,,საქართველოს ბუნებრივი გაზის ტრანსპორტირების საერთაშორისო კორპორაციის შექმნის შესახებ`` საქართველოს პრეზიდენის 1996 წლის 12 აგვისტოს №519 და ,,სააქციო საზოგადოება ,,საქართველოს გაზის საერთაშორისო კოორპორაციის შესახებ`` საქართველოს პრეზიდენტის 1997 წლის 20 აპრილის №206 ბრძანებულებებში ცვლილებების შეტანისა და გაზის სფეროში გადაუდებელი ღონისძიებების განხორციელების თაობაზე``

საქართველოს პრეზიდენტის

ბრძანებულება №137

2004 წლის 22 აპრილი

ქ. თბილისი

„საქართველოს ბუნებრივი გაზის ტრანსპორტირების საერთაშორისო კორპორაციის შექმნის შესახებ“ საქართველოს პრეზიდენტის 1996 წლის 12 აგვისტოს №519 და „სააქციო საზოგადოება „საქართველოს გაზის საერთაშორისო კოორპორაციის შესახებ“ საქართველოს პრეზიდენტის 1997 წლის 20 აპრილის №206 ბრძანებულებებში ცვლილებების შეტანისა და გაზის სფეროში გადაუდებელი ღონისძიებების განხორციელების თაობაზე

საქართველოში ბუნებრივი გაზის ტრანსპორტირებისა და გაზის სისტემის სახელმწიფოებრივი მნიშვნელობიდან გამომდინარე, სახელმწიფოს ინტერესების დაცვისა და უზრუნველყოფის მიზნით:

1. ძალადაკარგულად ჩაითვალოს:

ა) „საქართველოს ბუნებრივი გაზის ტრანსპორტირების საერთაშორისო კორპორაციის შექმნის შესახებ“ საქართველოს პრეზიდენტის 1996 წლის 12 აგვისტოს №519 ბრძანებულების მე-2, მე-3 და მე-5 პუნქტები;

ბ) „სააქციო საზოგადოება „საქართველოს გაზის საერთაშორისო კორპორაციის შესახებ“ საქართველოს პრეზიდენტის 1997 წლის 20 აპრილის №206 ბრძანებულების მე-4 პუნქტი.

2. საქართველოს ეკონომიკის სამინისტრომ (ი. რეხვიაშვილი) კანონმდებლობით დადგენილი წესით უზრუნველყოს სააქციო საზოგადოება „საქართველოს გაზის საერთაშორისო კორპორაციის“ სახელმწიფო საკუთრებაში არსებულ აქციათა 100 პროცენტის მართვის უფლების საჯარო სამართლის იურიდიული პირის – „საწარმოთა მართვის სააგენტოსათვის“ გადაცემის მიზნით შესაბამისი ღონისძიებების განხორციელება.

3. საქართველოს მთავრობამ (ზ. ჟვანია) დარგში არსებული მდგომარეობის გაუმჯობესების მიზნით, ქვეყნისა და მოსახლეობის ინტერესების დაცვის უზრუნველსაყოფად შეისწავლოს ბუნებრივი გაზის სფეროში არსებული მდგომარეობა და შეიმუშაოს შესაბამისი წინადადებები.

მ. სააკაშვილი