დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
,,საქართველოს შეიარაღებული ძალების გენერალური შტაბის სპეციალური ოპერაციების ძალების დებულების დამტკიცების შესახებ’’ საქართველოს თავდაცვის მინისტრის 2014 წლის 29 იანვრის N7 ბრძანებაში ცვლილებებისა შეტანის თაობაზე | |
---|---|
დოკუმენტის ნომერი | 101 |
დოკუმენტის მიმღები | საქართველოს თავდაცვის მინისტრი |
მიღების თარიღი | 16/12/2016 |
დოკუმენტის ტიპი | საქართველოს მინისტრის ბრძანება |
გამოქვეყნების წყარო, თარიღი | ვებგვერდი, 16/12/2016 |
ძალაში შესვლის თარიღი | 19/12/2016 |
სარეგისტრაციო კოდი | 120340000.22.026.016434 |
|
,,საქართველოს შეიარაღებული ძალების გენერალური შტაბის სპეციალური ოპერაციების ძალების დებულების დამტკიცების შესახებ’’ საქართველოს თავდაცვის მინისტრის 2014 წლის 29 იანვრის №7 ბრძანებაში ცვლილების შეტანის თაობაზე
|
ნორმატიული აქტების შესახებ” საქართველოს კანონის მე-20 მუხლის მე-4 პუნქტის შესაბამისად, ვბრძანებ: |
მუხლი 1 |
,,საქართველოს შეიარაღებული ძალების გენერალური შტაბის სპეციალური ოპერაციების ძალების დებულების დამტკიცების შესახებ“ საქართველოს თავდაცვის მინისტრის 2014 წლის 29 იანვრის №7 ბრძანებით (ვებგვერდი, 03/02/2014, სარეგისტრაციო კოდი: 120340000.22.026.016229) დამტკიცებულ დებულებაში შეტანილ იქნეს ცვლილება და დებულების მე-4 მუხლის:
1. პირველი პუნქტის „ა“ ქვეპუნქტი ამოღებულ იქნეს. 2. პირველი პუნქტის ,,ვ’’ და ,,ზ’’ ქვეპუნქტები ჩამოყალიბდეს შემდეგი რედაქციით: ,,ვ) რეინჯერთა ბატალიონი; ზ) მხარდამჭერი ბატალიონი;’’. 3. პირველ პუნქტს დაემატოს „თ“ და „ი“ ქვეპუნქტები შემდეგი რედაქციით: „თ) საფინანსო განყოფილება; ი) იურიდიული განყოფილება.“. 4. მე-2 პუნქტი ამოღებულ იქნეს. 5. მე-3 პუნქტს დაემატოს „ზ“ ქვეპუნქტი შემდეგი რედაქციით: „ზ) ძალებში საქმისწარმოების (მათ შორის – საიდუმლო საქმისწარმოების) განხორციელება/კონტროლი, ასევე საფელდეგერო მომსახურება და ძალებში არსებული დოკუმენტაციის შენახვა/დაარქივება.“. 6. მე-7 და მე-8 პუნქტები ჩამოყალიბდეს შემდეგი რედაქციით: „7. რეინჯერთა ბატალიონის ფუნქციებია: ა) სამთო, მკაცრ და შეზღუდულ გარემო პირობებში საბრძოლო და სხვა სახის მოქმედების შესაძლებლობა, როგორც ინდივიდუალურად, ასევე საცეცხლე მხარდამჭერი ქვედანაყოფის სახით; ბ) სპეციალურ ოპერაციებს განკუთვნილი პირდაპირი მოქმედებების, ასევე სპეციალურ ოპერაციათა დამხმარე ოპერაციების განხორციელების უზრუნველყოფა; გ) სრული სპექტრის ოპერაციების მსვლელობისას კონვენციურ ქვედანაყოფებთან ურთიერთქმედების შესაძლებლობა 8. მხარდამჭერი ბატალიონის ფუნქციებია: ა) ძალების ძირითადი დისლოკაციის ადგილების დაცვა და უსაფრთხოების ღონისძიებების გატარება; ბ) კომპეტენციის ფარგლებში, ძალებში ლოგისტიკური უზრუნველყოფის განხორციელება; გ) ძალებზე დაქვემდებარებული ქვედანაყოფების სატრანსპორტო მომსახურება; დ) კომპეტენციის ფარგლებში, ძალების პირადი შემადგენლობის სამედიცინო მომსახურების უზრუნველყოფა; ე) კომპეტენციის ფარგლებში, ძალებში ოპერატიული და ხარისხიანი კავშირგაბმულობის სისტემის განხორციელება.’’. 7. მე-8 პუნქტის შემდეგ დაემატოს 81 და 82 პუნქტები შემდეგი რედაქციით: „81. საფინანსო განყოფილების ფუნქციებია: ა) კომპეტენციის ფარგლებში, ძალების მიერ განსახორციელებელ შესყიდვებზე ხელშეკრულებების მომზადება, მათი საფინანსო გათვლები და შესყიდვებისას განსახორციელებელი შესაბამისი პროცედურების ზედამხედველობა; ბ) კომპეტენციის ფარგლებში, ძალების საფინანსო უზრუნველყოფა, ასევე პროგრამირებისა და საბიუჯეტო გათვლების შესაბამისი დაგეგმვა. 82. იურიდიული განყოფილების ფუნქციებია: ა) ძალების საქმიანობის სამართლებრივი უზრუნველყოფა, ასევე, კომპეტენციის ფარგლებში, ძალებში შემოსული სამართლებრივი აქტების, განცხადებებისა და საჩივრების განხილვა და შესაბამისი რეაგირება; ბ) კომპეტენციის ფარგლებში, დისციპლინური წარმოების სამართლებრივი უზრუნველყოფა.“ .
|
მუხლი 2 |
ბრძანება ძალაშია 2016 წლის 19 დეკემბრიდან. |
|
დოკუმენტის კომენტარები