,,წყალტუბოს მუნიციპალიტეტის 2016 წლის ბიუჯეტის შესახებ” წყალტუბოს მუნიციპალიტეტის საკრებულოს 2015 წლის 25 დეკემბრის №74 დადგენილებაში ცვლილების შეტანის თაობაზე

1. დადგენილების პირველი მუხლი ჩამოყალიბდეს ახალი რედაქციით:

,,მუხლი 1.

მუნიციპალიტეტის ბიუჯეტის ბალანსი

განისაზღვროს მუნიციპალიტეტის ბიუჯეტის ბალანსი თანდართული რედაქციით:

“.

2. დადგენილების მეორე მუხლი ჩამოყალიბდეს ახალი რედაქციით:

,,მუხლი 2.

მუნიციპალიტეტის ბიუჯეტის შემოსულობები, გადასახდელები და ნაშთის ცვლილება

განისაზღვროს მუნიციპალიტეტის ბიუჯეტის შემოსულობები, გადასახდელები და ნაშთის ცვლილება თანდართული რედაქციით:

“.

3. დადგენილების მესამე მუხლი ჩამოყალიბდეს ახალი რედაქციით:

,,მუხლი 3.

წყალტუბოს მუნიციპალიტეტის ბიუჯეტის შემოსავლები

განისაზღვროს მუნიციპალიტეტის ბიუჯეტის შემოსავლები 14 106.1 ათასი ლარის ოდენობით:

“.

4. დადგენილების მექვსე მუხლი ჩამოყალიბდეს ახალი რედაქციით:

,,მუხლი 6.

მუნიციპალიტეტის ბიუჯეტის სხვა შემოსავლები

განისაზღვროს მუნიციპალიტეტის ბიუჯეტის სხვა შემოსავლები 1485.8 ათასი ლარის ოდენობით:

“.

5. დადგენილების მეშვიდე მუხლი ჩამოყალიბდეს ახალი რედაქციით:

,,მუხლი 7.

მუნიციპალიტეტის ბიუჯეტის ხარჯები

განისაზღვროს მუნიციპალიტეტის ბიუჯეტის ხარჯები 11 141.9 ათასი ლარის ოდენობით, თანდართული რედაქციით:

“.

6. დადგენილების მერვე მუხლი ჩამოყალიბდეს ახალი რედაქციით:

,,მუხლი 8.

მუნიციპალიტეტის ბიუჯეტის არაფინანსური აქტივების ცვლილება

განისაზღვროს მუნიციპალიტეტის ბიუჯეტის არაფინანსური აქტივების ცვლილება  4024.6 ათასი ლარის ოდენობით, მათ შორის:

ა) განისაზღვროს მუნიციპალიტეტის ბიუჯეტის არაფინანსური აქტივების ზრდა 4 908.3 ათასი ლარის ოდენობით, თანდართული რედაქციით:

ბ) განისაზღვროს მუნიციპალიტეტის ბიუჯეტის არაფინანსური აქტივების კლება 883.7 ათასი ლარის ოდენობით, მათ შორის:

“.

7. დადგენილების მეცხრე მუხლი ჩამოყალიბდეს ახალი რედაქციით:

,,მუხლი 9.

მუნიციპალიტეტის ბიუჯეტის ხარჯებისა და არაფინანსური  აქტივების ზრდის ფუნქციონალური კლასიფიკაცია

განისაზღვროს მუნიციპალიტეტის ბიუჯეტის ხარჯებისა და არაფინანსური აქტივების ზრდა ფუნქციონალურ ჭრილში, თანდართული რედაქციით:

8. დადგენილების მეთორმეტე მუხლი ჩამოყალიბდეს ახალი რედაქციით:

,,მუხლი 12.

მუნიციპალიტეტის ბიუჯეტის სარეზერვო ფონდი

მუნიციპალიტეტის ბიუჯეტით გაუთვალისწინებელი გადასახდელების დაფინანსების მიზნით მუნიციპალიტეტის ბიუჯეტში შეიქმნას სარეზერვო ფონდი 37,0 ათასი ლარის ოდენობით და მისი განკარგვა განხორციელდეს მუნიციპალიტეტის გამგებლის გადაწყვეტილებების შესაბამისად.

9. დადგენილების მეთხუთმეტე მუხლი ჩამოყალიბდეს ახალი რედაქციით:

,,მუხლი 15.

მუნიციპალიტეტის ბიუჯეტის პრიორიტეტები და პროგრამები

1. თავდაცვა და საგანგებო სიტუაციების მართვა – 105.5 ათ. ლარი (პროგრამული კოდი  02 00)

ქვეყნის თავდაცვისუნარიანობის ხარისხის ამაღლების ხელშეწყობის მიზნით მუნიციპალიტეტში ხორციელდება სამხედრო აღრიცხვის და გაწვევის, წვევამდელთა ტრანსპორტირების ღონისძიებები.

1.1. ქვეყნის თავდაცვისუნარიანობის ამაღლების ხელშეწყობა – 105.5 ათ. ლარი (პროგრამული კოდი 02 02)

საქართველოს შეიარაღებული ძალების საბრძოლო მზადყოფნის ამაღლებისათვის წყალტუბოს მუნიციპალიტეტში ხორციელდება წვევამდელთა და რეზერვისტთა აღრიცხვა, შეკრება და გაწვევის პუნქტებამდე ტრანსპორტირების უზრუნველყოფა.

2. ინფრასტრუქტურის მშენებლობა, რეაბილიტაცია და ექსპლოატაცია – 7741.5 ათ. ლარი  (პროგრამული კოდი 03 00)

მუნიციპალიტეტის ეკონომიკური და ტურისტული პოტენციალის სრული გამოყენება, ურბანული განვითარება და  ინფრასტრუქტურის შემდგომი გაუმჯობესება ბიუჯეტის ერთ-ერთ მთავარ პრიორიტეტს წარმოადგენს. პრიორიტეტის ფარგლებში გაგრძელდება საგზაო ინფრასტრუქტურის მშენებლობა-რეაბილიტაცია, ქალაქის საცხოვრებელ უბნებში ეზოების კეთილმოწყობა  და საცხოვრებელი კორპუსების რეაბილიტაცია. ინფრასტრუქტურის  მშენებლობისა და რეაბილიტაციის გარდა პრიორიტეტის ფარგლებში განხორციელდება არსებული ინფრასტრუქტურის მოვლა-შენახვა და დაფინანსდება ექსპლოატაციასთან დაკავშირებული ხარჯები.

2.1. საგზაო ინფრასტრუქტურის მშენებლობა-რეაბილიტაცია და მოვლა-შენახვა – 3 077.2 ათ. ლარი (პროგრამული კოდი 03 01)

პროგრამის ფარგლებში განხორციელდება მუნიციპალიტეტში არსებული  გზების რეაბილიტაცია და მოვლა-შენახვა ქალაქ წყალტუბოში 9 აპრილის ქუჩა №3 ბინასთან მისასვლელი გზა, ნუცუბიძის ქუჩის შესახვევის გზა, ლორთქიფანიძის ქუჩის №10 და №16 ჩიხის გზა, შარტავას ქუჩის №1 შესახვევის გზა, დედაენის ქუჩის №15 და №17 ბინების წინ გზა, ნინოშვილის ქუჩის №1 და №2 ჩიხების გზა, შარტავას ქუჩის №1 ჩიხის გზა, გურამიშვილის №1, №4 და №6 ბინასთან საავტომობილო გზა, თბილისის ქუჩის №1 ჩიხის გზა. ასევე განხორციელდება ქალაქ წყალტუბოსა და წყალტუბოს მუნიციპალიტეტის სოფლებში საავტომობილო გზების სტიქიისა და თოვლის საფარისაგან გაწმენდა.

პროგრამის ფარგლებში განხორციელდება ჭავავაძის ქუჩის მიმდებარე საყრდენი კედლების, ტროტუარების და მწვანესაფარიანი გაზონების კეთილმოწყობის თანადაფინანსება.

პროგრამის ფარგლებში მოხდება სოფელ ხომულის, ჯიმასტაროს, პირველი წყალტუბოს, ქვიტირისა და ქალაქ წყალტუბოს რუსთავის, ტყაბლაძის, ევდოშვილის, 9 აპრილის მე-3 შესახვევის, ხანძთელის, ბაგრატის ქუჩების გზის რეაბილიტაციის თანადაფინანსება.

პროგრამის ფარგლებში განხორციელდება სოფელ მუხიანი – ბროწეულას რკინიგზის გადასარბენზე პირუტყვის გადასარეკი გვირაბის მოწყობის თანადაფინანსება. ასევე დაფინანსდება ს.ს. ,,საქართველოს რკინიგზის“ საკუთრებაში არსებული მიწის ნაკვეთების განსაზღვრულ ნაწილზე მუხიანი – ბროწეულას რკინიგზის გადსარბენზე პირუტყვის გადასარბენი გვირაბის მშენებლობის პროექტის შეთანხმებისა და სამშენებლო სამუშაოების სანებართვო ხარჯები.

პროგრამის ფარგლებში მოხდება ქალაქ წყალტუბოში ვაჟა ფშაველას ქუჩაზე №2 საბავშვო ბაღის, 9 აპრილის ქუჩის პირველი შესავხევი №2-ში მდებარე №4 საბავშვო ბაღის, 9 აპრილის ქუჩის პირველი შესახვევი №4-ში და მე-2 საჯარო სკოლის მიმდებარედ ქარხნული წესით დამზადებული სიჩქარის შემზღუდავი ბარიერების მოწყობა. ასევე განხორციელდება მუნიციპალური მნიშვნელობის მქონე გზებზე, ბაზრის მიმდებარე ტერიტორიაზე, არარეგულირებად გზაჯვარედინებზე, საბავშვო ბაღებისა და სკოლების მიმდებარედ სხვადასხვა ინფორმაციის შემცველი საგზაო ნიშნების მოწყობა.

პროგრამის ფარგლებში განხორციელდება წყალტუბოს მუნიციპალიტეტის შიდა სასოფლო გზების რეაბილიტაციისათვის მზა ბეტონის შეძენა.

პროგრამის ფარგლებში განხორცილდება შანიძის ქუჩაზე გზის საფარის აღდგენითი სამუშაოები და სოფელ ოფურჩხეთის სასაფლაოსთან მისასვლელი გზის ბეტონის საფარით მოწყობა – კაპიტალური შეკეთება.

პროგრამის ფარგლებში განხორციელდება 4-9 ივლისს მუნიციპალიტეტში მომხდარი სტიქიის შედეგად მიყენებული ზიანის აღმოფხვრა, კერძოდ: სოფელ ხომულისა და ქვილიშორის დამაკავშირებელი ახალი ხიდის აშენება და დაზიანებული შიდა გზების რეაბილიტაცია ჟონეთში, ნამოხვანში, ზარათსა და ქვილიშორში.

2.2. კომუნალური ინფრასტრუქტურის მშენებლობა-რეაბილიტაცია და მოვლა-შენახვა – 2603.0 ათ. ლარი (პროგრამული კოდი 03 02)

პროგრამის ფარგლებში განხორციელდება მუნიციპალიტეტში არსებული ამხანაგობების თანადაფინანსება  საცხოვრებელი კორპუსებისა და უბნების კეთილმოწყობისათვის, გარე განათების ქსელის გაფართოება და ექსპლოატაცია. უზრუნველყოფილი იქნება მუნიციპალიტეტში სანიტარულ-ჰიგიენური მდგომარეობის გაუმჯობესება.

2.2.1 წყალტუბოს მუნიციპალიტეტის დასუფთავების ღონისძიებები – 585.8 ათ. ლარი (პროგრამული კოდი 03 02 02)

მუნიციპალიტეტის ერთ-ერთ მთავარ პრიორიტეტს წარმოადგენს სანიტარულ-ჰიგიენური მდგომარეობის უზრუნველყოფა, შესაბამისად ამ პროგრამით გათვალისწინებულია ქალაქის ყოველდღიური დაგვა–დასუფთავება და მუნიციპალიტეტის ტერიტორიიდან საყოფაცხოვრებო და სამეურნეო ნარჩენების გატანა. დაფინანსდება  აღნიშნული ღონისძიებების განხორციელებისათის საჭირო ხარჯები.

2.2.2. შენობების  რეაბილიტაცია-კეთილმოწყობა – 1342.1 ათ. ლარი  (პროგრამული კოდი 03 02 03)

ქვეპროგრამის ფარგლებში მოხდება წყალტუბოს მუნიციპალიტეტში არსებული ამხანაგობების თანადაფინანსება საცხოვრებელი კორპუსებისა და უბნების კეთილმოწყობისათვის, კერძოდ: მრავალბინიანი საცხოვრებელი სახლების საერთო სარგებლობის, ეზოების მოწყობა ბეტონის და ასფალტობეტონის საფარით, სანიაღვრე არხების მოწყობა, ლიფტების რეაბილიტაცია, სადარბაზოების შესასვლელი რკინის კარებების მონტაჟი, სენსორული განათების მოწყობა, სახურავის რეაბილიტაცია, წყალ-საკანალიზაციო ქსელის რეაბილიტაცია და სხვა.

ქვეპროგრამის ფარგლებში განხორციელდება სარეაბილიტაციო ცენტრი ,,ჩვენი სახლის“ ფართისა და ქალაქ წყალტუბოში №1 საბავშვო ბაგა-ბაღის რეაბილიტაცია-კეთილმოწყობა.

ქვეპროგრამის ფარგლებში მოხდება სოფელ ხომულში, ფარცხანაყანევში, ქვიტირში, რიონში საბავშვო ბაღის მშენებლობა – მოწყობისა და სოფელ ჩუნეშში ნ. ლორთქიფანიძის სახლმუზეუმის რეაბილიტაციის თანადაფინანსება.

ქვეპროგრამის ფარგლებში განხორციელდება ქალაქ წყალტუბოში 9 აპრილის ქუჩა №2-ში მდებარე ფართზე (საკ. კოდი 29.08.37.055) გამანაწილებელ ქსელზე მისაერთებელი სიმძლავრის გაზრდის საფასურის გადახდა.

ქვეპროგრამის ფარგლებში მოხდება სოფელ რიონში საბავშვო ბაღსა და ადმინისტრაციულ შენობაში წყალმომარაგების სამუშაოების დაფინანსება.

ქვეპროგრამის ფარგლებში განხორციელდება სპეც. ტექნიკის რეცხვისა და დეზინფექციისათვის სამრეცხაოს და ანტისეპტიკური ჭის მოწყობა.

ქვეპროგრამის ფარგლებში მოხდება სოფელ საყულიაში სასოფლო კლუბის გარე ფასადის რეაბილიტაცია.

ქვეპროგრამის ფარგლებში განხორციელდება მიმდინარე წლის 21-23 ნოემბერის ძლიერი ქარის შედეგად მიყენებული ზიანის სალიკვიდაციო სამუშაოები, კერძოდ: საყულიის, ახალი საყულიის ოფშკვითის და მესხეთის საბავშვო ბაღების, კოპიტნარის დევნილთა დასახლების ხუთი კორპუსის და ქალაქ წყალტუბოში კოლხეთის ქუჩის №6, თამარ მეფის ქუჩის №5, თამარ მეფის ქუჩის №7, დედა ენის ქუჩის №5, ჭავჭავაძის ქუჩის II შესახვევი №4 და სოფელ მაღლაკში (იმერეთის საყრდენი პუნქტი) ქუჩა №44, №1 საერთო ბინების სახურავების აღდგენა.

2.2.3. წყლის სისტემის რეაბილიტაცია და ექსპლოატაცია – 350.2 ათ. ლარი (პროგრამული კოდი 03 02 04)

ქვეპროგრამის ფარგლებში განხორციელდება ქალაქ წყალტუბოში სარაჯიშვილი და ლერმონტოვის ქუჩების გადაკვეთასთან 22 ოჯახისათვის საკანალიზაციო ქსელის მოწყობა.

ქვეპროგრამის ფარგლებში მოხდება სოფელ ქვილიშორის სასმელი წყლის სისტემის მოწყობის თანადაფინანსება.

ქვეპროგრამის ფარგლებში განხორციელდება სოფელ გეგუთში ვარციხჰესის დასახლებაში მოსახლეობისათვის ელექტრო სადენის შეძენა წყლის ტუმბოს ჩართვისათვის.

ქვეპროგრამის ფარგლებში დაფინანსდება ცენტრალურ პარკში არსებული ფანტანებისა და სხვადსხვა სისტემების მიერ მოხმარებული წყლის ღირებულება.

ქვეპროგრამის ფარგლებში განხორციელდება სოფელ ქვილიშორში სასმელი წყლის სისტემის მოწყობა.

ქვეპროგრამის ფარგლებში დაფინანსდება სოფელ ბანოჯაში სასმელი წყლის რეზერვუარების რეცხვა- დეზინფექციისა და სოფელ მაღლაკის (მიწაწითელი) სასმელის წყლის მილების ვარგისიანობის დადგენის სამუშაოები.

2.2.4.  გარე განათება – 316.6 ათ. ლარი (პროგრამული კოდი 03 02 05)

ქვეპროგრამის ფარგლებში დაფინანსდება მოხმარებული ელ. ენერგიის ღირებულება.

ქვეპროგრამის ფარგლებში მოხდება ელ. გამანაწილებელ ქსელზე დაერთებები და ახალი აღრიცხვის კვანძის მოწყობა.

ქვეპროგრამის ფარგლებში განხორციელდება სოფელ ქვიტირში კომპაქტურად ჩასახლებული დევნილთათვის გარე განათების სისტემის მოწყობა.

2.2.5. მაწანწალა ძაღლების იზოლირება – 8.4  ათ. ლარი (პროგრამული კოდი 03 02 06)

ქვეპროგრამის ფარგლებში მოხდება მოსახლეობის დაცვა მაწანწალა ცხოველებისაგან.                       

   2.3. მუნიციპალიტეტის კეთილმოწყობის ღონისძიებები- 725.6 ათ. ლარი (პროგრამული კოდი 03 03)

პროგრამის ფარგლებში განხორციელდება ა(ა)იპ „წყალტუბოს მუნიციპალიტეტის კეთილმოწყობის ცენტრის“ სუბსიდირება და არაფინანსური აქტივების შეძენა.

 ქვეპროგრამის ფარგლებში მოხდება ქალაქ წყალტუბოში დედაენის ქუჩაზე №1 საჯარო სკოლის წინ და სოფელ გუმბრინის ცენტრში მგზავრთა მოსაცდელის მოწყობა.

ქვეპროგრამის ფარგლებში განხორციელდება ცივი ტბის მიმდებარედ ბუნებრივი აირის შიდა ქსელის მოწყობა და დაერთება.

ქვეპროგრამის ფარგლებში მოხდება სოფელ ტყაჩირში მგზავრთა მოსაცდელის მოწყობა.

2.4. სოფლის მხარდაჭერის პროგრამა – 1240.7 ათ. ლარი (პროგრამული კოდი 03 04)

პროგრამის ფარგლებში განხორციელდება მუნიციპალიტეტის სოფლებში სხვადასხვა ინფრასტრუქტურული პროექტები.

2.5. საპროექტო დოკუმენტაცია და საექსპერტო მომსახურება – 95.0 ათ. ლარი (პროგრამული კოდი 03 05)

პროგრამის ფარგლებში მოხდება მუნიციპალიტეტში განსახორციელებელი ინფრასტრუქტურული პროექტების საპროექტო დოკუმენტაციის მომზადება.     

3. განათლება – 1 365.0 ათ. ლარი (პროგრამული კოდი 04 00)

მომავალი თაობების აღზრდის მიმართულებით დაწყებითი და ზოგადი განათლების გარდა  მნიშვნელოვანი როლი ენიჭება ასევე სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და შესაბამისად თვითმმართველობის ერთ-ერთ პრიორიტეტს  წარმოადგენს, რომლის ფარგლებში მომდევნო წლებში განხორციელდება საბავშვო ბაღების ფუნქციონირებისათვის საჭირო ხარჯების დაფინანსება.

3.1. საბავშვო ბაღების გაერთიანების დაფინანსება – 1 365.0 ათ. ლარი (პროგრამული კოდი 04 01)

პროგრამის ფარგლებში დაფინანსდება საბავშვო ბაღების ფუნქციონირებისათის აუცილებელი ხარჯები, რომელიც შექმნის მუნიციპალიტეტის საბავშვო ბაღებში თანამედროვე სტანდარტების შესაბამის ბაზას და აღსაზრდელებისათვის სრულფასოვან  გარემოს.  ასევე ხელს შეუწყობს მათ მომზადებას ზოგადი განათლების მისაღებად.

4. კულტურა, რელიგია, ახალგაზრდული და სპორტული ღონისძიებები – 1 987.2 ათ. ლარი  (პროგრამული კოდი 05 00)

ინფრასტრუქტურული და ეკონომიკური განვითარების პარალერულად აუცილებელია ხელი შეეწყოს კულტურული ტრადიციების დაცვას და ღირსეულ გაგრძელებას. ამასთანავე, ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, თვითმმართველობა განაგრძობს კულტურული ობიექტების ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას.

4.1. სპორტის განვითარების ხელშეწყობა –  753.2 ათ. ლარი (პროგრამული კოდი 05 01)

პროგრამის ფარგლებში განხორციელდება ა(ა)იპ ,,წყალტუბოს სპორტული კლუბების გაერთიანების“ და ა(ა)იპ ,,საფეხბურთო კლუბი სამგურალის“ ფინანსური მხარდაჭერა, რათა მათ ჰქონდეთ შესაძლებლობა უზრუნველყონ სპორტსმენებისათვის სავარჯიშოდ შესაბამისი პირობების შექმნა და ნიჭიერი სპორტსმენების წახალისება, გაიმართება და დაფინანსდება სხვადასხვა სპორტული ღონისძიებები, აგრეთვე მოხდება სპორტული მოედნებისა და ბაზების მოწყობა-რეაბილიტაცია, ცენტრალური სტადიონის რეაბილიტაციის დამატებითი სამუშაოები.

პროგრამის ფარგლებში გათვალისწინებულია ასევე სხვადასხვა სპორტული ღონისძიებების დაფინანსება, კერძოდ: გივი თალაკვაძის ხსოვნისადმი მიძღვნილი რესპუბლიკური ტურნირი მძლეოსნობაში,  ფრენბურთის ტურნირი გოგონებს შორის, მაგიდის ჩოგბურთის ტურნირი, ჯემალ ბერაძის ხსოვნისადმი მიძღვნილი სამოყვარულო ტურნირი ჭადრაკში, კალათბურთის ტურნირი სკოლებს შორის, ხელბურთის ტურნირი გოგონებს შორის, შალვა ბზიკაძის ხსოვნის ტურნირი ძიუდოში, ხელბურთის ტურნირი სკოლებს შორის (ბიჭები),  მკლავჭიდის ტურნირი, გარბენი ქალაქის რკალზე, ნოდარ კოხრეიძის ხსოვნის ტურნირი მინი ფეხბურთში, მხიარული სტარტები ბაღებს შორის, ომარ ფხაკაძის ხსოვნისადმი მიძღვნილი ტურნირი ველორბოლაში, სამოყვარულო ტურნირი ნარდში, დავით აფხაძის ხსოვნის ტურნირი ბ/რომაულ ჭიდაობაში, ზურაბ ბადირეიშვილი ხსოვნის ტურნირი კალათბურთში, მერაბ მოსიავას ხსოვნის ტურნირი მინი ფეხბურთში, ზაურ ტეხოვის ხსოვნისადმი მიძღვნილი ტურნირი მინი ფეხბურთში, როინ მეტრეველის ხსოვნის ტურნირი ხელბურთში, ,,მოყვარულთა თასი 2016“.

პროგრამის ფარგლებში განხორციელდება ა(ა)იპ ,,ქართული ფეხბურთის განვითარების ფონდის“ ფინანსური მხარდაჭერა.

4.2. კულტურის განვითარების ხელშეწყობა –  1035.1 ათ. ლარი (პროგრამული კოდი 05 02)

კულტურული ტრადიციების დაცვისა და პოპულარიზაციის მიზნით პროგრამის ფარგლებში გაგრძელდება სხვადასხვა კულტურული ორგანიზაციების ა(ა)იპ „წყალტუბოს ბავშვთა და ახალგაზრდობის ცენტრის“ და ა(ა)იპ „წყალტუბოს მუნიციპალიტეტის კულტურისა და ტურიზმის განვითარების ცენტრის“ დაფინანსება, სხვადასხვა გასართობი და სანახაობრივი ღონისძიებების ფინანსური მხარდაჭერა და ორგანიზება.          

4.3. ახალგაზრდული და კულტურული პროგრამების დაფინანსება – 98.9 ათ. ლარი (პროგრამული კოდი 05 03)

პროგრამის ფარგლებში დაფინანსდება სხვადასხვა ღონისძიებები, რომლებიც ხელს შეუწყობს ახალგაზრდა თაობის მეტ ჩართულობას მუნიციპალიტეტის ყოველდღიურ საქმიანობასა და მის განვითარებაში.

პროგრამის ფარგლებში გათვალისწინებულია  სხვადასხვა ღონისძიებების დაფინანსება, კერძოდ: შშმ პირისთვის საჩუქარი, სიყვარულის დღე, ინტელექტუალური თამაში რა? სად? როდის?,  ბავშვთა საერთაშორისო დღე, ექსკურსიები, ლაშქრობა,  ახალგაზრდობის საერთაშორისო დღისადმი მიძღვნილი კვირეული, პოეზიის საღამო, სხვადასხვა ფესტივალებზე მონაწილეობა, საშობაო ღონისძიებები, ქალთა საერთაშორისო დღისადმი მიძღვნილი ღონისძიებები, 9 აპრილი, აღდგომის დღესასწაულისადმი მიძღვნილი ღონისძიებები, ფაშიზმზე გამარჯვების დღისადმი მიძღვნილი ღონისძიება, დამოუკიდებლობის დღისადმი მიძღვნილი ღონისძიება, ოტია იოსელიანის ხსოვნისადმი მიძღვნილი საღამო, 8 აგვისტო, სოხუმის დაცემის დღე, შემოდგომის წყალტუბო, საახალწლო საჩუქრები, საახალწლო ღონისძიება, კლასიკური მუსიკის საღამო, საქართველოს მოხალისე, მედიაპროექტ ,,ეტალონის“ ორგანიზება, საშობაო – საახალწლო ნაძვის ხის ნათურები.

პროგრამის ფარგლებში დაფინანსდება სოფელ საჩხეურაში მცხოვრებ გოჩა ძნელაძის ლექსების ახალი კრებულის ,,მზეს და გაზაფხულს ვენაცვალები“ გამოცემა.

პროგრამის ფარგლებში განხორციელდება ქ. წყალტუბოში ჭავჭავაძის ქუჩაზე საბავშვო ატრაქციონების მოწყობა.

4.4. რელიგიური ორგანიზაციების ხელშეწყობა – 100.0 ათ. ლარი (პროგრამული კოდი 05 04)

პროგრამის ფარგლებში გათავლისწინებულია ქუთაისის-გაენათის ეპარქიის სუბსიდირება.

5. მოსახლეობის ჯანმრთელობის დაცვა და სოციალური უზრუნველყოფა – 1 556.4 ათ. ლარი (პროგრამული კოდი 06 00)

მოსახლეობის ჯანმრთელობის დაცვის ხელშეწყობა და მათი სოციალური დაცვა მუნიციპალიტეტის  მთავარ პრიორიტეტს წარმოადგენს. მუნიციპალიტეტი არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებებით და შეღავათებით უზრუნველყოფას. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს მოსახლეობის ჯანმრთელობის დაცვას სხვადასხვა გადამდები და ინფექციური დაავადებებისაგან.

5.1. საზოგადოებრივი ჯანდაცვის მომსახურება- 76.3 ათ. ლარი (პროგრამული კოდი 06 01)

პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში ა(ა)იპ ,,წყალტუბოს მუნიციპალიტეტის საზოგადოებრივი ჯანდაცვის ცენტრის“ დაფინანსებას, რათა განხორციელდეს სხვადასხვა ღონისძიებები, კერძოდ:

·  ეპიდზედამხედველობის სისტემით (სასწრაფო შეტყობინებები) მიღებული მონაცემების რეგისტრაცია, დადგენილი წესის მიხედვით.

· გადამდებ დაავადებებზე რუტინული სტსტისტიკური ანგარიშგება დადგენილი წესის მიხედვით.

·  პირველადი ეპიდკვლევის განხორციელება.

·   დაავადებების კონტროლის პირველადი ღონიძიებები.

·  გადამდები დაავადებების ეპიდკვლევაზე ანგარიშგება დადგენილი წესის მიხედვით.

·  იმუნოპროფილაქტიკის დაგეგმვა და მასზე ანგარიშგება დადგენილი წესის მიხედვით.

· იმუნოპროფილაქტიკაზე რუტინული სტატისტიკური ანგარიშგება დადგენილი წესის მიხედვით.

· მუნიციპალიტეტის იმუნოპროფილაქტიკის მონაცემთა რუტინული დამუშავება მ.შ. შესაბამის კომპიუტერულ პროგრამაში.

·  ვაქცინათა, სხვა ასაცრელი მასალის და ცივი ჯაჭვის ინვენტარის საჭირეობის განსაზღვრა მუნიციპალიტეტისათვის დადგენილი წესის მიხედვით.

·  ვაქცინათა და სხვა ასაცრელი მასალის ლოჯისტიკაზე ზედამხედველობა.

· ვაქცინათა, სხვა ასაცრელი მასალის სამი თვის მარაგის შექმნა მუნიციპალიტეტში (ეპიდემიოლოგის ზედამხედველობის ქვეშ), დაგეგმვა, მოთხოვნა, კოორდინაცია რეგიონულ დონესთან.

· ვაქცინათა, სხვა ასაცრელი მასალის მიღება რეგისტრაცია, გაცემა მუნიციპალიტეტის პ.ჯ.დ. (პირველადი ჯანდაცვის) დაწესებულებებისათვის დადგენილი წესის მიხედვით.

· სხვა პარაზიტული დაავადებების დიაგნოსტიკა, რეკომენდაციის მიწოდება.

· ცხოვრების ჯანსაღი წესის განხორციელება (პრევენცია).

· საგანმანათლებლო, სააღმზრდელო და საგანმანათლებლო-სააღმზრდელო დაწესებულებებში სანიტარული და ჰიგიენური ნორმების დაცვის ზედამხედველობა.

·  საგანმანათლებლო, სააღმზრდელო და საგანმანათლებლო-სააღმზრდელო დაწესებულებებში პრევენციული ღონისძიებების განხორციელების ხელშეწყობა.

5.2. სოციალური პროგრამები – 1 480.2 ათ. ლარი (პროგრამული კოდი 06 02)

პროგრამა ითვალისწინებს მუნიციპალიტეტის ტერიტორიაზე რეგისტრირებული მოსახლეობის  სოციალური დახმარებებით უზრუნველყოფას. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო მომსახურების ხარჯების ანაზღაურებას,  დემოგრაფიული მდგომარეობის გაუმჯობესების მიზნით მრავალშვილიანი ოჯახების დახმარებას და სხვა სოციალურ ღონისძიებებს, რომლებიც მთლიანობაში უზრუნველყოფენ მოსახლეობის სოციალური მდგომარეობის გაუმჯობესებას.                                                               

5.2.1. მუნიციპალიტეტში მცხოვრები შეჭირვებული მოქალაქეების კვებით  უზრუნველყოფა – 131.9 ათ. ლარი (პროგრამული კოდი 06 02 01)

ქვეპროგრამის ფარგლებში გათვალისწინებულია ა(ა)იპ ,,წყალტუბოს მუნიციპალიტეტის სათნოების სახლის“ სუბსიდირება და არაფინანსური აქტივების შეძენა.

5.2.2. მუნიციპალიტეტის ტერიტორიაზე რეგისტრირებულ დღეგრძელ პირთა დახმარება- 3.0 ათ. ლარი (პროგრამული კოდი 06 02 02)

ქვეპროგრამის ფარგლებში გათვალისწინებულია მუნიციპალიტეტის ტერიტორიაზე რეგისტრირებულ დღეგრძელ პირთა  (100 და მეტი წლის ასაკის) მატერილური დახმარება, თითოეულზე 1000 ლარის ოდენობით.

5.2.3. მუნიციპალიტეტის ტერიტორიაზე რეგისტრირებული ოჯახების მატერიალური წახალისება დემოგრაფიული მდგომარეობის გაუმჯობესებისათვის – 83.5 ათ. ლარი (პროგრამული კოდი 06 02 03)

ქვეპროგრამის ფარგლებში გათვალიწინებულია დემოგრაფიული მდგომარეობის გაუმჯობესებისათვის (წყალტუბოს მუნიციპალიტეტის ტერიტორიაზე რეგისტრირებული მშობლები) ერთჯერადი ფულადი დახმარება: ა) მესამე შვილის შეძენისას–500 ლარი, ბ) მეოთხე შვილის შეძენისას –700 ლარი, გ) მეხუთე და მეტი შვილის შეძენისას –1000 ლარი, დ) ერთი და მეტი ტყუპის შეძენისას – 500 ლარი; ე) სოციალურად დაუცველ ოჯახზე (სოციალური მომსახურების სააგენტოს მონაცემთა ერთიან  ბაზაში 0-დან 65000-ი ქულის ჩათვლით  რეგისტრირებულ), რომელთაც ყავთ 18 წლამდე ასაკის 3 და მეტი შვილი გაიცეს ერთჯერადად 150 ლარი.

„ა“; „ბ“; „გ;“და „ე“ ქვეპუნქტებით გათვალისწინებული გარემოებების „დ“ ქვეპუნქტით გათვალისწინებულ გარემოებასთან ერთობლივად დადგომის შემთხვევაში ფულადი დახმარება ერთჯერადად გაიცემა ქვეპროგრამით გათვალისწინებულ შესაბამის მოცულობათა ერთობლიობით.

ამ სოციალური პროგრამის ა, ბ, გ, დ პუნქტები ვრცელდება იმ ოჯახებზე, რომელთა შვილები დაიბადა 2015-2016 წლებში და არ აქვთ მიღებული ერთჯერადი დახმარება.     

5.2.4. მუნიციპალიტეტის ტერიტორიაზე რეგისტრირებულ მოქალაქეთა სარიტუალო ხარჯები – 12.0 ათ. ლარი (პროგრამული კოდი 06 02 04)

ქვეპროგრამის ფარგლებში გათვალისწინებულია მუნიციპალიტეტის ტერიტორიაზე რეგისტრირებულ იძულებით გადაადგილებულ პირთა, სამშობლოს დაცვისას დაღუპულთა და ომის შემდგომ გარდაცვლილ მეომართა, ასევე უჭირისუფლო გარდაცვლილების  დაკრძალვის ხარჯების ნაწილობრივი ანაზღაურება, თითოეულზე 250 ლარის ოდენობით.

5.2.5. მუნიციპალიტეტის ტერიტორიაზე რეგისტრირებულ მოქალაქეთა ერთჯერადი ფულადი დახმარება – 637.9 ათ. ლარი (პროგრამული კოდი 06 02 05)

აღნიშნული ქვეპროგრამის ფარგლებში წყალტუბოს მუნიციპალიტეტის ტერიტორიაზე რეგისტრირებული მოქალაქეების ერთჯერადი დახმარება განისაზღვრება შემდეგ კატეგორიებზე: ა) სოციალურად დაუცველ ოჯახებს, რომლებიც სოციალური მომსახურების სააგენტოს მონაცემთა ერთიან ბაზაში დარეგისტრირებულია 0-დან 65 000-ის ქულის ჩათვლით, დახმარება განესაზღვროთ ერთჯერადად თითოეულ ოჯახს – 150 ლარი.   ბ) დიდი სამამულო ომის მონაწილეების დახმარება თითოეულს  – 200 ლარი; გ) ჩერნობილის ატომური ელექტროსადგურის სალიკვიდაციო სამუშაოებში მონაწილე პირთა დახმარება თითოეულს   – 200 ლარი; დ) დედ–მამით ობოლ ბავშვთა დახმარება თითოეულს  – 250 ლარი; ე) ცერებრალური დამბლით დაავადებულ პირთა დახმარება თითოეულს  – 500 ლარი; ვ) ა(ა)იპ ,,სათნოების სახლის“ ბენეფიციართა დახმარება  თითოეულს სააღგდომოდ 100 ლარი და საახალწლოდ  50 ლარი. ზ) პირველი ჯგუფის უსინათლო ინვალიდთა, მკვეთრად გამოხატული მხედველობით შეზღუდული შესაძლებლობის სტატუსის მქონე პირთა, შეზღუდული შესაძლებლობის სტატუსის მქონე მკვეთრად გამოხატული ფორმით უსინათლო პირთა დახმარება თითოეულს  – 200 ლარი; თ) თირკმლის ჩანაცვლებით თერაპიაზე:  ჰემოდიალიზზე და პერიტონეულ დიალიზზე  დამოკიდებულ მოქალაქეთა დახმარება თითოეულს – 1200 ლარი;  ი) შეზღუდული შესაძლებლობის სტატუსის მქონე ბავშვების დახმარება, გარდა ცერემბრალური დამბლით დაავადებული შეზღუდული შესაძლებლობის სტატუსის მქონე ბავშვებისა თითოეულს – 200 ლარი; კ) საქართველოს ტერიტორიული მთლიანობისათვის ბრძოლის მონაწილე, სახელმწიფო გასაცემლის (კონპესაცია, საპენსიო პაკეტი) მიმღებთა  ერთჯერადი დახმარება 200 – ლარი; ლ) სხვა სახელმწიფო ტერიტორიული მთლიანობისათვის მებრძოლი ომის მონაწილეების დახმარება თითოეულს  – 200 ლარი. მ) 2008 წლის 8 აგვისტოს საქართველოს ტერიტორიული მთლიანობისათვის საომარი მოქმედებების დროს დაღუპული მუნიციპალიტეტის ტერიტორიაზე რეგისტრირებული   პირის ოჯახზე (რეგისტრაციის ადგილის მიუხედავად) ერთჯერადი ფულადი დახმარება  – 1000 ლარი; ნ) მუნიციპალიტეტის  ტერიტორიაზე უსახლკარო ოჯახების (საცხოვრებელი სახლი დაინგრა, დაიწვა ან საცხოვრებლად უვარგისი, ავარიული ან სიცოცხლისა და ჯანმრთელობისათვის საშიში გახდა სტიქიური უბედურების,უბედური შემთხვევის ან სხვა გარემობების შედეგად) დროებითი საცხოვრებელი ფართით უზრუნველყოფის მიზნით  ბინის ქირის ასანაზღაურებელი თანხის გაცემა თითოეულს  თვეში არაუმეტეს  120 ლარისა, წლის განმავლობაში  არაუმეტეს 1440 ლარისა. ო) ა(ა)იპ სარეაბილიტაციო ცენტრი ,,ჩვენი სახლის“ ბენეფიციარ ბავშვთა დახმარება ერთჯერადად თითოეულს 100 ლარის ოდენობით. პ) სოციალურად დაუცველ ოჯახების, რომლებიც სოციალური  მომსახურების სააგენტოს მონაცემთა ერთიან  ბაზაში დარეგისტრირებული არიან 0-დან 65 000-ი   ქულის ჩათვლით, პირველ და მეორე ახალშობილზე ერთჯერადი დახმარება  თითოეულს – 200 ლარი. ჟ) სადღესასწაულოდ  (აღდგომა) საზეიმო განწყობის შექმნის მიზნით სოციალურად დაუცველი  მრავალშვილიანი ოჯახების, რომლებიც სოციალური მომსახურების სააგენტოს მონაცემთა ერთიან ბაზაში დარეგისტრირებულნი არიან 0-დან 65000-ი  ქულის ჩათვლით, უდედმამო ბავშვების, 100 წელს გადაცილებული პირების,  მეორე მსოფლიო ომის მონაწილე ვეტერანებისა და შეზღუდული შესაძლებლობის მქონე ბავშვების კვების პროდუქტებით დახმარება, თითოეულს არაუმეტეს 50 ლარის ღირებულებისა. რ) მიმდინარე წლის 4-9 ივლისს მომხდარი სტიქიის შედეგად დაზარალებული ოჯახების ერთჯერადი ფულადი დახმარება (ფაქტიური საცხოვრებელი ადგილის მიხედვით).

ამ სოციალური პროგრამის ცალკეული ქვეპუნქტების ერთობლივად დადგომის შემთხვევაში თითოეული დახმარება გაიცემა ქვეპროგრამაში გათვალისწინებული შესაბამის მოცულობათა ერთობლიობით.

5.2.6.  ბავშვთა ინკლუზიური ცენტრის დაფინანსება  – 123.0  ათ. ლარი  (პროგრამული კოდი  06 02 06)

ქვეპროგრამის ფარგლებში გათვალისწინებულია ა(ა)იპ ,,ბავშვთა ინკლუზიური ცენტრის“ სუბსიდირება და არაფინანსური აქტივების ზრდა.

5.2.7. მუნიციპალიტეტის ტერიტორიაზე რეგისტრირებული მოქალაქეების სამედიცინო დახმარების თანადაფინანსება- 441.0 ათ. ლარი (პროგრამული კოდი 06 02 07)

ქვეპროგრამის ფარგლებში გათვალისწინებულია წყალტუბოს მუნიციპალიტეტის ტერიტორიაზე რეგისტრირებული მოქალაქეების  სამედიცინო მომსახურების გეგმიური და გადაუდებელი სტაციონალური ქირურგიული ოპერაციები, მათ შორის თვალის კოსმეტიკური სახის ან ცხვირის რინოპლასტიკის რეკონსტრუქციული ფორმის ოპერაციები, (სამედიცინო ჩვენებით) სხვა სამედიცინო მომსახურება (გარდა თერაპიულისა)  ლაბორატორიულ-ინსტრუმენტული და სხვა სახის კვლევები, რომელიც არ ანაზღაურდება სადაზღვევო პოლისით ან არ არის გათვალისწინებული საყოველთაო ჯანდაცვის პროგრამით. სამედიცინო მომსახურების ღირებულება თანადაფინანსების წესით, დაფინანსდება წელიწადში ერთჯერ, რომელიც განისაზღვრება საყოველთაო ჯანდაცვის პროგრამით ან სხვა გზით გათვალისწინებული დაფინანსების გამოკლების შემდეგ დარჩენილი პაციენტის მიერ გადასახდელი წილის 50%-ით არაუმეტეს -1000 ლარი.

5.2.8 . სტიქიის, ხანძრის  შედეგად დაზარალებულ მუნიციპალიტეტის ტერიტორიაზე რეგისტრირებულ მოქალაქეთა დახმარება – 48.0 ათ. ლარი (პროგრამული კოდი 06 02 08)

აღნიშნული ქვეპროგრამის ფარგლებში გათვალისწინებულია 2016 წელს მომხდარი  ხანძრის, სტიქიის – მიწისძვრის, მეწყრის, ჩამოცვენის, ჩამოშლის, ქვათა ცვენის, კარსტული ჩამოქცევის, ღვარცოფის, წყალდიდობის, წვიმის (თოვლის) წყალმოვარდნის, ქარიშხლის, ძლიერი ქარის, გრიგალის, ძლიერი ქარბუქის, დიდთოვლობის, ძლიერი გაყინვის, მსხვილი სეტყვის, ძლიერი წვიმების, ხანგრძლივი წვიმების, კოკისპირული წვიმების, გვალვის, ზვავის, ხანძრის და სხვა ბუნებრივი ან/და ტექნოგენური ან/და საგანგებო ხასიათის მოვლენების შედეგად დაზარალებული, მუნიციპალიტეტის ტერიტორიაზე რეგისტრირებული მოქალაქეების კუთვნილ საცხოვრებელ სახლზე (ბინაზე) მიყენებული ზარალის  ნაწილობრივი ანაზღაურებისათვის დახმარება განისაზღვრება ერთჯერადად არაუმეტეს -  2000 ლარი.

დახმარება ვრცელდება 2015 წლის 1 დეკემბრიდან მიმდინარე წლის ჩათვლით სტიქიის, ხანძრის შედეგად დაზარალებულებზე, რომელთაც მიღებული არ აქვთ ამ მუხლით გათვალისწინებული  ერთჯერადი დახმარება.

 ქვეპროგრამის ფარგლებში განხორციელდება მიმდინარე წლის 21-23 ნოემბერის ძლიერი ქარის შედეგად მუნიციპალიტეტის მასშტაბით 35 საცხოვრებელი სახლის დაზიანებული სახურავის სალიკვიდაციო ღონისძიებები.

10. დადგენილების მეთექვსმეტე მუხლი ჩამოყალიბდეს ახალი რედაქციით:

,,მუხლი 16.

მუნიციპალიტეტის  ბიუჯეტის ასიგნებები

განისაზღვროს მუნიციპალიტეტის ბიუჯეტის ასიგნებები საბიუჯეტო კლასიფიკაციის მიხედვით, თანდართული რედაქციით: