„პერსონალურ მონაცემთა დაცვის ინსპექტორის აპარატის დებულების დამტკიცების შესახებ“ პერსონალურ მონაცემთა დაცვის ინსპექტორის 2016 წლის 4 მარტის №1 ბრძანებაში ცვლილების შეტანის შესახებ

1. მე-12 მუხლის პირველი პუნქტი ჩამოყალიბდეს შემდეგი რედაქციით:

„1. აპარატის სტრუქტურული ერთეულებია:

ა) იურიდიული დეპარტამენტი;

ბ) ინსპექტირების დეპარტამენტი;

გ) საერთაშორისო ურთიერთობების დეპარტამენტი;

დ) ინფორმაციული ტექნოლოგიების დეპარტამენტი;

ე) ადმინისტრაციული სამმართველო;

ვ) ფინანსური სამსახური;

ზ) საზოგადოებასთან ურთიერთობის სამსახური.“.

2. მე-12 მუხლის მე-3 პუნქტი ჩამოყალიბდეს შემდეგი რედაქციით:

„3. აპარატის შემდეგი მოსამსახურეები არ შედიან არცერთი სტრუქტურული ერთეულის დაქვემდებარებაში და ექვემდებარებიან უშუალოდ ინსპექტორს:

ა) ინსპექტორის თანაშემწე;

ბ) ინფორმაციული უსაფრთხოების ოფიცერი.“.

3. მე-15 მუხლის მე-2 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) ინსპექტირების ჩატარების ინიციირება მოქალაქეთა განცხადებებისა და სხვა წყაროებიდან მიღებული ინფორმაციის საფუძველზე;“.

4. მე-17 მუხლის მე-4 პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) საერთაშორისო ურთიერთობების სპეციალისტი.“.

5. მე-19 მუხლის მე-2 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) კომპიუტერული ტექნიკისა და ქსელის გამართული ფუნქციონირების უზრუნველყოფა;“.

6. მე-20 მუხლის მე-3 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) ლოკალური ინფორმაციული სისტემების, ასევე კომპიუტერული ტექნიკისა და ქსელის გამართული ფუნქციონირების უზრუნველყოფის პროცესის კოორდინირება;“.

7. 21-ე მუხლის მე-2 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) ადამიანური რესურსების მართვა და ადმინისტრირება; ადამიანური რესურსების მართვის სისტემის ორგანიზება და განვითარება;“.

8. 21-ე მუხლის მე-2 პუნქტის „თ“ და „ლ“ ქვეპუნქტები ამოღებულ იქნეს.

9. 21-ე მუხლის მე-4 პუნქტის „დ“ ქვეპუნქტი ამოღებულ იქნეს.

10. 22-ე მუხლის მე-3 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) ადამიანური რესურსების მართვის და ადმინისტრირების, სისტემის განვითარების პროცესის მართვასთან დაკავშირებული საკითხების უზრუნველყოფა;“.

11. 22-ე მუხლის მე-3 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) სამმართველოს კომპეტენციის ფარგლებში მომზადებული ინდივიდუალური ადმინისტრაციულ-სამართლებრივი აქტების და სხვა დოკუმენტების პროექტების მომზადების, რეგისტრაციისა და სისტემატიზაციის უზრუნველყოფა;“.

12. 22-ე მუხლის მე-3 პუნქტის „კ“ ქვეპუნქტი ჩამოყალიბდეს შემდეგი რედაქციით:

„კ) აპარატის ადმინისტრაციულ შენობაში სამეურნეო ინფრასტრუქტურის გამართული ფუნქციონირების უზრულველყოფის პროცესის კოორდინირება;“.

13. 23-ე მუხლის მე-2 პუნქტი ჩამოყალიბდეს შემდეგი რედაქციით:

„2. ფინანსური სამსახურის ფუნქციებია:

ა) აპარატის ბიუჯეტის პროექტის მომზადება და წარდგენა მოქმედი კანონმდებლობის შესაბამისად, ბიუჯეტის შესრულების და საბიუჯეტო სახსრების ხარჯვაზე კონტროლი;

ბ) შესყიდვების გეგმის პროექტის მომზადება და დამტკიცებული/კორექტირებული გეგმის წარდგენა შესაბამისი უწყებისათვის, სახელმწიფო შესყიდვების განხორციელება კანონმდებლობის შესაბამისად, მათ შორის შესყიდვების წინა მოსამზადებელი სამუშაოების განხორციელება, სატენდერო დოკუმენტაციის პროექტების შემუშავება და კომპეტენციის ფარგლებში სატენდერო პროცედურების წარმართვა;

გ) სახელმწიფო შესყიდვის ხელშეკრულებების და მიღება-ჩაბარების აქტების პროექტების მომზადება, ხელშეკრულების შესრულების მიმდინარეობის კონტროლი კომპეტენციის ფარგლებში; დადებული ხელშეკრულების, მიღება-ჩაბარების აქტების და სხვა დოკუმენტაციის მიღება-გაცემა და აღრიცხვის უზრუნველყოფა;

დ) სახელმწიფო შესყიდვებთან დაკავშირებით ანგარიშგების უზრუნველყოფა კანონმდებლობით გათვალისწინებულ შემთხვევაში და დადგენილი წესით;

ე) აპარატის ბიუჯეტის ხარჯვითი ნაწილის შესრულება, კვარტალური, წლიური, საფინანსო და სტატისტიკური ანგარიშების შედგენა და შესაბამისი უწყებისათვის წარდგენა;

ვ) ბუღალტრული აღრიცხვის უზრუნველყოფა კანონმდებლობის შესაბამისად;

ზ) აპარატის საწყობის მართვა და საწყობში საქონლის/ნივთების მიღების, აღრიცხვის და გაცემის შესაბამისი პროცედურების განხორციელება;

თ) ინვენტარიზაციის პროცესის დაგეგმვა და განხორციელება კანონმდებლობის შესაბამისად;

ი) სამსახურის სამოქმედო გეგმების და საქმიანობის შესახებ ანგარიშების წარდგენა ინსპექტორისთვის;

კ) საქართველოს კანონმდებლობით, ამ დებულებით, აპარატის შინაგანაწესით და ინსპექტორის სხვა სამართლებრივი აქტებით გათვალისწინებული ფუნქციების და ვალდებულებების შესრულება;

ლ) ინსპექტორის სხვა დავალებების შესრულება.“.

14. 24-ე მუხლის მე-3 პუნქტი ჩამოყალიბდეს შემდეგი რედაქციით:

„3. ფინანსური სამსახურის უფროსის ფუნქციებია:

ა) სამსახურის საქმიანობის დაგეგმვა, წარმართვა, მოსამსახურეთათვის დავალებების გადანაწილება, მოსამსახურეთა მიერ სამსახურებრივი მოვალეობების შესრულების კოორდინაცია და ზედამხედველობა;

ბ) მოქმედი კანონმდებლობის შესაბამისად აპარატის ბიუჯეტის პროექტის მომზადების და წარდგენის უზრუნველყოფა, ბიუჯეტის შესრულების მინიტორინგი;

გ) საბიუჯეტო სახსრების ხარჯვაზე კონტროლი;

დ) შესყიდვების წლიური გეგმის პროექტის მომზადების, დამტკიცებული/კორექტირებული გეგმის შესაბამისი უწყებისთვის წარდგენის და სახელმწიფო შესყიდვების განხორციელების უზრუნველყოფა კანონმდებლობის შესაბამისად;

ე) სახელმწიფო შესყიდვებთან დაკავშირებით შესაბამისი დოკუმენტაციის მომზადების და აღრიცხვის პროცესის მართვა, განხორციელებული შესყიდვების ანალიზი და მონიტორინგი;

ვ) ფინანსური და შესყიდვების შესახებ ანგარიშგების პროცესის კოორდინირება და უზრუნველყოფა კანონმდებლობით გათვალისწინებულ შემთხვევაში და დადგენილი წესით;

ზ) ბუღალტრული აღრიცხვის პროცესის მართვა და უზრუნველყოფა კანონმდებლობის შესაბამისად;

თ) აპარატის საწყობის მართვა და მონიტორინგი;

ი) ინვენტარიზაციის პროცესის კოორდინირება და კონტროლი კანონმდებლობის შესაბამისად;

კ) სამსახურის მოსამსახურეთა მიერ მომზადებელი დოკუმენტების ვიზირება;

ლ) ინსპექტორის დავალებით სამსახურის კომპეტენციის ფარგლებში მომზადებული დოკუმენტაციის ხელმოწერა და სხვა ფუნქციების შესრულება.“.

15. 24-ე მუხლს დაემატოს 24¹ მუხლი შემდეგი რედაქციით:

„მუხლი 24¹

1. საზოგადოებასთან ურთიერთობის სამსახური ანგარიშვალდებულია ინსპექტორის წინაშე.

2. საზოგადოებასთან ურთიერთობის სამსახურის ფუნქციებია:

ა) პერსონალური მონაცემების დამუშავებისა და დაცვის შესახებ საზოგადოების ცნობიერების ამაღლების კამპანიის დაგეგმვა და წარმართვა, სარეკლამო და საინფორმაციო ღონისძიებების დაგეგმვა და სხვადასხვა სახის კონკურსების ორგანიზება;

ბ) აპარატის ოფიციალური ვებგვერდის და სოციალურ ქსელებში ოფიციალური გვერდების მართვა და განახლება;

გ) მედიასთან ურთიერთობის სტრატეგიის განსაზღვრა და მისი განხორციელება, პრესკონფერენციების, ბრიფინგების, ინტერვიუების ორგანიზება, საინფორმაციო მასალების (პრესრელიზი) მომზადება და გავრცელება;

დ) სარეკლამო კომპანიებთან და გამომცემლობებთან კომუნიკაცია, აპარატის საინფორმაციო და საიმიჯო მასალების, სლოგანების შემუშავება და დიზაინი; მასალების დამზადების/ბეჭდვის უზრუნველყოფა;

ე) აპარატის ღონისძიებების ფოტო/ვიდეო გადაღება და არქივის წარმოება;

ვ) ინსპექტორის და აპარატის საქმიანობის და პერსონალურ მონაცემთა დაცვასთან დაკავშირებული თემების მედიამონიტორინგი;

ზ) სამსახურის სამოქმედო გეგმებისა და საქმიანობის შესახებ ანგარიშების წარდგენა ინსპექტორისთვის;

თ) საქართველოს კანონმდებლობით, ამ დებულებით, აპარატის შინაგანაწესით და ინსპექტორის სხვა სამართლებრივი აქტებით გათვალისწინებული ფუნქციების და ვალდებულებების შესრულება;

ი) ინსპექტორის სხვა დავალებების შესრულება.

3. აღნიშნული ფუნქციების განხორციელების მიზნით საზოგადოებასთან ურთიერთობის სამსახური უფლებამოსილია:

ა) მოითხოვოს ფუნქციების განხორციელებისათვის საჭირო ინფორმაცია და დახმარება სხვა სტრუქტურული ერთეულისგან/მოსამსახურისგან;

ბ) წარუდგინოს წინადადებები ინსპექტორს სამსახურის კომპეტენციაში შემავალი საკითხების მოწესრიგებისა და გადაწყვეტის მიზნით;

გ) განახორციელოს სხვა უფლებამოსილებები, რომლებიც აუცილებელია სამსახურის ფუნქციების ეფექტური შესრულებისთვის.

4. საზოგადოებასთან ურთიერთობის სამსახურის მოსამსახურეები არიან:

ა) საზოგადოებასთან ურთიერთობის სამსახურის უფროსი;

ბ) საზოგადოებასთან ურთიერთობის სპეციალისტი.“.

16. 24-ე მუხლს დაემატოს 24² მუხლი შემდეგი რედაქციით:

„მუხლი 24²

1. საზოგადოებასთან ურთიერთობის სამსახურის საქმიანობას ხელმძღვანელობს სამსახურის უფროსი.

2. საზოგადოებასთან ურთიერთობის სამსახურის უფროსი ანგარიშვალდებულია ინსპექტორის წინაშე.

3. საზოგადოებასთან ურთიერთობის სამსახურის უფროსის ფუნქციებია:

ა) სამსახურის საქმიანობის დაგეგმვა, წარმართვა, მოსამსახურის მიერ სამსახურებრივი მოვალეობების შესრულების კოორდინაცია და ზედამხედველობა;

ბ) პერსონალური მონაცემების დამუშავებისა და დაცვის შესახებ საზოგადოების ცნობიერების ამაღლების კამპანიის, მათ შორის, საზოგადოებასთან ურთიერთობის მიმართულებით სხვადასხვა ღონისძიებების ორგანიზება და განხორციელება;

გ) აპარატის ოფიციალური ვებგვერდის და სოციალურ ქსელებში ოფიციალური გვერდების მართვის და განახლების პროცესის უზრუნველყოფა, მათ განვითარებაზე ზრუნვა; განახლებული ინფორმაციის განთავსება და შემოსულ შეტყობინებებზე დროული რეაგირების უზრუნველყოფა;

დ) საინფორმაციო მასალების (პრესრელიზი) მომზადება და გავრცელების უზრუნველყოფა;

ე) აპარატის საინფორმაციო და საიმიჯო მასალების, სლოგანების შემუშავების და დიზაინის მომზადების უზრუნველყოფა, მათი დამზადების (ბეჭდვის) პროცესის კოორდინირება;

ვ) აპარატის ღონისძიებების ფოტო/ვიდეოგადაღების და არქივის წარმოების უზრუნველყოფა;

ზ) მედიამონიტორინგის უზრუნველყოფა;

თ) სამოქმედო გეგმებისა და საქმიანობის შესახებ ანგარიშების წარდგენა ინსპექტორისთვის;

ი) სამსახურის კომპეტენციის ფარგლებში მომზადებელი დოკუმენტების ვიზირება;

კ) ინსპექტორის დავალებით სამსახურის კომპეტენციის ფარგლებში მომზადებული დოკუმენტაციის ხელმოწერა და სხვა ფუნქციების შესრულება.“.

17. 25-ე მუხლს დაემატოს 25¹ მუხლი შემდეგი რედაქციით:

„მუხლი 25¹

1. ინფორმაციული უსაფრთხოების ოფიცერი ანგარიშვალდებულია ინსპექტორის წინაშე.

2. ინფორმაციული უსაფრთხოების ოფიცრის ფუნქციებია:

ა) ინფორმაციული უსაფრთხოების პოლიტიკის შემუშავება საერთაშორისო სტანდარტების შესაბამისად და დანერგვის პროცესში მონაწილეობის მიღება;

ბ) ინფორმაციული უსაფრთხოების პოლიტიკის საფუძველზე სტანდარტების, წესების, ინსტრუქციების, პროცედურებისა და სხვა დოკუმენტების შემუშავება და მათ შესრულებაზე მონიტორინგი;

გ) ინფორმაციული უსაფრთხოების პოლიტიკის საფუძველზე შემუშავებული პროცედურების და წესების ტექნიკური დანერგვის პროცესში მონაწილეობის მიღება, რეკომენდაციების მომზადება;

დ) ინფორმაციული უსაფრთხოების მართვის სისტემის დოკუმენტაციის (პოლიტიკის, პროცედურების, სახელმძღვანელოების) მომზადების, განხილვის, დამტკიცების და გადახედვის პროცესის კოორდინაცია;

ე) ინფორმაციული აქტივებისა და მათზე წვდომების აღწერის უზრუნველყოფა, ასევე შესაბამისი რეკომენდაციების მომზადება ინფორმაციულ აქტივებზე წვდომების გადანაწილებისა და შეზღუდვების შესახებ;

ვ) ინფორმაციული უსაფრთხოების პოლიტიკის დანერგვის შესაბამისად სამოქმედო გეგმის შედგენა და ამ გეგმის შესრულების შესახებ პერიოდული ანგარიშის წარდგენა;

ზ) ინფორმაციული უსაფრთხოების ინციდენტების შესახებ ინფორმაციის შეგროვება და მათზე რეაგირების მონიტორინგი;

თ) განცხადების განხილვის ან/და ინსპექტირების პროცესში აპარატის მხარდაჭერა ინფორმაციული უსაფრთხოების მიმართულებით;

ი) ინფორმაციული უსაფრთხოების მიმართულებით რეკომენდაციების მომზადება საჯარო და კერძო ორგანიზაციებისათვის „პერსონალურ მონაცემთა დაცვის შესახებ" საქართველოს კანონის შესაბამისად;

კ) სამოქმედო გეგმების და საქმიანობის შესახებ ანგარიშების წარდგენა ინსპექტორისთვის;

ლ) საქართველოს კანონმდებლობით, ამ დებულებით, აპარატის შინაგანაწესით და ინსპექტორის სხვა სამართლებრივი აქტებით გათვალისწინებული ფუნქციების და ვალდებულებების შესრულება;

მ) ინსპექტორის დავალებით სხვა ფუნქციების შესრულება.

3. აღნიშნული ფუნქციების განხორციელების მიზნით ინფორმაციული უსაფრთხოების ოფიცერი უფლებამოსილია:

ა) მოითხოვოს ფუნქციების განხორციელებისათვის საჭირო ინფორმაცია და დახმარება სხვა სტრუქტურული ერთეულისგან/მოსამსახურისგან;

ბ) წარუდგინოს წინადადებები ინსპექტორს კომპეტენციის შესაბამისად ცალკეული საკითხების მოწესრიგებისა და გადაწყვეტის მიზნით;

გ) განახორციელოს სხვა უფლებამოსილებები, რომელიც აუცილებელია ინფორმაციული უსაფრთხოების ოფიცერის ფუნქციების ეფექტური შესრულებისთვის.“.

18. 26-ე და 27-ე მუხლები ამოღებულ იქნეს.

ეს ბრძანება ამოქმედდეს გამოქვეყნებისთანავე.