სტიქიის შედეგების სალიკვიდაციო ღონისძიებების განხორციელების თაობაზე

საქართველოს მთავრობის

განკარგულება №2522

2016 წლის 9 დეკემბერი

ქ. თბილისი

სტიქიის შედეგების სალიკვიდაციო ღონისძიებების განხორციელების თაობაზე

1. მიმდინარე წლის ნოემბერში მომხდარი სტიქიური მოვლენების შედეგების სალიკვიდაციო ღონისძიებების განხორციელების მიზნით, საქართველოს ფინანსთა სამინისტრომ „საქართველოს 2016 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს რეგიონებში განსახორციელებელი პროექტების ფონდიდან, საპროექტო დოკუმენტაციის მომზადების, საექსპერტო მომსახურების, სამშენებლო სამუშაოების და მასთან დაკავშირებული საქონლისა და მომსახურების შესყიდვისათვის, მუნიციპალიტეტებს გამოუყოს 821 700 (რვაას ოცდაერთი ათას შვიდასი) ლარი, მათ შორის:

ა) ქალაქ ქუთაისის მუნიციპალიტეტს – 341 200 (სამას ორმოცდაერთი ათას ორასი) ლარი;

ბ) ბაღდათის მუნიციპალიტეტს – 338 200 (სამას ოცდათვრამეტი ათას ორასი) ლარი;

გ) ხონის მუნიციპალიტეტს – 90 300 (ოთხმოცდაათი ათას სამასი) ლარი;

დ) ტყიბულის მუნიციპალიტეტს – 52 000 (ორმოცდათორმეტი ათასი) ლარი.

2. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების მიზნით, ქალაქ ქუთაისის, ბაღდათის და ხონის მუნიციპალიტეტებმა, ამ განკარგულების პირველი პუნქტით გათვალისწინებული თანხის ფარგლებში, სტიქიური მოვლენების შედეგების სალიკვიდაციო ღონისძიებებთან დაკავშირებული სახელმწიფო შესყიდვები განახორციელონ გამარტივებული შესყიდვის საშუალებით.

პრემიერ-მინისტრი გიორგი კვირიკაშვილი