სტრუქტურული რეფორმების დაჩქარების ღონისძიებათა შესახებ

საქართველოს პრეზიდენტის

ბრძანებულება №150

1999 წლის 19 აპრილი

ქ. თბილისი

სტრუქტურული რეფორმების დაჩქარების   ღონისძიებათა შესახებ

ქვეყანაში მიმდინარე რეფორმების შემაფერხებელი პრობ­ლემების გადაჭრის მოკლევადიან ეფექტიან ღონისძიებათა გან­ხორ­ციელებისა და ეკონომიკაში რეალური დადებითი შედეგების მიღწევისათვის, ყოველნაირი ზომა უნდა იქნეს მიღებული, რომ სტრუქ­ტურული რეფორმების  პროგრამა განხორციელდეს, და, რაც მთავარია, სოციალურ სფეროში თითოეულმა მოქალაქემ უმოკლეს ვადაში უნდა მიიღოს სარგებლობა, რათა დარწმუნდეს ეკონომიკური რეფორმების სისწორეში.

სტრუქტურული რეფორმების დასაჩქარებლად საჭირო ღონის­ძიებათა განხორციელების მიზნით:

1. საქართველოს მთავრობამ ამერიკის შეერთებული შტატების მთავ­რობის მხარდაჭერით განახორციელოს მოკლევადიანი ეფექტიანი ღონისძიებები შემდეგი ხუთი მიმართულებით:

– ფისკალური სიტუაციის ნორმალიზაცია;

– ბრძოლა კორუფციის წინააღმდეგ;

– სასოფლო-სამეურნეო მიწებზე უფლებათა მინიჭება;

– დახმარება საშუალო და მცირე მეწარმეთათვის;

– პრივატიზაცია.

2. საქართველოს სახელმწიფო მინისტრმა ვ. ლორთქიფანიძემ ორგანიზება გაუწიოს სამუშაო ჯგუფებს თითოეული მიმართულებით ეფექ­ტიანი მუშაობისათვის, მიზანმიმართული გახადოს აღნიშნული სამუშაოები აშშ საელჩოსა და საერთაშორისო განვითარების სააგენ­ტოსთან ერთად. სამუშაო ჯგუფები მოამზადებენ პროგრამებს თავი­ანთი მიზნებისა და ამოცანების გათვალისწინებით და წარმო­უდგენენ საქართველოს პრეზიდენტს ამ ბრძანებულების ხელმოწერიდან ორ კვირაში.

3. საქართველოს აღმასრულებელი ხელისუფლების დაწესებუ­ლებებმა ყოველნაირად შეუწყონ ხელი რეფორმების განხორციელებას ზემო­აღნიშნულ ხუთ სფეროში.

4. საქართველოს სახელმწიფო მინისტრმა წარმოადგინოს ანგარიში გაწე­ული მუშაობის შესახებ  თვეში ორჯერ მაინც.

ე. შევარდნაძე