„ქალაქ ახალციხის მუნიციპალიტეტის მერიის ადმინისტრაციული სამსახურის დებულების დამტკიცების შესახებ“ ქალაქ ახალციხის მუნიციპალიტეტის საკრებულოს 2015 წლის 30 იანვრის №7 დადგენილებაში ცვლილების შეტანის თაობაზე

,,6. ადმინისტრაციული სამსახურის ადგილსამყოფელია: საქართველო, ახალციხე 0800, მერაბ კოსტავას №18.’’.

             ,,მუხლი 4. ადმინისტრაციის საქმიანობის ორგანიზაცია და სტრუქტურა

1. სამსახური შედგება სამსახურის უფროსისა და სტრუქტურული ქვედანაყოფებისაგან;

2. ადმინისტრაციული სამსახურის სტრუქტურული ქვედანყოფებია:

ა)  საქმისწარმოებისა და ადამიანური რესურსების მართვის განყოფილება;

ბ)  საორგანიზაციო განყოფილება;

გ)  საზოგადოებასთან ურთიერთობის განყოფილება.

3.   სამსახურს ხელმძღვანელობს სამსახურის უფროსი, რომელსაც „საჯარო სამსახურის შესახებ” საქართველოს კანონის შესაბამისად, თანამდებობაზე ნიშნავს და თანამდებობიდან ათავისუფლებს ქალაქ ახალციხის მუნიციპალიტეტის მერი.’’.

,,2. საორგანიზაციო განყოფილება:

ა) საინფორმაციო-საკომუნიკაციო სისტემის გამართული ფუნქციონირება;

ბ) საოფისე ავეჯის, კომპიუტერების და სხვა ტექნიკის მოვლა-პატრონობა, რემონტი და ტექნიკური მომსახურება;

გ) მერის სამსახურების სარგებლობაში არსებული სატრანსპორტო საშუალებების რემონტი და ტექნიკური მომსახურება;

დ) გამართული კომუნიკაცია მუნიციპალიტეტის ორგანოებსა და სტრუქტურულ ერთეულებს შორის, ადგილობრივი თვითმმართველობის თანამდებობის პირთა, სახელმწიფო ორგანოებთან, იურიდიულ პირებთან და სხვა გაერთიანებებთან;

3. საზოგადოებასთან ურთიერთობის განყოფილება:

ა) მუნიციპალიტეტის ვებგვერდის ადმინისტრირება;

ბ) სხვა მუნიციპალიტეტის თვითმმართველ ერთეულებთან, ადგილობრივ თვითმმართველობათა ეროვნულ ასოციაციასთან, საერთაშორისო ორგანიზაციებთან თანამშრომლობის ორგანიზება;

გ) მუნიციპალიტეტის ოფიციალური ღონისძიებების დაგეგმვა და ორგანიზება;

დ) ოფიციალური დელეგაციების მიღება, საგარეო ვიზიტების დაგეგმვა და ორგანიზება;

ე) მერიის მოსამსახურეებისა და წარმომადგენლების საზოგადოებასთან ურთიერთობის კოორდინირებული საქმიანობის ხელშეწყობა, კომუნიკაცია მოქალაქეებთან;

ვ) მერის პრესკონფერენციების ჩატარება, მუნიციპალიტეტის ადგილობრივი თვითმმართველობის ორგანოების პრესდაიჯესტის მომზადება და გამოქვეყნება, ურთიერთობა მასობრივ საინფორმაციო საშუალებებთან.’’.