საქართველოს სასჯელაღსრულებისა და პრობაციის სამინისტროს მიერ სახელმწიფო შესყიდვების გამარტივებული ელექტრონული ტენდერის მეშვეობით განხორციელების შესახებ

საქართველოს მთავრობის

განკარგულება №2653

2016 წლის 26 დეკემბერი

ქ. თბილისი

საქართველოს სასჯელაღსრულებისა და პრობაციის სამინისტროს მიერ სახელმწიფო შესყიდვების გამარტივებული ელექტრონული ტენდერის მეშვეობით განხორციელების შესახებ

 „სახელმწიფო შესყიდვების შესახებ“ საქართველოს კანონის 10¹ მუხლის 3¹ პუნქტის შესაბამისად, საქართველოს სასჯელაღსრულებისა და პრობაციის სამინისტრომ (შემდგომში - სამინისტრო) „საქართველოს 2017 წლის სახელმწიფო ბიუჯეტის შესახებ“ საქართველოს კანონით გათვალისწინებული სახელმწიფო პროგრამებისათვის − „პენიტენციური სისტემის პოლიტიკის შემუშავება, მართვა და ბრალდებულ/მსჯავრდებულთა ყოფითი პირობების გაუმჯობესება“ (პროგრამული კოდი: 27 01 01, საქართველოს სასჯელაღსრულებისა და პრობაციის სამინისტრო), „სრულყოფილი პრობაციის სისტემა“ (პროგრამული კოდი: 27 02, სსიპ - არასაპატიმრო სასჯელთა აღსრულებისა და პრობაციის ეროვნული სააგენტო), „სასჯელაღსრულებისა და პრობაციის სისტემისათვის თანამშრომელთა მომზადება და პროფესიული განვითარება“ (პროგრამული კოდი: 27 03, სსიპ - სასჯელაღსრულებისა და პრობაციის სასწავლო ცენტრი),  2017 წლის 1 იანვრიდან 2017 წლის 31 დეკემბრის ჩათვლით, ავტოსატრანსპორტო საშუალებების დაზღვევის მომსახურების ერთობლივი სახელმწიფო შესყიდვა 234 000 (ორას ოცდათოთხმეტი ათასი) ლარის ზღვრული ოდენობით განახორციელოს გამარტივებული ელექტრონული ტენდერის მეშვეობით.

პრემიერ-მინისტრი                                                            გიორგი კვირიკაშვილი