,,საქართველოს შინაგან საქმეთა სამინისტროს შინაგანი ჯარების სპეციალური დანიშნულების მსუბუქი ქვეითი ცალკეული ბატალიონის შექმნის, ფულადი კმაყოფისა და სხვა პირობებეის განსაძღვრის შესახებ``

საქართველოს პრეზიდენტის

ბრძანებულება №35

2004 წლის 30 იანვარი

ქ. თბილისი

საქართველოს შინაგან საქმეთა სამინისტროს შინაგანი ჯარების სპეციალური დანიშნულების მსუბუქი ქვეითი ცალკეული ბატალიონის შექმნის, ფულადი კმაყოფისა და სხვა პირობების განსაზღვრის შესახებ

იმის გათვალისწინებით, რომ საქართველოს შინაგან საქმეთა სამინისტროში დაწყებულ რეფორმებს დიდი მნიშვნელობა ენიჭება ახალი ქართული სახელმწიფოებრიობის, დემოკრატიული საზოგადოების მშენებლობასა და ქვეყნის სტაბილურობის განმტკიცებაში:

1. შეიქმნას საქართველოს შინაგან საქმეთა სამინისტროს შინაგანი ჯარების სპეციალური დანიშნულების მსუბუქი ქვეითი ცალკეული ბატალიონი.

2. „სამხედრო მოსამსახურის სტატუსის შესახებ“ საქართველოს კანონის მე-15 მუხლის მე-6 პუნქტის შესაბამისად საქართველოს შინაგან საქმეთა სამინისტროს შინაგანი ჯარების სპეცდანიშნულების მსუბუქი ქვეითი ცალკეულ ბატალიონში სამხედრო სამსახური ჩაითვალოს როგორც სამხედრო სამსახურის გავლის განსაკუთრებული პირობა.

3. საქართველოს შინაგან საქმეთა სამინისტროს შინაგანი ჯარების სპეციალური დანიშნულების მსუბუქ ქვეით ცალკეული ბატალიონის სამხედრო მოსამსახურეებზე გავრცელდეს „საქართველოსა და ამერიკის შეერთებული შტატების „წვრთნისა და აღჭურვის“ ერთობლივი პროგრამის მონაწილე სამხედრო ძალების ქვედანაყოფების სამხედრო მოსამსახურეთა ფულადი კმაყოფისა და სხვა სოციალური პირობების განსაზღვრის შესახებ“ საქართველოს პრეზიდენტის ბრძანებულებით განსაზღვრული თანამდებობრივი განაკვეთისათვის დაწესებული დანამატი და საყაზარმე კვების პირობებში სასურსათო ულუფის ნორმატივი.

4. საქართველოს ფინანსთა სამინისტრომ (ზ. ნოღაიდელი) ამ ღონისძიებების ფინანსური უზრუნველყოფისათვის საჭირო ასიგნებები გაითვალისწინოს „საქართველოს 2004 წლის სახელმწიფო ბიუჯეტის შესახებ“ საქართველოს კანონში.

5. საქართველოს შინაგან საქმეთა სამინისტრომ (გ. ბარამიძე) უზრუნველყოს იმ სამხედრო მოსამსახურეებთან კონტრაქტის გაფორმება, რომლებიც იმსახურებენ შესაბამის ქვედანაყოფებში.

მ. სააკაშვილი