„საჯარო სამართლის იურიდიული პირის - „სმართ ლოჯიქის“ (SMART LOGIC) დებულების დამტკიცების შესახებ“ საქართველოს იუსტიციის მინისტრის 2014 წლის 7 აპრილის №18 ბრძანებაში ცვლილების შეტანის თაობაზე

1. მე-3 მუხლის:

ა) „გ“ ქვეპუნქტი ამოღებულ იქნეს;

 ბ) „ე“ ქვეპუნქტი ამოღებულ იქნეს.

2. მე-4 მუხლის:

ა) პირველი და  მე-2 პუნქტები ჩამოყალიბდეს შემდეგი რედაქციით:

„1. პროგრამული უზრუნველყოფის დეპარტამენტი უზრუნველყოფს მომსახურების მიმღებ დაწესებულებებში შექმნილ და არსებულ პროგრამულ უზრუნველყოფაში ცვლილებების შეტანას და ახალი პროგრამული უზრუნველყოფის შექმნას, „სმართ ლოჯიქში“ მიმდინარე პროექტების შესრულების პროგრესის მუდმივ შეფასებას და სამომავლო პროექტების ყველა ეტაპის დაგეგმვას, პროექტების რისკებისა და პრობლემების მართვას. აგრეთვე კანონმდებლობით გათვალისწინებული სხვა ამოცანების, მინისტრისა და კურატორი მინისტრის მოადგილის ცალკეულ დავალებათა შესრულებას.

2. ტექნიკური მხარდაჭერის დეპარტამენტი უზრუნველყოფს მომსახურების მიმღებ დაწესებულებებში უკვე არსებული კომპიუტერული სერვისების მხარდაჭერას, გლობალური ქსელის და სერვერების, რომლებზეც მუშაობს უკვე დანერგილი პროგრამები, გამართულ ფუნქციონირებას, აგრეთვე კანონმდებლობით გათვალისწინებული სხვა ამოცანების, მინისტრისა და კურატორი მინისტრის მოადგილის ცალკეულ დავალებათა შესრულებას.“.

ბ) მე-3 და 3¹ პუნქტები ამოღებულ იქნეს.

3.  მე-5 მუხლის:

ა) მე-2 პუნქტი ამოღებულ იქნეს;

ბ)  მე-3 პუნქტი ჩამოყალიბდეს შემდეგი რედაქციით:

„3. „სმართ ლოჯიქის“ დირექტორის არყოფნის ან მის მიერ სამსახურებრივი უფლებამოსილების განხორციელების შეუძლებლობის შემთხვევაში, დირექტორის მოვალეობას მინისტრის ბრძანების საფუძველზე ასრულებს „სმართ ლოჯიქის“ ერთ-ერთი სტრუქტურული ქვედანაყოფის უფროსი.“.