებს პროგრამის განხორციელების გამოცდილებას და ბანკის მიერ მსესხებლის მიმართ ფინანსურ სექტორში აღმოჩენილ სხვა დახმარებათა რეკომენდაციებს. მსესხებელი აღიარებს რომ ამ პარაგრაფში აღწერილი შეფასება არ ავალდებულებს ბანკს გამოყოს სესხები პროგრამული მიდგომის ფარგლებში ნებისმიერი შემდგომი ქვე-პროგრამისათვის და რომ ნებისმიერი შემდგომი ქვე-პროგრამა პროგრამული მიდგომისათვის წარმოადგენს ბანკის საბჭოს დამტკიცების საგანს. |
|
დოკუმენტის კომენტარები