„გარდაბნის მუნიციპალიტეტის წარმატებულ სპორტსმენთა დაჯილდოების წესის დამტკიცების შესახებ“ გარდაბნის მუნიციპალიტეტის საკრებულოს 2015 წლის 24 ივნისის №40 დადგენილებაში ცვლილებების შეტანის შესახებ

1. დადგენილების დანართის მესამე მუხლი ჩამოყალიბდეს შემდეგი რედაქციით:

„მუხლი 3.

1. გადაწყვეტილებას ა(ა)იპ „გარდაბნის მუნიციპალიტეტის სპორტული ცენტრის“ წარმატებულ სპორტსმენთა და მწვრთნელთა დაჯილდოების შესახებ სხდომაზე ინდივიდუალურად იღებს მუნიციპალიტეტის საკრებულო შესაბამისი განკარგულებით. ჯილდოს სახით მწვრთნელზე ერთჯერადად გასაცემი თანხა არ უნდა აღემატებოდეს წარმატებული სპორტსმენ(ებ)ის დასაჯილდოებელი თანხის 50%-ს.

იმ შემთხვევაში, თუ რამდენიმე სპორტსმენის მწვრთნელი ერთი და იგივე პიროვნებაა, მწვრთნელი დაჯილდოვდება საუკეთესო ტიტულის მქონე სპორტსმენის მაჩვენებლის შესაბამისად.

სპორტსმენის რამდენიმე გამარჯვების საკითხის ერთდროულად განხილვის შემთხვევაში, მწვრთნელს ერთჯერადი ჯილდო მიეცემა წარმატებული სპორტსმენის საუკეთესო მაჩვენებლის შესაბამისად.

2. გუნდური გამარჯვების შემთხვევაში, გუნდის და ცალკეული სპორტსმენის დაჯილდოების საკითხი არ განიხილება“.