სსიპ საჯარო აუდიტის ინსტიტუტის 2016 წლის ანგარიში

სსიპ – საჯარო აუდიტის ინსტიტუტის

2016 წლის ანგარიში

საქართველოს ზოგადი ადმინისტრაციული კოდექსის 49-ე მუხლით

გათვალისწინებული საჯარო ინფორმაციის ხელმისაწვდომობისა და

შეუფერხებლად გაცემის შესახებ

სსიპ საჯარო აუდიტის ინსტიტუტი თავის საქმიანობაში კანონიერების საჯაროობის, გამჭვირვალობის, ადამიანის უფლებებისა და თავისუფლებების პატივისცემის საყოველთაოდ აღიარებულ პრინციპებზე დაყრდნობით, უზრუნველყოფს ინსტიტუტში არსებული საჯარო ინფორმაციის ხელმისაწვდომობასა და შეუფერხებლად გაცემას.

სახელმწიფო აუდიტის სამსახურის განახლებულ ვებგვერდზე (www.sao.ge) და ასევე ინსტიტუტის ახალ ვებ–გვერდზე (www.sai.ge) სისტემატურად ქვეყნდება ინსტიტუტის საქმიანობასთან დაკავშირებული ინფორმაცია და აღნიშნული მასალის გაცნობა ხელმისაწვდომია ნებისმიერი დაინტერესებული პირისათვის.

საანგარიშო პერიოდში ინსტიტუტში შემოვიდა საჯარო ინფორმაციის გაცემის შესახებ 1 მოთხოვნა, რომელიც დაკმაყოფილდა. შესაბამისად, არ ყოფილა საჯარო ინფორმაციის გაცემის მოთხოვნათა არდაკმაყოფილების ან მსგავს საკითხებთან დაკავშირებით მიღებული  გადაწყვეტილების გასაჩივრების შემთხვევები.ინსტიტუტის არც ერთ მოსამსახურეს საქართველოს ზოგადი ადმინისტრაციული კოდექსის მოთხოვნათა დარღვევის გამო არ დაკისრებია რაიმე სახის დისციპლინური სახდელი, ასევე არ ყოფილა საჯარო ინფორმაციაში შესწორების შეტანის მოთხოვნა.

საჯარო ინფორმაციის გაცემისას ინსტიტუტი ხელმძღვანელობდა საქართველოს ზოგადი ადმინისტრაციული კოდექსითა და „საჯარო ინფორმაციის ასლის გადაღების მოსაკრებლის შესახებ“ საქართველოს კანონით.

რაც შეეხება საჯარო მონაცემთა ბაზებისა და ინსტიტუტის მიერ პერსონალური მონაცემების შეგროვება-დამუშავებას, აღნიშნულ საქმიანობას ახორციელებენ საქმისწარმოების და ადამიანური რესურსების მართვის სამსახურები, ელექტრონული სისტემის მეშვეობით. სამსახურში საჯარო მონაცემთა ბაზებისა და საჯარო დაწესებულებების მიერ პერსონალური მონაცემების შეგროვების, დამუშავების, შენახვისა და სხვისთვის გადაცემის შემთხვევები არ დაფიქსირებულა.

ინსტიტუტის დირექტორი    დავით აზმაიფარაშვილი