დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ,,ცხინვალის რეგიონში საავტომობილო გზების შეკათების ღონისძიებათა შესახებ`` | |
|---|---|
| დოკუმენტის ნომერი | 201 |
| დოკუმენტის მიმღები | საქართველოს პრეზიდენტი. |
| მიღების თარიღი | 05/06/2004 |
| დოკუმენტის ტიპი | საქართველოს პრეზიდენტის ბრძანებულება |
| გამოქვეყნების წყარო, თარიღი | სსმ, 58, 09/06/2004 |
| სარეგისტრაციო კოდი | 310.090.000.05.002.002 |
საქართველოს პრეზიდენტის
ბრძანებულება №201
2004 წლის 5 ივნისი
ქ. თბილისი
ცხინვალის რეგიონში საავტომობილო გზების შეკეთების უზრუნველყოფის ღონისძიებათა შესახებ
ავტოსატრანსპორტო უსაფრთხო მოძრაობისა და შეუფერხებელი განვლადობის უზრუნველსაყოფად, ცხინვალის რეგიონში საავტომობილო გზების და ხიდების შეკეთებისა და სარემონტო სამუშაოების ჩატარების მიზნით:
1. საქართველოს ინფრასტრუქტურისა და განვითარების სამინისტროს სახელმწიფო საქვეუწყებო დაწესებულებამ – საავტომობილო გზების დეპარტამენტმა (რ. დალაქიშვილი) დაუყოვნებლივ დაიწყოს გორი-ცხინვალი-გუფთას, ცხინვალი-ვანათი-ზონკარი-აწრისხევის, ცხინვალი-ხეითი-ძარწემი-ქემერტი-სვერის, აგარა-ყორნისი-ცხინვალის საავტომობილო გზების სავალი ნაწილის მოვლა-შენახვის და პერიოდული შეკეთების სამუშაოები.
2. შესასრულებელი სამუშაოები დაფინანსდეს საქართველოს 2004 წლის სახელმწიფო ბიუჯეტით გათვალისწინებული საქართველოს ერთიანი სახელმწიფო საგზაო ფონდის სახსრებიდან.
3. ცხინვალის რეგიონში შექმნილი პოლიტიკური და სოციალური ვითარების გამო, საავტომობილო გზებზე სამუშაოების განხორციელების გადაუდებლობისა და დროულად ჩატარების მიზნით, ფორს-მაჟორული სიტუაციიდან გამომდინარე, ამ ბრძანებულების პირველ პუნქტში აღნიშნული მოვლა-შენახვისა და პერიოდული შეკეთების სამუშაოები განხორციელდეს ერთ პირთან მოლაპარაკების წესით.
მ. სააკაშვილი
დოკუმენტის კომენტარები