საქართველოს სოფლის მეურნეობის განვითარების პროექტის ფარგლებში საერთაშორისო საკრედიტო ხელშეკრულებით გათვალისწინებული საწარმოთა დაკრედიტების კომპონენტი და კომერციული ბანკებისათვის გადასესხებული საკრედიტო სახსრების დაბრუნების შედეგად აკუმულირებული თანხების გამოყენების შესახებ

საქართველოს პრეზიდენტის

ბრძანებულება №613

2003 წლის 19 დეკემბერი

ქ. თბილისი

საქართველოს სოფლის მეურნეობის განვითარების პროექტის ფარგლებში საერთაშორისო საკრედიტო ხელშეკრულებით გათვალისწინებული საწარმოთა დაკრედიტების კომპონენტიდან კომერციული ბანკებისათვის გადასესხებული საკრედიტო სახსრების დაბრუნების შედეგად აკუმულირებული თანხების გამოყენების შესახებ

1. საქართველოს სახელმწიფო ბიუჯეტში არსებული უმძიმესი ფინანსური მდგომარეობის გათვალისწინებით, საქართველოსა და განვითარების საერთაშორისო ასოციაციას შორის 1997 წლის 14 აპრილს ხელმოწერილი საერთაშორისო საკრედიტო ხელშეკრულებით (საქართველოს სოფლის მეურნეობის განვითარების პროექტი, კრედიტი №GE-2941) გათვალისწინებული საწარმოთა დაკრედიტების კომპონენ­ტიდან კომერციული ბანკებისათვის გადასესხებული საკრედიტო სახსრების დაბრუნების შედეგად 2003 წლის 1 დეკემბრამდე აკუმუ­ლი­რებული თანხა 1 314 000 ( მილიონ სამას თოთხმეტი ათასი) აშშ დოლა­რი და შემდგომ დაბრუ­ნებული თანხები სრულად მიიმართოს საქარ­თვე­ლოს სახელმწიფო ბიუჯეტში.

2. ძალადაკარგულად გამოცხადდეს „საერთაშორისო საკრედიტო ხელშეკრულებით №GE-2941 გათვალისწინებულ საწარმოთა დაკრედიტების კომპონენტიდან კომერციული ბანკებისათვის გადასეს­ხებული საკრედიტო სახსრების დაბრუნების შედეგად აკუმულირებული თანხების გამოყენების შესახებ“ საქართველოს პრეზიდენტის 2002 წლის 12 დეკემბრის №509 ბრძანებულება.

ნ. ბურჯანაძე

საქართველოს პრეზიდენტის

მოვალეობის შემსრულებელი