,,საქართველოს აღმასრულებელ ხელისუფლებასა და უზბეკეთის რესპუბლიკის მთავრობას შორის პერიოდული გამოცემებისა და წიგნადი პროდუქციის ურთიერთგაცვლისა და გავრცელების დარგში თანამშრომლოდის შესახებ`` ქ. თბილისში 2003 წლის 10 ოქტომბერს ხელმოწერილი შეთანხმების დამტკიცებისა და ძალაში შესვლის თაობაზე

საქართველოს პრეზიდენტის

ბრძანებულება №19

2004 წლის 16 იანვარი

ქ. თბილისი

„საქართველოს აღმასრულებელ ხელისუფლებასა და უზბეკეთის რესპუბლიკის მთავრობას შორის პერიოდული გამოცემებისა და წიგნადი პროდუქციის ურთიერთგაცვლისა და გავრცელების დარგში თანამშრომლობის შესახებ“                            ქ. თბილისში 2003 წლის 10 ოქტომბერს ხელმოწერილი შეთანხმების დამტკიცებისა და ძალაში შესვლის თაობაზე

1. ძალაში შესვლის მიზნით დამტკიცდეს ქ. თბილისში 2003 წლის 10 ოქტომბერს ხელმოწერილი შეთანხმება „საქართველოს აღმასრულებელ ხელისუფლებასა და უზბეკეთის რესპუბლიკის მთავრობას შორის პერიოდული გამოცემებისა და წიგნადი პროდუქციის ურთიერთგაცვლისა და გავრცელების დარგში თანამშრომლობის შესახებ“.

2. საქართველოს საგარეო საქმეთა სამინისტრომ (თ. ჯაფარიძე):

ა) აცნობოს საქართველოს პარლამენტს, რომ ხელი მოეწერა ამ ბრძანებულების პირველ პუნქტში აღნიშნულ შეთანხმებას.

ბ) შეატყობინოს უზბეკეთის რესპუბლიკის მთავრობას, რომ შესრულებულია ამ ბრძანებულების პირველ პუნქტში აღნიშნული შეთანხმების ძალაში შესვლისათვის აუცილებელი საქართველოს შიდასახელმწიფოებრივი სამართლებრივი პროცედურა.

ნ. ბურჯანაძე

საქართველოს პრეზიდენტის

 მოვალეობის შემსრულებელი