„Clean Energy Invest AS“-ის მიერ საქართველოს მთავრობის სასარგებლოდ საბანკო გარანტიის წარდგენის თაობაზე

საქართველოს მთავრობის

განკარგულება №2583

2016 წლის 15 დეკემბერი

ქ. თბილისი

„Clean Energy Invest AS“-ის მიერ საქართველოს მთავრობის სასარგებლოდ საბანკო გარანტიის წარდგენის თაობაზე

ცნობად იქნეს მიღებული ინფორმაცია საქართველოს მთავრობას, „Clean Energy Invest AS“-სა და შპს „აჭარისწყალი ჯორჯიას“ შორის 2014 წლის 13 ოქტომბერს დადებული ურთიერთგაგების მემორანდუმით ნაკისრი ვალდებულებების უზრუნველყოფის მიზნით შპს „Clean Energy Invest AS“-ის მიერ განახლებული საბანკო გარანტიის (ოდენობა: 3,112,500.00 აშშ დოლარი, გარანტი: „Handelsbanken“, №123032-94899103860) საქართველოს მთავრობის სასარგებლოდ წარდგენის თაობაზე.

ამ განკარგულების პირველი პუნქტის გათვალისწინებით, საქართველოს ენერგეტიკის სამინისტრომ უზრუნველყოს „Clean Energy Invest AS“-ის მიერ საქართველოს მთავრობის სასარგებლოდ წარდგენილი საბანკო გარანტიის (3,112,500.00 აშშ დოლარი, გარანტი: „Handelsbanken“, №122577-94899103828) დაბრუნება.

ამ განკარგულების მეორე პუნქტში განსაზღვრული საბანკო გარანტიის დაბრუნების თაობაზე გარანტიის გამცემ ბანკში წარსადგენ შესაბამის წერილზე საქართველოს მთავრობის სახელით ხელმოწერის უფლებამოსილება მიენიჭოს საქართველოს ენერგეტიკის მინისტრს, კახა კალაძეს.

პრემიერ-მინისტრი                                                    გიორგი კვირიკაშვილი