დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ,,საქართველოს ტერიტორიაზე მქმედი დეკრეტული დროის გაუქმებისა და სასარტყელო (გეოგრაფიული) დროის შემოღების შესახებ`` | |
|---|---|
| დოკუმენტის ნომერი | 177 |
| დოკუმენტის მიმღები | საქართველოს პრეზიდენტი. |
| მიღების თარიღი | 24/05/2004 |
| დოკუმენტის ტიპი | საქართველოს პრეზიდენტის ბრძანებულება |
| გამოქვეყნების წყარო, თარიღი | სსმ, 54, 25/05/2004 |
| სარეგისტრაციო კოდი | 010.340.000.05.002.002 |
საქართველოს პრეზიდენტის
ბრძანებულება №177
2004 წლის 24 მაისი
ქ. თბილისი
საქართველოს ტერიტორიაზე მოქმედი დეკრეტული დროის გაუქმებისა და სასარტყელო (გეოგრაფიული) დროის შემოღების შესახებ
საქართველოს გეოგრაფიული მდებარეობის, სახელმწიფოში მიმდინარე ევროინტეგრაციის პროცესებისა და საქართველოს სტანდარტიზაციის, მეტროლოგიისა და სერტიფიკაციის სახელმწიფო დეპარტამენტის დროისა და სიხშირის სახელმწიფო სამსახურის მიერ წარმოდგენილი წინადადებების გათვალისწინებით:
1. ძალადაკარგულად ჩაითვალოს „საქართველოს ტერიტორიაზე დეკრეტული დროის შემოღების შესახებ“ საქართველოს პრეზიდენტის 1998 წლის 9 ნოემბრის №636 ბრძანებულება.
2. 2004 წლის 27 ივნისიდან საქართველოს მთელ ტერიტორიაზე გაუქმდეს დეკრეტული დრო, შემოღებულ იქნეს სასარტყელო (გეოგრაფიული) დრო და 27 ივნისის 03 საათზე მოხდეს საათის ისრების გადაწევა ერთი საათით უკან.
3. მიეცეთ რეკომენდაცია საქართველოს სახელმწიფო დაწესებულებებს და სხვა დაწესებულებებსა და ორგანიზაციებს სამუშაოს დაწყების დრო გადაიტანონ ერთი საათით ადრე.
4. საქართველოს საგარეო საქმეთა სამინისტრომ (ს. ზურაბიშვილი) უზრუნველყოს ევროპის ეკონომიკური კომისიის აღმასრულებელი სამდივნოსათვის ამ ბრძანებულებით გათვალისწინებული ღონისძიებების შესახებ ინფორმაციის მიწოდება.
მ. სააკაშვილი
დოკუმენტის კომენტარები